Levi 10:19 - Gourmanchéma Bible

¹⁹ Alono den goa ki yedi Musa: «Diidi, dinla bi bi padi bi candandi padili leni bi padijuukaali Li Miali Diedo nintuali. Ama yaa bonla n bi tieni nni dinla ne, n yaa bi ŋmani i candanbaani padinandi yeni, nani li bi baa mangi Li Miali Diedo bii?»

U TIENU MAAMA TILI 2013

¹⁹ Alono den guani ki yedi Musa: «Diidi, dinla bi bi padi bi candandi padili leni bi padijuukaali o Diedo nintuali. Ama yaa bonla n bi tieni nni dinla ne, n yaa bi ŋmani i candanbaani padinandi yeni, naani li bi baa mangi o Diedo?»

Levi 10:19 ပူးပေါင်းရင်းမြစ်များ

Esayi 1:11

Li Miali Diedo yedi daa: «N baa tieni be yo leni yi pada, Yaa n ki pia bianu? N guo leni yi petona padijuukaana, Leni yi naabila kpama. Mii bua yi naatona, Yi pebila leni yi ŋuabuana soama.

Esayi 1:15

Yi yaa yugidi yi nii ki baa jaandi nni, Se min buli yi n nunga, Baa yi yaa jaandi figilima coacoali, n kan cengi yi, Kelima yi nii kuli tie soama.

Jeremi 14:12

Baa bi yaa loli bu ñoabu n kan cengi bi paboandanmoe. Baa bi yaa cuani a padijuukaana leni bu paabu pada N kan cengi ba kelima n baa teni bu toabu, Mi koma leni u yianbiadipuodiko n dudi ba.»

Jeremi 6:20

N baa tieni be leni Saba diema *dugibila, Leni yaa kpentiidi yaa nuulu n mani ki ñani hali yaa diema n ye foagima? Mii bua yi padijuukaana Yi pada mo fa npo.»

Ose Tili 9:4

Bi kan go cabi duven Li Miali Diedo po. Baa bi yaa padi, o kan gaa bipo. Bi jiema baa tie bipo nani mi kujiema yene, Yua n dini ma kuli baa yaa *joagini o yuli. Bi jiema baa tie bi tugidi po bebe, Bi kan kuani ma Li Miali Diedo diegu nni

Levi 10:20

Musa den gbadi mi maama yeni ki saa mipo moamoani.

Levi 9:12

Lanwani o den kodi li padijuukaali padiyanga, o bijaba den ga mi soama ki teni o, ke o wuli ma li padibinbinli kaani kuli.

Levi 9:8

Lanwani Alono den nagini li padibinbinli kani ki kodi o*tuonbiadi sugili miabu naatonbili yeni.

Malaki 1:10

Li Miali Diedo, U Paaciamu Kuli Daano go yedi: «Li baa yaa ŋani ki cie yinba bi kopadicianba siiga nni Yendo n luoni n diegu buliñoana, Yin da go cuondi n padibinbinli po mi fantama fanma fanma. N pali ki mani yipo baa waamu. Mii go bua ki ga yi nuu nni padiliba kuli mo.

Malaki 1:13

Yi go tua ke li padibinbinli kani tuonli Pia li coagili, yi baga ki ye mo. Li Miali Diedo, U Paaciamu Kuli Daano yedi: ‹Yi kpendinni ti yansukaadi leni yaadi n duugi leni ti yanyiandi, Yi padi npo laa pada buolu yo. Naani n baa ga laa paabu yikani?› Li Miali Diedo n yedi yeni.

Malaki 2:13

Bontoala go ye ke yi tiendi la. Yi mua ki ñiidi, Hali ke yi ninsiidi milini U Tienu *padibinbinli, Kelima waa go nua ki faadi yi pada, Kelima waa go tuo ki gaani liba kuli yi nuu nni mo.

Mi Tiadima 12:7

Lankane ke yi baa je Li Miali Diedo yi Tienu nintuali yinba leni yi diedi nni yaaba, ki mangi yi pala leni yin baa yaa baali leni Li Miali Diedo yi Tienu n seligi yi ki puni yaala.

Mi Tiadima 26:14

Mii dini laa bonla siiga liba kuli n paboanli yogunu, mii ñani lienni liba kuli ki baa tieni yaala n *joagini, mii didi puni li siiga liba kuli kuuma po. N tuo Li Miali Diedo n Tienu yedima, ki tieni nani ŋan den bili npo yaa balimaama kuli.

Filipi 4:4

Yin yaa mangidi mani yi pala o Diedo nni yogunu kuli. N go waani yi yeni, yaa mangidi mani yi pala.

Hebilunba 7:27

Waa taa leni yaa kopadicianba badiba n sieni, kelima li den tie bipo tiladi daali kuli ban yen kpa padi a pada bani biba yaa tuonbiaceli po, ki nan yuandi ki padi bi niba kuli yaa tuonbiadi po. O den tieni lani yenma ke li dagidi i yogini kuli po, wan den puni o yuli yeni.

Hebilunba 9:8

U Tienu Fuoma Yua den wangi yeni ke hali li gbandiekpiali n da ye yaa yogunu kuli, u sanu daa ŋanbi yaala n tie u kaangagidiŋanmoanu nni kuama po.