Josue 9:14 - Gourmanchéma Bible

¹⁴ Isalele yaaba den tuo ki ga Gabaono yaaba yeni sancenjiema ki naa mia Li Miali Diedo wan doagidi bipo ban baa tieni maama.

U TIENU MAAMA TILI 2013

¹⁴ Isidayeli yaaba den tuo ki gaa Gabaon yaaba yeni sancenjiema, ki naa mia o Diedo wan doagidi bi po ban baa tieni maama.

Josue 9:14 ပူးပေါင်းရင်းမြစ်များ

2 Samueli 2:1

Laa bonla kuli n den tieni ki pendi, Dafidi den buali Li Miali Diedo ki yedi: «Min gedi ki ban kua Juda diema dogi doyendu nni bi?» Li Miali Diedo den goa ki yedi o: «Gedi.» Dafidi den yedi: «Min gedi u laa dogu?» Li Miali Diedo den goa ki yedi o: «Ebiloni.»

2 Samueli 5:19

Dafidi den buali Li Miali Diedo: «Min tuogi leni Filisiti yaaba bu toabu bi? A baa taa ba ki teni nni bi?» Li Miali Diedo den yedi o: «Gedi, kelima n baa taa Filisiti yaaba ki teni a.»

Esidirasi 8:21

Ahafa kpenu yeni kani, n den bili ke tin loli bu ñoabu ki waani ke ti miini ti yula ti Tienu nintuali ke wan pa tinba leni ti bila leni ti bonpiakaala li sancenŋanli.

Mi Ñama 28:30

Fini Musa, ŋan kpieni li benliadili ŋuunu nni yaa tiadi ke bi yi ti *Ulima leni Tumima. Ti baa yaa maa Alono benli po. Alono baa yaa laa laa tiade, o yaa baa kua Li Miali Diedo nintuali yaa yogunu kuli lan tie wan bandi Li Miali Diedo yanbuama Isalele yaaba po.

Mi Coadima 27:21

O yen baa cua o kopadiciamo Eleyasala kani, wan diidi*Ulima ki buali nni ki bandi n yanbuama. Wani oba, Isalele yaaba, leni li nitaanli kuli baa tuo ki yaa tiendi Eleyasala ñoabona, ki yen ña wan yedi ban ña yaa yogunu, ki kua wan didi yedi ban kua yaa yogunu.»

Jaki 1:5

Yi siiga niloba yaa luo mi yanfuoma, wan mia U Tienu yua n puuni bi niba kuli leni ti bulicindi kaa fu leni ba, o baa pa o ma.

Josue 9:13

Yaa dayuadi n tie na, ti den gbieni ti ke ti tie bonpandi, yi laa tin papadi maama. Ti tiadi leni ti cacaadi kuli cadi kelima tin cuoni yaa bancianli po.»

Bi Bujiaba 1:1

Josue n den kpe, Isalele yaaba den mia Li Miali Diedo ke wan waani ba bi buoli siiga yaa buolu n baa kpa gedi ki tuogi Kanana yaaba bu toabu.

Bi Bujiaba 20:18

Bani Isalele yaaba den fii ki gedi Betela dogu ki mia Li Miali Diedo ki buali o: «Ti siiga ŋme baa kpa gedi ki tuogi leni Benjamina buolu yaaba yeni?» Li Miali Diedo den goa ki yedi: «Juda buolu yaaba n kpa gedi.»

1 Samueli 22:10

Ahimeleki den mia opo Li Miali Diedo ki buali o opo, ki puni o li bonjekaala leni Filisiti yua Goliati jugisiega.»