Levi 11:40 - Gourmanchéma Bible

⁴⁰ Yaa nilo n ŋmani laa yankpienga baa ŋuudi o tiadi ki yaa ye leni o joagindi hali ku yenjuogu. Yua mo n taa ki ñani ki yankpienga yeni baa ŋuudi o tiadi ki yaa ye leni o joagindi hali ku yenjuogu.

U TIENU MAAMA TILI 2013

⁴⁰ Yaa nilo n ŋmani laa yankpienga baa ŋuudi o tiadi ki yaa ye leni o joagindi hali ku yenjuagu. Yua mo n taa ki ñani ki yankpienga yeni baa ŋuudi o tiadi ki yaa ye leni o joagindi hali ku yenjuagu.

Levi 11:40 ပူးပေါင်းရင်းမြစ်များ

Esayi 1:16

Wali mani ki ŋanbi yiba Ñani mani n kani yi tuonbiada Cedi mani mi biadima tienma.

Esekieli 36:25

N baa mii yipo yaa ñima n ŋani cain, ke yin ŋuudi ki ŋanbi. N baa ŋuudi ki ŋanbi yi leni yi joagindi, leni yi buli kuli po.

Esekieli 4:14

N den yedi: «O Diedo Li Miali Diedo, n daa dini kuli yaala n joagini. Hali n biwaama ki taa ki pundi hali dinla, mii ŋmani yankpienga, mii ŋmani bonfuodo n ku yaa yanga, yaa nangu n joagini mo kuli daa kua n yaa ñoabu nni.»

Esekieli 44:31

Bi kopadicianba kan ŋmani yankpienga bi fuayanga n toadi toadi yaa yanga bi yaa nuano.

Levi 11:25

Yua n tugi li bonkpiema, o baa ŋuudi o tiadi kuli ki yaa ye leni o joagindi hali ku yenjuogu.

Levi 11:28

Yua mo n tugi laa yankpienga baa ŋuudi o tiadi ki yaa ye leni o joagindi hali ku yenjuogu. Yi baa nua laa yandi kuli ke ti tie yipo ti joagindi.

Levi 11:39

Li yaa tie ke yin ŋmani yaa yanbuoli yaa niinni yaa yanga yaa kpe, yua n sii ki yankpienga yeni baa ye leni o joagindi hali ku yenjuogu.

Levi 14:46

Yaa nilo n den kua laa dieli nni lin lo yaa yogunu baa ye leni o joangidi hali ku yenjuogu.

Levi 15:15

O kopadiciamo baa padi mu, yenga n tua ti *tuonbiadi sugili miabu padili, ki liega mo n tua padijuukaali. Yeni o kopadiciamo baa mia o nilo yeni po sugili o ñanyianma po Li Miali Diedo nintuali.

Levi 15:27

Yua n sii laa bonla kuli baa joagini oba, ki ŋuudi o tiadi ki wali ki yaa ye leni o joagindi hali ku yenjuogu.

Levi 16:26

Yaa nilo n deli ki yaani Asaseli po yaa ŋuabuali yeni, baa ŋuudi o tiadi ki go wali, lani o baa fidi ki kua li nagili nni.

Levi 16:28

Yua n sia ki buoni ti padiyandi yeni baa ŋuudi o tiadi ki go wali. Lani o baa fidi ki goa ki kua li nagili nni.

Levi 22:6

Yaa nilo n sii laa bonbuolu kuli baa yaa ye leni o joagindi hali ku yenjuogu. O kan fidi ki je yaa jiema n gagidi ki ŋani. Ama o baa wali.

Levi 22:8

O kan ŋmani yankpienga bi moayanga n toatoadi yaa yanga. Lan tie wan da ti joagini oba leni ki yanga yeni. N tie Li Miali Diedo.

Sakari 13:1

Li Miali Diedo, U Paaciamu Kuli Daano yedi: «Laa daali, Li ñinbunli baa pudi, Ki yaa ŋuudi ki ñandi Dafidi puoliŋuani Leni Jelusalema yaaba *tuonbiadi leni bi joagindi.

Mi Coadima 19:19

Li dataali daali leni li daleleeli daali yua n ki joagini baa miimii mi ñima yeni yua n joagini po. Li daleleeli o yaa mii opo, o baa ñani opo o joagindi. Yua n bi joagini yeni baa ŋuudi o tiayiekaadi, ki go wali. Lani, ku yenjuogu o baa ŋanbi.

1 Korenti 10:21

Yi kan fidi ki ño o Diedo tadiñokaaga, ki go ño mu cicibiadimu yaa tadiñokaaga. Yi kan taani ki je o Diedo jiema, ki go taani ki je mu cicibiadimu mo yaa jiema.

1 Korenti 6:11

Yi siiga bi nitianba den tie laa nibuolu, ama U Tienu ŋuudi yi o gagidi yi ki puni yi li *moamoansaali o Diedo Jesu Kilisiti yeli po leni ti Tienu Fuoma tuonli po.

Mi Tiadima 14:21

Yi kan ŋmani yankpienga kuli. Yi baa teni ga yaa nilamo n kaa yi siiga wan ŋmani, bi ki kuadi ga o caano po. Kelima yi tie yaa nibuolu n gagidi ki ŋani Li Miali Diedo yi Tienu po. Yi kan ŋaani ŋuabiga ki naa biima nni.

1 Jan 1:7

Ama ti yaa ye mi yenma nni nani U Tienu wani oba n ye mi yenma nni maama, Ti pia yanyenma leni tiyaba, O Bijua Jesu yaa soama mo baa ŋuudi ti pala Ki ñandi tipo ti *tuonbiadi kuli cain.