Levi 10:3 - Gourmanchéma Bible

³ Musa den yedi Alono: «U Tienu Li Miali Diedo den tuodi ki kadi ki waani yi lane wan den yedi: ‹N bua ke yaa niba n nagidi nni n yaa fangi n gagidiŋanma, ki kpiagi nni bi niba kuli nintuali.› » Alono den ŋmini suo.

U TIENU MAAMA TILI 2013

³ Musa den yedi Alono: «U Tienu o Diedo den tuodi ki waani yi lane wan den yedi: ‹N bua ke yaa niba n nagidi nni n yaa fangi n gagidiŋanma, ki kpiagi nni bi niba kuli nintuali.› » Alono den ŋmini suo.

Levi 10:3 ပူးပေါင်းရင်းမြစ်များ

Mi cilima 18:25

Ki teni o niteginka n kpe leni o nibiado ke o niteginka n tua yenma leni o nibiado, laa tuonli buolu foagi leni a. Li foagi leni a cain. Naani yua n ja ti buudi leni ki tinga yaaba kuli, o kan tieni mi teginma?»

Jobi 2:10

Ama Joba den goa ki yedi o: «A maadi nani yaa pua n ki pia mi yama yene! Be! Ti baa yaa gaani U Tienu kani yaala n ŋani, Ki nan kan ga yaala n bia wani?» Baa laa bonla kuli yaa niinni, Joba naa den tieni ti*tuonbiadi o maama nni.

Pisomi 119:120

Min fangi a maama teni ke n gbanu jeli. N jie a buudi mo.

Pisomi 148:14

O pugini o niba paalu leni bi jigidi, Li tie kpiagidi bonla o *nidugikaaba po. Isalele yaaba, bani yaa niba n nagi leni o bonŋanla yeni po. Pagi mani Li Miali Diedo!

Pisomi 39:10

N ŋmini suo, n kan yaadi n ñoabu Kelima fini n tieni nni laa bonla.

Pisomi 39:9

Faabi nni leni n biadima kuli. Da tuo o yanluodaano n yaa fiagidi nni.

Pisomi 46:10

Wani n tendi ke bu toabu gbendi i kaani kuli. O kua li dabanli ki jendi li kpaanli. O buoni bu toabu teliti kuli leni mi fantama.

Pisomi 89:7

Li Miali Diedo, ŋme n baa tuo Ki biigi o yuli leni a tanpoli po? Ŋme n naani leni a malekinba siiga?

Pisomi 93:5

A mabilikaama kuli tie moamoane cain Li Miali Diedo, mi gagidiŋanma dagidi leni a diegu U yogunu kuli po.

Mi Ñama 14:17

N mo baa teni Ejipiti yaaba pala n juagi, ban ŋoadi ba mi ñima nni. Falono leni o toatieba, leni o teliti, leni o tandanba baa teni n kpiagidi n gedi foagima.

Mi Ñama 14:4

N baa teni Falono pali n juagi wan fii ki deli ke o baa cuo ba, ama Falono leni o toatieba baa teni n yeli n baa ti kpiagidi. Ejipiti yaaba baa bandi ke n tie Li Miali Diedo.» Isalele bila den tieni yeni.

Mi Ñama 19:22

Baa bi kopadicianba yaaba n nagidi Li Miali Diedo kani, ban gagidi ki ŋanbi biba ke Li Miali Diedo n da pua ki kpa ba.»

Mi Ñama 19:24

Li Miali Diedo den yedi o: «Fii ki jiidi. A baa yuandi ki do, fini leni Alono kuli. Ama bi kopadicianba leni bi niba n da sani ki do mini Li Miali Diedo kani, ke min da ti pua ki kpa ba.»

Mi Ñama 30:30

Ŋan wuli Alono leni o bijaba yula po mi kpagagidikaama lan gagidi ki ŋanbi ba baa tuuni npo.

