Josue 8:7 - Gourmanchéma Bible

⁷ Lanyogunu yin fii ki ña yi wuonkaanu ki baa u dogu, kelima Li Miali Diedo yi Tienu baa taa u ki teni yi nuu nni.

U TIENU MAAMA TILI 2013

⁷ Lanyogunu, yin fii ki ña yi boalikaanu ki baa u dogu, kelima o Diedo yi Tienu baa taa u ki tieni yi nuu nni.

Josue 8:7 ပူးပေါင်းရင်းမြစ်များ

2 Bi Badiba 5:1

Naama den tie Sili diema badiciamo toatieba yudaano. O canbaa den bua o boncianla ki jigini o kelima Li Miali Diedo den teni ke wani n faabi Sili yaaba. O den tie jakoando ki pia li papaali, ama ki nan gbaadi.

Josue 8:1

Li Miali Diedo den yedi Josue: «Ŋan da jie, da teni lan wudi a gbanu. Ŋan taa bi toatieba kuli yin gedi ki ban baa Ayi dogu. Diidi, n baa teni a Ayi bado leni o diema kuli a nuu nni.

Josue 8:6

Bi baa ŋoadi ki deli ti hali ki foagidi leni u dogu, kelima bi baa yedi: ‹Isalele yaaba sani nani mi kpiama yeni.›

Josue 8:8

Yi yaa paadi u dogu yeni yaa yogunu, yin juu u mani ki tieni nani U Tienu n bili maama. Min teni yaa ñoabonli n yeni.»

1 Samueli 23:4

Lani Dafidi go den buali Li Miali Diedo. Li Miali Diedo den goa ki yedi o: «Ŋan fii ki gedi Keyila kelima n baa taa Filisiti yaaba ki teni a.»