Levi 10:6 - Gourmanchéma Bible

⁶ Musa den maadi leni Alono, leni o bijaba Eleyasala leni Itamali, ki yedi: «Yin da ŋa yi yudi ki kan ŋanbi ti, yin da padi yi tiadi ki doagidi ke yi ye leni mi kuuma paboanli ke yin da ti kpe, yin go da ti fiini Li Miali Diedo pali li nitaanli kuli po. Cedi mani yi kpiiba, Isalele yaaba kule n mua i kumoe Li Miali Diedo n teni ke mi fantama kpa yaaba yeni po.

U TIENU MAAMA TILI 2013

⁶ Musa den yedi Alono leni o bijaba Eleasari leni Itamari: «Yin da ŋaa yi yudi ki kan ŋanbi ti, yin da padi yi tiadi ki doagidi ke yi ye leni mi kuuma paboanli. Yeni yaa ka, yi baa kpe, ki go fiini o Diedo pali li nitaanli kuli po. Cedi mani yi kpiiba, Isidayeli yaaba kule n mua i kumoe o Diedo n teni ke u mu kpa yaaba yeni po.

Levi 10:6 ပူးပေါင်းရင်းမြစ်များ

2 Samueli 24:1

Li Miali Diedo pali go den beni leni Isalele yaaba ke o den tigini Dafidi ke wan tieni yaala n baa cuani bipo yaala n bia, ki yedi ke wan coadi Isalele leni Juda yaaba.

Mi Ñama 33:5

Li Miali Diedo den kpa yedi Musa: «Ŋan yedi Isalele yaaba: Yi tie i tupaali danba. N yaa bi ye yi siiga ki yegi leni yi baa yogunu waamu bebe n bi baa bolini yi. Moala yin ñani mani yin laa yaa jaantiadi ke n baa kpaagi ki le min baa tieni yi yaala.»

Mi Ñama 6:23

Alono den taa Aminadabi bisalo Eliseba, yua n tie Nahisona yaa waalo ke o tua o pua. O den mali opo Nadabi leni Abihu Eleyasala leni Itamali.

Jeremi 7:29

Kuo ŋan den gagidi a yuli Ki bili yaa yudi yeni ki ban lu ti. Gedi a juana yula po ki wanli! Kelima Li Miali Diedo fali, O yama mo sii yaa nifiima n bieni o pali hali boncianla yeni po.›

Levi 13:45

Gbaado kuli baa laa ti tiacadinti, ki kan yaa ciibi liba. O go baa pii o ñoabu ki yaa kpaani ki tua: ‹Joagindi! Joagindi!›

Mise 1:16

Yinba Juda yaaba, kuo mani yi yula, Kelima li paboanli cuo yi, yi bibuadimu po. Kuo mani yubima nani o yobilo yeni, Kelima yi bila yeni caa ti yonbidi ki baa foagidi leni yi.»

Mi Coadima 1:53

Ama Lefi buolu yaaba wani baa kpa bi toanagili ki lindi siedi gbandieli, yeni n tie n pali n da ti fii Isalele yaaba nitaanli po. Lefi buolu yaaba n baa gu siedi gbandieli.»

Mi Coadima 14:6

Lani, yaaba n den ban gaani ki diidi mi diema yeni siiga, Nuni bijua Josue leni Jefune bijua Kalebi den padi bi tiayiekaadi,

Mi Coadima 16:22

Musa leni Alono den baa tiipo bi nunmu po, ki yedi: «Fini U Tienu, U Tienu yua n puuni yaala n fo kuli li miali. Naani a baa fiini a pali li nitaanli kuli po, niyendo yaa *tuonbiadi po?»

Mi Coadima 18:5

Yinba yiba n baa yaa tuuni u kaangagidiŋamu nni leni li padibinbinli kani, ke Li Miali Diedo pali n go da ti fii Isalele yaaba po.

Mi Coadima 20:25

Ŋan taa Alono leni o bijua Eleyasala ki duoni ba Holi juali yuli po.

Mi Coadima 5:18

O kopadiciamo baa teni o pua yeni n cua ki sedi Li Miali Diedo nintuali. O baa yiliti o pua yeni yucabili ki tieni o nuu nni mi tiadima padili leni li nunponli padili. O kopadiciamo baa yaa kubi o nuu nni yaa ñima n to ki kpendi nni ti solindi.

Mi Tiadima 33:9

Bani Lefi buolu yaaba, yaaba n den yedi bi baa leni bi naa: ‹Tii nua yi.› Bani yaaba n ki den gagidi bi kpiiba Kaa bani baa bi bila. Kelima Lefi buolu yaaba kubi a maama Ki go kubi a *ŋantaado mo.

Josue 22:18

Ña yi didi go yaadi ki ŋa Li Miali Diedo? Yi yaa fiini Li Miali Diedo po mi yiema dinla, saala o pabienli baa jiidi Isalele yaaba kuli yula poe.

Josue 22:20

Sedaka puoliŋuanu Akana n den tudi tudibiadima U Tienu n den kuani ba yaa kuali ki yedi ke ban da taa wan yedi ban bolini yaala yeni niinni, Li Miali Diedo pabienli ki den cuo Isalele yaaba kuli ka te? Wani Akana bebe ka den bodi o tudima yeni po.»

Josue 7:1

Isalele yaaba den tudi tudibiadima U Tienu n den kuani ba yaa kuali ki yedi ke ban da taa wan yedi ban bolini yaala yeni niinni. Juda buolu yua Akana den taa ban den baa bolini yaala siiga bonliba. Akana den tie Selaka puoliŋuanu. Selaka den mali Sabidi, ke Sabidi mo mali wani Akana baa Kalima. Akana n den taa yaala n kua yeni ke Li Miali Diedo pali den fii Isalele yaaba po.

Josue 7:11

Isalele yaaba tieni ti *tuonbiadi. Bi miidi min den bili bipo yaa *ŋantaado. Bi taa li bonla min den yedi ban bolini yaala yeni siiga, ki suni la, ki wuoni bi tiadi nni.