Esayi 39:8

Esekiasi den goa ki yedi Esayi: «Ŋan maadi Li Miali Diedo maama yaama yeni mani kelima mi yanduanma leni laafia baa yaa ye n miali yema dana nni.»

Esayi 49:3

O den yedi nni: «A tie n naacemo Fini Isalele yua, min baa doagidi n kpiagidi yua yaa niinni.»

Esayi 52:11

Gedi mani, gedi mani, ña mani Babilona diema nni! Da sii yaala n joagini kuli! Ña mani mi diema yeni siiga! Ŋanbi mani yiba, Yinba yaaba n tugi Li Miali Diedo tadimu yeni!

Esekieli 20:41

N yaa ñani yi yin den yadi yadi ki ye yaa nilanbuoli leni yaa dielanma siiga ki taani yi, n baa tuo ki ga yi pada, nani yaa padijuukaana yaa muñii n pia u nuulimanu yeni. Yeni yinba n baa teni yaa nilanbuoli n sieni n bandi ke n gagidi ki ŋani.

Esekieli 28:22

Ŋan yedi ke mini o Diedo, Li Miali Diedo yedi mi ne: N fu leni yi, Bi baa kpiagi nni yi siiga. Lanwani bi baa bandi ke n tie Li Miali Diedo, Kelima min baa jia bipo yaa buudi. Lanwani n baa doagidi n gagidiŋanma yi siiga.

Esekieli 38:16

A baa fii ki cua ki baa n niba Isalele yaaba Nani ti tawadi n yen libini mi diema maama yeni. Laa bonla baa tieni mi juodima yogunu. N baa teni ŋan cua ki baa n diema Ke i nilanbuoli n bandi nni, Fini Gogi n baa teni min gagidi ki ŋanbi bi nintuali yaa yogunu.›

Esekieli 40:46

Yaa dieli yaa buliñoabu n tiegi nijienu po yeni tie yaa kopadicianba n tuuni li *padibinbinli tuonli po yo. Lani n tie Lefi buolu siiga, Tisadoki bijaba, yaaba n den baa fidi ki pundi Li Miali Diedo kani ki soani opo.»

Esekieli 42:13

O go den yedi nni: «Nijienu po diena leni niganu yaa, ya n tiegi leni mi fanma yeni, tie yaa diena n gagidi ki ŋani. Yaa kopadicianba n kua u *kaangagidiŋamu nni, baa yaa di yaala n gagidi ki ŋani cain laa diena nni. Bi baa yaa biliti laanne yaa bonla n gagidi ki ŋani cain, bu paabu leni ban baa bilidi ban kodi yaa yandi ti *tuonbiadi sugili po naani, kelima laa kaanu den gagidi ki ŋani.

Levi 21:15

O kan jigidi o puoliŋuani, o buolu siiga yaaba, kelima n tie Li Miali Diedo Yua n Gagidi ki ŋanbi o.»

Levi 21:17

«Maadi leni Alono ki yedi o: A puoliŋuani kuli siiga yaa ja n pia poadi o gbanandi nni kuli, o kan nagini ki padi yaa pada n tie o Tienu jiema yeni, baa yaa yogu n tuu yaa yogu.

Levi 21:21

O kopadiciamo Alono puoliŋuani kuli yaa siiga, yua n pia poadi o gbanandi nni, kan fidi ki padi yaa pada n buoni mi fantama nni Li Miali Diedo po. O pia poadi o gbanandi nni, lani yaa po o kan nagini ki teni o Tienu o jiema.

Levi 21:6

Bi baa kubi bi yula ki gagidi ki yaa ŋani bi Tienu po. Bi kan fali bi Tienu yeli, kelima bi padi Li Miali Diedo po a padijuukaana, yaala n tie bi Tienu yaa jiema yeni. Bi baa yaa gagidi ki ŋanbidi bi yula.

Levi 21:8

A baa nua o kopadiciamo ke o tie nigagidiŋamo kelima o padi yaa pada n tie a Tienu yaa jiema. O baa tie apo o*nigagidiŋamo kelima n gagidi ki ŋani, mini Li Miali Diedo Yua n Gagidi ki ŋanbidi yi yeni.

