Levi 10:1 - Gourmanchéma Bible

¹ Alono bijaba, Nadabi leni Abihu den taa ti fantantiadi, yua kuli yengu yengu ki padi mi fantama ki maani lipo tulale. Bi den kuani u *Kadikaanu gbandieli nni, Li Miali Diedo nintuali fantanlanma, Li Miali Diedo n den kuani ba yaala.

U TIENU MAAMA TILI 2013

¹ Alono bijaba, Nadabi leni Abihu den taa ti fantantiadi, yuakuli yengu yengu, ki padi u mu ki maani lipo tulale. Bi den kuani u mulamu u Kadikaanu Gbandieli nni o Diedo nintuali, o Diedo n den kuani ba yaala.

Levi 10:1 ပူးပေါင်းရင်းမြစ်များ

1 Bi Badiba 18:38

Lanwani Li Miali Diedo den soani mi fantama ke mi baa ki juu li padili yeni, leni li daadi, leni li tana, leni laa tincanli kuli, ki go ñuudi yaa ñima n den ye u guolu nni.

Pisomi 141:2

N jaandi n do ki pundi a kani nani a *dugibila muñii yeni, Min yugidi n nuu ki miadi a yeni Lan yaa tie nani ku yenjuogu padili.

Mi Ñama 24:1

U Tienu den yedi Musa: «Ŋan do ki cua mini Li Miali Diedo kani fini leni Alono leni Nadabi leni Abihu leni Isalele yaaba nikpeliba siiga niba piilele. Yin pugi mani nni ki da ye hali foagima.

Mi Ñama 24:9

Musa den doni li juali leni Alono leni Nadabi leni Abihu leni Isalele yaaba nikpeliba siiga niba piilele.

Mi Ñama 27:3

Ŋan duadi yaa tiadi n baa wuo mi fantanpienma: Pelinba, mu tadibuomu, i nanjogidi leni ban baa juugi tulale yaa sanbuomu nni. Ŋan duadi laa tiadi kuli leni ti kumoandi.

Mi Ñama 28:1

Teni a kpelo Alono leni o bijaba: Abihu, Nadabi, Eleyasala leni Itamali ban cua a kani ŋan gagidi ki bogini ba ban tua n kopadicianba ki yaa tuuni npo Isalele yaaba siiga.

Mi Ñama 31:11

mi kpagagidikaama yaama n ŋani, u *kaangagidiŋamu tulaleŋamo. Bi baa tieni likuli nani min bili maama yeni.»

Mi Ñama 37:29

O den tagi mi kpagagidikaama, tulale yua yaa nuulu n mani, kaa pia joagindiba ki tagi nani yua tuuni tulale tuonli n tuuni maama yeni.

Mi Ñama 38:3

O den tagi li padibinbinli tuonsoantiadi kuli, li pelinba, li tadiñokaamu, li nanjogidi, leni li fantanpaditiadi, leni li kudi babimu kuli ke laa tiadi kuli den tieni leni ti kumoandi.

Mi Ñama 40:27

O den yuandi ki teni ke bi sia tulale lipo nani U Tienu n den yedi Musa maama.

Mi Ñama 6:23

Alono den taa Aminadabi bisalo Eliseba, yua n tie Nahisona yaa waalo ke o tua o pua. O den mali opo Nadabi leni Abihu Eleyasala leni Itamali.

Mi Ñama 8:27

Li Miali Diedo den tieni Musa n den mia o yaala. I sii kuli den foagidi Falono kani leni o naacenba leni o niba yaa kani. Laa go den sieni baa siyenga.

Jeremi 19:5

Bi maa i buli pada kaani ke yi kpedi Ki taa bi bijaba ki padi a padijuukaana o bulo *Baali po. N naa den puni ba laa sanu, Mii den maadi ba laa maama, Mii den baa li yanjagili mo.

Jeremi 32:35

Bi maa bi *buli padikaani Baali po Beni-Hinomi joaloangu nni Ki baa padi bi bijaba leni bi bisiaba o bulo *Moloko po. Mii den puogi ba ban tieni laa bonla. Mii den baa li yantiali ki baa tieni laa cagindi bole Ki teni Juda n tieni ti *tuonbiadi.»

Jeremi 44:15

Yaa jaba n den bani ke bi puoba padi a dugibila yeni kuli leni yaa puoba n den ye li taanli nni kuli ki padi a dugibila i buli po leni yaa niba n den ye Patilosi Ejipiti diema nni kuli den goa ki yedi Jelemi:

Jeremi 44:8

Yi biidi n pali leni yi bontienkaala kelima yi juugi a dugibila Ejipiti diema buli po, yin cua ki wuoni naankani. Naani yi bua ban bolini yi, yin tua ti solindi leni fe bonla ki tinga nibuoli kuli siiga yo?

Jeremi 7:31

Bi ŋanbi a pada kaani Beni-Hinomi joaloangu nni, Ki baa yaa siagi bi bijaba leni bi bisiaba, Min kaa den puni yi yaa sanu. Min kaa den baa yaa yanjagili.› »

Levi 16:1

Li Miali Diedo den maadi leni Musa Alono bijaliediba kuuma puoli po, ban den cua Li Miali Diedo nintuali ki kpe kelima li yaa po.

Levi 16:12

Lani o baa taa ku fantanpientiagu ke ku gbie leni yaa mukuana n ñani yaa *padibinbinli n se Li Miali Diedo nintuali yeni yuli po leni a *dugibila yaa yoma nukula lie. O baa taa lankuli ki kua u Kadikaanu gbandieli nni ki kandi bu kpalidoaginkaabu,

Levi 22:9

Ban kubi n ñoabonli yeni kuli, ke ban da ti kua*tuonbiadi nni kelima jiema po. Bi yaa joagini laa jiema mo bi baa kpe. N tie Li Miali Diedo Yua n Gagidi ki ŋanbidi ba.

Levi 9:24

Mi fantama den ñani Li Miali Diedo nintuali ki sia a padijuukaana leni yaa pada n sieni kpama kuli li padibinbinli po. Bi niba kuli n den laa lani, bi den kpaani li pamanli kpaani ki baa ki labinilabini.

Mi Coadima 26:61

Nadabi leni Abihu den kpe kelima bi den cuani Li Miali Diedo nintuali mi fantanlanma.

Mi Coadima 4:18

«Yin yaa faami mani Kehati cubuliñoana yaaba po, ke ban da bodi Lefi buoli siiga.

Mi Tiadima 17:3

ki gedi hali ki ban kpiagi i *buli ki go gbaani ki pugi u yienu, o ŋmaalo leni tanpoli gola kuli, yaala n tie min kuani yi ke yin da tieni yaala.

Mi Tiadima 4:2

Yin da pugini liba kuli min bili yipo yaa bali maama yeni kani, yin da wadi liba mo likani. Ama yi baa kubi Li Miali Diedo yi Tienu bali maama nani min teni yi ma maama.

Hebilunba 9:4

Lienni den pia wula *padibinbinli ban den juugi a *dugibila naani, ki go pia ku *ŋantaadikpaku ban tabini yaagu wula ku kaani kuli. Ku ŋantaadikpaku niinni wula tiagu yaagu n pia *mana den ye, leni Alono gbiamu yu n den bundi, leni o *ŋantaado tanpabimu.