Levi 1:13 - Gourmanchéma Bible

¹³ O baa taa mi ñima ki ŋuudi tugu nni yaala leni a biana. O kopadiciamo baa maani likuli li padibinbinli po ki sia. Li tie padijuukaali, mi fantama n buoni yaa padili, yaali yaa nuulu n mani Li Miali Diedo po.

U TIENU MAAMA TILI 2013

¹³ O baa taa mi ñima ki ŋuudi tugu nni yaala leni a biana. O kopadiciamo baa maani likuli li padibinbinli po, ki juu. Li tie padijuukaali, u mu n buoni yaali, ke li nuulu mani o Diedo po.

Levi 1:13 ပူးပေါင်းရင်းမြစ်များ

Mi cilima 8:21

Li Miali Diedo den gbadi yaa nuulu n mani opo. Lanwani Li Miali Diedo den maadi o pali nni mi naa maama: «N kan go soli ki tinga kelima o nisaalo po, kelima o pali nni o li tia mi biadima hali o biwaama yogunu. N kan go bolini yaala n fo kuli nani min tieni maama moala yeni.

2 Bi Badiba Jama 4:6

O do den tieni kumoantadimu piiga ki kuani mu ku diegu yeni niinni, ki sieni bonmu muu jienu po, bonmu muu mo ganu po mi ŋuudima po. Laa taditi nne ke bi den ŋuudi yaala n tie a padijuukaana po kuli. Ku tadiciangu yeni ñima den ye bi kopadicianba nidima po.

Esekieli 40:38

Diebiyenli go den ye a buliñoana buliñoajadi siiga. Lankane bi den ŋuudi ban den kodi yaa yandi a*padijuukaana po.

Levi 1:9

O nilo yua n cuani li padili yeni baa taa mi ñima ki ŋuudi tugu nni yaala leni a biana, o kopadiciamo mo n sia likuli li padibinbinli po. Li tie padijuukaali, mi fantama n buoni yaa padili, yaali yaa nuulu n mani Li Miali Diedo po.

Levi 2:11

Yin baa padi Li Miali Diedo po yaa padili kuli, yin da tieni dabinli kelima mi fantama n baa buoni yaa pada Li Miali Diedo po kuli siiga, padiliba kan yaa pia dabinli bi siadi.

Levi 2:2

O baa taa ki gedini Alono bijaba, bi kopadicianba kani. O kopadiciamo baa yidi mi yonŋanma yeni nukuli ke mi kpama leni a dugibila kuli ye lienni. O baa sia likuli li *padibinbinli po ki doagidi ke li padili yeni kuli tie Li Miali Diedo po. Li tie yaa padili yaa nuulu n mani Li Miali Diedo po.

Levi 3:5

Alono bijaba baa sia lani li padibinbinli po. O baa maani la yaa padijuukaali n maa yaa daadi n co yeni tanpoli likuli n buodi. Li tie yaa padili n sia ki buodi cain, ki tie yaali yaa nuulu n mani Li Miali Diedo po.

Levi 4:31

O kopadiciamo baa ñani mi kpama kuli, nani ban tiendi mi taanyenma padiyanga maama yeni, ki sia ma li padibinbinli po lan tua Li Miali Diedo po nuulimanu. O baa padi o nilo yeni po ki mia opo sugili yene. O baa baa sugili mo.

Levi 6:14

A baa sagi ma leni mi kpama ki sanga nni, ki cabidi boncabacaba ki cuani, man tua yaa paabu yaa nuulu n mani Li Miali Diedo po.

Levi 8:21

Ama o den taa mi ñima ki ŋuudi ti nuadi leni a biana, ki sia ki buoni li petonli yeni kuli cain li padibinbinli po. Li den tie yaa padili n sia ki buodi cain, yaali yaa nuulu n mani Li Miali Diedo po, nani wani Li Miali Diedo n den waani o maama.

Mi Coadima 15:3

yi baa yaa padi Li Miali Diedo po ban yen juugi yaa pada mi fantama nni, lan tie padijuukaali, bi yua n bua ki kuani ñoanianuba yaa padili, bi yanbuama paabu padili, bi*jaanma dana pada. Yi baa padi i ne leni ti yanbidi lan tua yaa nuulu n mani Li Miali Diedo po.

Mi Coadima 15:4

Yua n baa cuani o paabu Li Miali Diedo po, baa taani ki cuani leni o padiyanga yeni, mi yoma kilo bonba taa, yaama n kali leni mi kpama litidi yendo leni boagidima,

Mi Coadima 28:11

O ŋmaalo dakpiali kuli yi baa padi naatonbila lie, petonyenli leni pebila lie ya n pia binli binli kaa pia poadi, ki padi ba li padijuukaali Li Miali Diedo po.

Mi Coadima 28:8

Yi baa padi ki pebiliega mo ku yenjuogu, ki taani leni bu paabu, leni yaala n baa cabi nani ku tiŋaagu yaa pada yeni. Li baa yaa tie ban juu yaa padili mi fantama nni ke li nuulu mani Li Miali Diedo po.

Mi Tiadima 12:27

Yi baa padi yi padijuukaana ti nandi leni mi soama Li Miali Diedo yi Tienu *padibinbinli po. Yi baa wuli yi pada soama Li Miali Diedo yi Tienu padibinbinli po, ama yi baa ŋmani ti nandi.