Levi 22:9

Ban kubi n ñoabonli yeni kuli, ke ban da ti kua*tuonbiadi nni kelima jiema po. Bi yaa joagini laa jiema mo bi baa kpe. N tie Li Miali Diedo Yua n Gagidi ki ŋanbidi ba.

Levi 8:35

Lanwani yi baa yaa ye u Kadikaanu gbandieli buliñoabu kani hali dana lele, u yensiinu leni ku ñiagu kuli. Yin yaa kubi mani Li Miali Diedo *bali maama kuli ke yin da ti kpe. Lani n tie U Tienu n teni yaa ñoabona.»

Mi Coadima 16:5

O den maadi leni Kole leni o cagili yaaba kuli ki yedi: «Saala tiŋaagu, Li Miali Diedo baa doagidi ki waani yua n tie o yua, leni yua n gagidi ki ŋani, lani o baa teni wan nagini o. Wan baa gandi yua kuli, o den baa cedi wani yo n nagini o kani.

Mi Coadima 20:12

Lanwani Li Miali Diedo den yedi Musa leni Alono: «Nani yin kaa bi dugi npo, kaa den kpiagi nni Isalele yaaba nintuali yeni, yi kan gobidi ki kuani yaa nitaanli n tie na, min puni ba yaa diema yeni niinni.»

Matie 10:37

Yua n bua o baa yaaka o naa ki cie mini, waa pundi ki yaa tie n ŋoadika. Yua n bua o bijua yaaka o bisalo ki cie nni, waa pundi ki yaa tie n ŋoadika.

Jan n diani U Tienu Laabaaliŋamo maama 12:28

N Baa, teni a yeli n baa ti kpiagidi.› » Lane u nialu den maadi hali tanpoli po ki yedi: «N teni ke li baa ti kpiagidi no, n go baa teni lin baa ti kpiagidi ki pugini.»

Jan n diani U Tienu Laabaaliŋamo maama 14:13

Yin baa mia yaala kuli n yeli nni, n baa tieni la ke Baa n baa ti kpiagidi kelima Bijua po.

Mi Tiadima 32:51

Kelima yi den tudi npo Isalele yaaba siiga Kadesa po Meliba ñima kani, Tisini fanpienma nni. Yii den gagidi nni Isalele yaaba siiga.

2 Tesaloniki 1:10

wan cua yaa daali ki baa baa ti kpiagidi o *nigagidiŋanba siiga, ke yaaba n daani o kuli mo n ñuadi o ŋamu. Yi moko baa ye bi siiga kelima yi den daani ti siedi.

1 Pieri 4:17

U yogunu pundi ke ti buudi baa cili leni U Tienu diegu. Lanwani li yaa tie ke ti buudi cili leni tinba, yaaba n yie kaa tuo ki tiendi U Tienu Laabaaliŋamo n yedi yaala mo yaa juodima baa tie lede?

1 Samueli 2:30

Lani yaa po mini Li Miali Diedo Isalele yaaba Tienu yedi mine: ‹N den bili ke a diegu leni a baadiegu baa yaa tuuni li kopadician-tuonli n nintuali hali yaa yogunu kuli. Ama dinla n kadi ki waani ke li kan go tua yeni. Kelima n baa kpiagi yua n kpiagi nni, ama yaaba n fali nni n baa fali ba.

1 Samueli 3:18

Lanwani Samueli den togidi o likuli kaa wuoni baa liba kuli. Eli den yedi: «O tie Li Miali Diedo wan tieni yaala n dagidi opo.»

1 Samueli 6:20

Lane Beti-Semesi yaaba den yedi: «Ŋme baa fidi ki yaa ye ki fo Li Miali Diedo, U Tienu Yua n Gagidi ki ŋani nintuali? Ku ŋantaadikpaku baa gedi le ki foagidi ti kani?»