Josue 9:24 - Gourmanchéma Bible

²⁴ Bi den goa ki yedi Josue: «Yaala n teni ke ti tieni laa bonla tie ke ti den gbadi ke Li Miali Diedo a Tienu den teni o naacemo Musa li ñoabonli ke wan pa yi mi naa diema kuli yin diedi ma, ki go bolini mi niba kuli ban da ye yi siiga. Lane yi cuama teni ke ti jie hali boncianla ti miana po.

U TIENU MAAMA TILI 2013

²⁴ Bi den guani ki yedi Josue: «Yaala n teni ke tinba a naacenba tieni laa bonla tie ke ti den gbadi ke o Diedo a Tienu den teni o naacemo Musa li ñoamabonli, ke wan pa yi mi naa diema kuli yin diedi ma, ki go bolini mi niba kuli ban da ye yi siiga. Lane ke yi cuama teni ke ti jie hali boncianla ti miana po.

Josue 9:24 ပူးပေါင်းရင်းမြစ်များ

Jobi 2:4

Sutaani den goa ki yedi Li Miali Diedo: «O nilo kan da o miali ki gbali! O nilo n pia yaala kuli o baa teni la o miali po.

Matie 10:28

Da jie mani yaaba n baa kpa ti gbanandi, ama ki nan kan fidi ki kpa o naano. Ama yin yaa jie mani yua n baa fidi ki bolini o naano leni ti gbanandi kuli ku *fantanbuogu nni.

Josue 10:2

Lane o den jie boncianla kelima Gabaono den tie dociamu ki pia ti kpiagidi nani bi badiba n kaa yaa dogi nni yeni, ki yaba ki cie baa Ayi yaa dogu, u jaba kuli mo den tie jakoanda.

Josue 2:11

Tin gbadi lankuli, li wudi ti gbani boncianla hali ke ti papaali bodi kelima yipo, kelima Li Miali Diedo yi Tienu n tie U Tienu ki die tanpoli leni tinga kuli.

Josue 2:9

ki yedi ba: «N bani ke Li Miali Diedo puni yi ti diema na, ti jawaandi cuo ti boncianla kelima yipo. Mi diema niba kuli tugusoama sani ke bi jigi cie kelima yipo.

Josue 6:21

ki bolini yaala n ye lienni kuli, bi jaba leni bi puoba, a bila leni a nikpela, i ne leni i pe leni i ŋunbi kuli. Bi den ku bikuli leni mu jugisiemu.

Josue 9:9

Bi den goa ki yedi o: «Tinba a naacenba ñani hali yaa diema n foagi boncianla ki cua kelima ti gbadi ke bi maadi a Tienu, Li Miali Diedo maama. Ti gbadi wan den tieni Ejipiti nni yaala kuli,