Josue 8:35 - Gourmanchéma Bible

³⁵ Josue den cogi bipo Musa n den bili yaa ñoabonbilikaana kuli. Waa den ŋa baa mayenma kaa cogi ma Isalele yaaba nitaanli po, bi jaba leni bi puoba leni a bila leni yaa nilanba n den ye bi siiga kuli.

U TIENU MAAMA TILI 2013

³⁵ Josue den cogi bi po Musa n den bili yaa ñoamabonbilikaana kuli. Waa den ŋaa ba mayenma kaa cogi ma Isidayeli yaaba nitaanli, bi jaba, bi puoba, a bila leni yaa nilanba n den ye bi siiga kuli po.

Josue 8:35 ပူးပေါင်းရင်းမြစ်များ

Esidirasi 10:1

Esidilasi n den laabi U Tienu diegu nintuali ki buudi, ki jaandi ki miadi bi *tuonbiadi sugili, Isalele yaaba boncianla, bi jaba leni bi puoba leni bi bila den cua o kani ki buudi boncianla.

Nehemi 8:2

Wani o kopadiciamo Esidilasi den taa li bali maama tili ki cuani li nitaanli kani, bani bi jaba leni bi puoba leni yaaba n baa fidi ki ga mi maama kuli. Li den tie o cileleelo dakpiali daali.

Nehemi 8:3

Esidilasi den se yaa fanma n tiegi u dogu bilinciamu buliñoabu yaabu n yi mi Ñima Buliñoabu kani ki cogi li tili yeni ki cili ku tiŋaagu ki yaa caa hali u yensiinu, ke bi jaba leni bi puoba leni yaaba n baa fidi ki ga mi maama kuli ye likani. Bi niba kuli den cengi bonŋanla wan cogi yaala.

Mi Ñama 12:38

Bi niba boncianla yaaba n tie nibuotoe den taani ki fii leni ba. Bi den pia a yangola boncianla i pe leni i ne.

Jeremi 26:2

«Mini Li Miali Diedo maadi yaa maama n tie na: Sedi Li Miali Diedo diegu luolu po ki maadi leni yaaba n ña Juda dogi kuli ki baa gbaani ki pugi Li Miali Diedo diegu nni. Ŋan waani ba min puogi a ŋan yedi yaa maama kuli ki da foadi baa mayenma.

Joeli 2:16

Taani mani bi niba, Ki tieni taangagidikaali, Taani mani a nikpela, Taani mani a bila, Baa yaa bila n da ŋaani. O pocaancalo n ña o dieduadili nni O pocaano mo n ña o gbandieli nni.

Sakari 8:23

Laa yogunu, nilanba piiga, yaaba n ki taa mabuolu Baa taani ki muubi Jufiyendo liadili ki yedi o: ‹Ti bua ki yegi leni a ki gedi, Kelima ti gbadi ke U Tienu ye leni yi.› »

Marki 10:14

Jesu n den laa lani, o pali den beni ke o yedi o ŋoadikaaba: «Cedi mani a biwaala n cua n kani, ki da deli ba, kelima *U Tienu diema tie yaaba n tie nani a biwaala ne po yo.

Jesu Tondiba Tuona 20:27

kelima n waani yi U Tienu yanjagili kuli, mii wuoni liba.

Jesu Tondiba Tuona 21:5

Ti fiima daali n den pundi ti den fii. Bani leni bi puoba leni bi bila kuli den piadi ti hali ki ñani ti u dogu nni. Ti den gbaani u ñinkunu ki jaandi.

Mi Tiadima 29:10

yi bila, yi puoba, bi canba yaaba n ye yi siiga yi naga nni, ki cili yaaba n pe yipo ti daadi ki taa pundi hali yaaba n lu yipo mi ñima, yikuli n cua Li Miali Diedo yi Tienu nintuali dinla.

Mi Tiadima 29:11

Yi baa kua Li Miali Diedo yi Tienu yaa ŋantaado nni leni wan poli yaa poli Li Miali Diedo yi Tienu n kuani yua leni yi dinla,

Mi Tiadima 29:9

Dinla, yikuli, yi yudanba, yi buoli, yi nikpela, yi toatieba yudanba, Isalele yaaba kuli,

Mi Tiadima 31:12

A baa taani bi niba kuli, bi jaba, bi puoba, a bila leni yaa canba n ye leni yi, ke ban bangi ki yaa fangi Li Miali Diedo yi Tienu ki kubi ki go yaa tiendi mi naa bali maama n yedi yaala kuli.

Mi Tiadima 4:2

Yin da pugini liba kuli min bili yipo yaa bali maama yeni kani, yin da wadi liba mo likani. Ama yi baa kubi Li Miali Diedo yi Tienu bali maama nani min teni yi ma maama.