Levi 11:7 - Gourmanchéma Bible

⁷ O duolo, yua n pia mi taabadima ama waa bugidi. Yi baa nua o mo ke o joagini.

U TIENU MAAMA TILI 2013

⁷ O duolo pia mi taabadima, ama waa ŋmani ki bugidi. Yi baa yaa nua o ke o joagini.

Levi 11:7 ပူးပေါင်းရင်းမြစ်များ

Esayi 65:4

Bi ye a kula nni Ki yen dua ki ye ti joatanlondi nni Ki ŋmani ti duonandi Ki go pia bi tiadi nni yaa jiema n *joagini.

Esayi 66:17

Yaaba n gagidi ki ŋanbidi ki go ŋuudi ki ŋanbidi biba Ki baa yaa kua i kuani nni, Ban caa yi yaa siiga yendo yendo, Bani yaaba n ŋmani ti duonandi, Yaala n tie ti cagindi bonla Leni ti daponandi, Bani kuli baa bodi. Li Miali Diedo n maadi.

Esayi 66:3

Bi yaa bua ki padi padili Bi yen kodi nua. Ama bi yen kodi nisaalo moko. Bi yaa kodi pia, Bi yen kpa sangbanlo moko. Bi yaa cuani mi pienma padili Bi yen cuani ki padi mi duosoama moko. Bi yaa cua ki juu tulale Bi yen cua ki kpiagi i *buli moko. Landanba kuli mangidi bi pala bi sani nni Bi pala mo mani bi cancagintuona po.

Levi 11:3

Yi baa fidi ki ŋmani yaa yanga n pia mi taabadima ki go bugidi.

Levi 11:6

Ki jakpewonga yaaga n bugidi ama ki naa pia taabadima, yi baa nua kani mo ke ki joagini.

Levi 11:8

Yin da ŋmani laa yandi nandi, yin da sii li yankpiendi mo. Yi baa yaa nua ti ke ti joagini.

Matie 7:6

Da taa mani yaala n gagidi ki ŋani ki teni i sangbanli, ke ban da ti jigidi ki toatoadi yi. Da taa mani yi laani yi yaa dunga n pa ki lu i duoli, ke ban da ti ŋma ki piini la.

Luki 15:15

Lani o den gedi ki mia li tuonli dotieyendo kani ke o gedini o o kuanu po ke wan ban yaa kpaa i duoli.

Luki 8:33

Lani mu cicibiadimu den ñani o ja yeni niinni ki ban kua i duoli niinni, ke u duokulu kuli digi mi joayidima po ki jiidi ki baa mi ñincianma nni ki mia ki bodi.

Mi Tiadima 14:8

O duolo yua n pia mi taabadima ama ki naa bugidi, baa yaa joagini yipo. Yin da ŋmani laa yandi nandi, yin da sii li yankpiendi mo.