Kolosi 2:4 - Gourmanchéma Bible

⁴ N waani yi laa maama kuli ke oba kuli n da boandi yi ki tulini yi leni mi mamanma.

U TIENU MAAMA TILI 2013

⁴ N waani yi laa maama kuli, ke oba kuli n da boandi yi, ki tulini yi leni mi mamanma.

Kolosi 2:4 ပူးပေါင်းရင်းမြစ်များ

1 Jan 4:1

N buakaaba, yin da dugi mani yaaba n yedi ke bi pia U Tienu Fuoma kuli po. Ama yin biigi ba ki bandi bi yaa pia U Tienu n puuni yaa Fuoma, kelima bi sawalipua-faadanba boncianla yayadi ŋanduna nni.

Efesa 4:14

Lanwani ti kan go yaa tie nani a biwaala yeni, ki lengidi kelima bi niba nunfanbiadibu leni bi boandi n kpendinni yaa bangima po.

Matie 24:4

Jesu den goa ki yedi ba: «Fangi mani yi yula ke niloba n da boandi yi.

2 Jan 1:7

Kelima mi tulinma danba boncianla cua ki yayadi ŋanduna nni, yaaba n naa tuo ke Jesu Kilisiti den cua ki tua nisaalo. Laa nibuolu n tie mi tulinma daano leni *Kilisiti-yieka.

Marki 13:22

Kelima yaa tuonanda n yedi ke bi tie U Tienu n gandi yaaba leni bi sawalipua-faadanba baa fii ki yaa tiendi sinankeeninba leni li bonlidikaala hali ke li yaa baa fidi, bi bi baa boandi U Tienu n gandi yaaba.

Mi Doagidima 20:8

O baa ña ki boandi i nibuoli, yi n ye hali ki tinga kaannaadi kuli, lani n tie Gogi leni Magogi, ke wan fidi ki taani baa bu toabu po. Bi coali baa tie nani mi ñincianma tanbiima yeni.

2 Timote 3:13

Ama bi nibiadiba leni i boandi danba baa suagi liiga mi biadima nni ki yaadi biba ki go yaandi nitoaba.

2 Timote 2:16

Ŋan sani ki foagidi leni mi mafanma yaama n nia li *dandanli, kelima yaaba n kubi ma baa suagi liiga U Tienu yiema nni yogunu kuli.

Efesa 5:6

Oba kuli n da boandi yi leni mi mafanma. Li tie laa bonla yaa po yo ke U Tienu pabienli se yaaba n yie o kuli po.

Jesu Tondiba Tuona 20:30

Baa yi siiga bi nitianba baa ti fii ki golini mi mamoanma, ki bua ki dadi bi ŋoadikaaba bi yula po.

Mi Doagidima 20:3

O den luni o u kulu yeni niinni ki luoni u buliñoabu ki tabini mi maalima ke wan da go boandi i nibuoli hali bina tudili yeni n baa pendi. Lan yaa pendi, tiladi bi go baa loti o u yogunu waamu po.

Mi Doagidima 13:8

Ki tinga nni yaaba kuli baa gbaani ki kpiagi ki fuayanga, bani yaaba yaa yela n kaa diani ki pebiga miali tili nni, lani n tie ban den kodi yaaga hali ke ŋanduna daa tagi.

Mi Doagidima 12:9

Bi den luni o bonfuodi-biadiciamo yeni, wani o waakpelo, ban go yi yua ku *tuotabigu yudaano leni Sutaani, wani yua n boandi ki tinga nni yaaba kuli. Bi den luni o ki tinga nni, wani leni o malekinba.

1 Jan 2:26

N den diani yipo mi naa maama kelima yaaba n yaandi yaa po.

1 Jan 2:18

Yinba a biwaala, mi juodima yogunu nagini. Yi gbadi ke*Kilisiti-yieka baa cua. To, baa moala Kilisiti-yiekaaba ye boncianla. Lani yaa po ti bani ke mi juodima yogunu nagini.

Kolosi 2:18

Yin da tuo niloba kuli n fie yi nuama panpaani nani wan bua maama, baa yaaba n kpali ke bi pia li yumiinli ki jaandi malekinba. Bi puni bi yula li bonlekaala po, ki gbengidi bi yula fanma fanma bi gbanandi yantiana po.

Kolosi 2:8

Yin fangi mani yi yula ki da tuo ke oba kuli n cuo yi yama leni o nisaalo yanfuoma yaama n ŋua bi nisaaliba bangima, yaama n tie fanma fanma ki tie boandi ki ŋua bi nisaaliba danbogida leni ŋanduna paaciami, ki naa ŋua Kilisiti.

Galati 2:4

Laa maama den fii mo kelima bi nitianba yaaba n kaa den tie ti kpiiba moamoani den kua ti siiga nni ŋasiili nni, ki bua ki goandi ti ki bandi tin pia yaa *faabima Jesu Kilisiti nni, ke ban fidi ki go kuani ti li *balimaama yonbidi nni.

2 Korenti 11:3

Ama n jie ke nani o wa n den boandi Awa leni o nunfanbiadibu maama, ke ban da ti biidi yi yantiana yin yaadi ki ŋa Kilisiti, yin bua yua leni payenli yeni.

1 Korenti 2:4

N mawangima leni n bangima naa den ŋua bi nisaaliba mabanma ka. Ama li den tie leni *U Tienu Fuoma leni o paaciamu doagidima yaa po,

Matie 24:24

Kelima a tuonanda yaaba n yedi ke bi tie U Tienu n gandi yaaba leni bi sawalipua-faadanba baa fii ki yaa tiendi sinankeenciami leni li bonlidikaala, hali ke bi yaa bi baa fidi, bi bi baa boandi baa U Tienu n gandi yaaba moko.

Efesa 4:17

Lanwani min yedi yaala leni min kadi ki waani yi yaala, o Diedo yeli nni tie line: Yi tagi n da naani leni bi nilanba yaa tagi yeni, bani yaaba n ŋua bi yantiana ya n tie fanma fanma yeni.