Josue 9:17 - Gourmanchéma Bible

¹⁷ Isalele yaaba den cuoni ki pundi bi dogi li dataali. Bi dogi den tie Gabaono, Kefila, Beeloti leni Kilijati-Jealima.

U TIENU MAAMA TILI 2013

¹⁷ Isidayeli yaaba den cuoni ki pundi bi dogi li dataali daali. Bi dogi den tie Gabaon, Kefira, Beeroti leni Kiriyati-Yearim.

Josue 9:17 ပူးပေါင်းရင်းမြစ်များ

2 Samueli 4:2

Isi-Boseti den pia toatieyudanba lie. Yendo den yi Baana, o lielo mo Lekabi. Bi den tie Benjamina buolu yua yua n yi Limoni ki ñani Beeloti dogu yaa bijaba.

1 Bi Badiba Jama 12:4

Yisimaya Gabaono yua, yua n den tie jakoando i nipiitaadi yeni siiga, n den tie bi yudaano.

1 Bi Badiba Jama 2:50

Bine n den tie Kalebi bijaba: Ula n den tie o pua Yufilata bijakpelo. O den mali jaba taa: Sobali yua n den cili Kilijati-Jealima dogu,

1 Bi Badiba Jama 2:52

Sobali yua n den cili Kilijati-Jealima dogu yeni mo yaa bijaba nne: Halowe, Hatisi-Hamenuhoti.

1 Bi Badiba Jama 2:53

Kilijati-Jealima yaa buoli n den tie: Yeteli yaaba, Pudi yaaba, Sumati yaaba leni Mikelayi yaaba. Tisoala yaaba leni Esitaoli yaaba ñani bi yaa kane.

1 Bi Badiba Jama 21:29

Ama li den sua ke Musa n den tii Li Miali Diedo po yaa gbandieli mi fanpienma nni, leni a padijuukaana padibinbinli da den baa ye Gabaono yaa kaangagidikaanu kani.

Esidirasi 2:25

Kilijati-Alima leni Kefila leni Beeloti dogu yaaba: kobilele n piinaa n jaba taa.

Nehemi 7:29

Kilijati-Jealima leni Kefila leni Beeloti dogi yaaba: kobilele n piinaa n jaba taa.

Jeremi 26:20

Laa yogunu nitoa moko den pua sawali Li Miali Diedo yeli nni. Lani n tie Semaya bijua Uliya. O den tie Kilijati-Jealima yua. O moko den pua u dogu leni mi diema po yaa sawalo n bia nani Jelemi n den tieni maama yene.

Josue 10:2

Lane o den jie boncianla kelima Gabaono den tie dociamu ki pia ti kpiagidi nani bi badiba n kaa yaa dogi nni yeni, ki yaba ki cie baa Ayi yaa dogu, u jaba kuli mo den tie jakoanda.

Josue 15:60

Li go pia Kilijati-Baali, yu n go yi Kilijati-Jealima leni Laba, dogi lie leni i tinkundogi.

Josue 15:9

U den ñani li juali yeni yuli po ki gondi ki teli Nefitoa ñinbuna, ki suagi ki gedi Efilona juali dogi po, ki pendi ki teli Baala dogu yaaka Kilijati-Jealima.

Josue 18:14

Li juali yeni nintuali po, u bianu den gondi ki teli niganu po ki ban tuoni Kilijati-Baali dogu yaaka Kilijati-Jealima ki tie Juda buolu yaaba yaa dogu. U bianu n den tagini maama nintuali po n yeni.

Josue 18:15

Niganu po u bianu den ñani Kilijati-Jealima ki pendi ki teli nintuali po ki ban dagini Nefitoa ñinbuna kani.

Josue 9:16

Ban den loli laa danligu ke dana taa pendi, Isalele yaaba den gbadi ke bi tie bi kuantalieba ki ye bi siiga.

Josue 9:18

Baa den kpa ba kelima bani Isalele yaaba yudanba den taa bi Tienu Li Miali Diedo yeli ki poli ke bi kan kpa ba. Ama Isalele yaaba kuli den yenbidi yenbidi bi yudanba po.

Josue 9:3

Gabaono dogu yaaba moko den gbadi Josue n den soani Jeliko leni Ayi yaa tuona.

Josue 9:9

Bi den goa ki yedi o: «Tinba a naacenba ñani hali yaa diema n foagi boncianla ki cua kelima ti gbadi ke bi maadi a Tienu, Li Miali Diedo maama. Ti gbadi wan den tieni Ejipiti nni yaala kuli,

Bi Bujiaba 18:12

Bi den gedi ki ban kpa bi toanagili Kilijati-Jealima dogu nintuali po, Juda diema nni. Li tie lani yaa po yo ke laa kaanu yi Makane-Dana hali dinla.

1 Samueli 6:21

Bi den soani a tonda ban ban yedi Kilijati-Jealima dogu yaaba: «Filisiti yaaba guani Li Miali Diedo ŋantaadikpaku. Yin cua mani ne ki taa gu ki gedini gu yi po.»

1 Samueli 7:1

Kilijati-Jealima yaaba den cua ki taa gu ki ban kuani gu Abinadabi diegu nni, li juali po. Bi den gagidi o bijua Eleyasala ke wan yaa guu Li Miali Diedo *ŋantaadikpaku yeni.