Josue 8:3 - Gourmanchéma Bible

³ Josue den fii leni bi toatieba kuli ki baa gedi ki ban baa Ayi. O den gandi jakoanda tudapiitaa (30 000) ki soani ba ku ñiagu

U TIENU MAAMA TILI 2013

³ Josue den fii leni bi toatieba kuli, ki baa gedi ki ban baa Ayi. O den gandi jakoanda tuda piitaa (30 000), ki soani ba ku ñiagu,

Josue 8:3 ပူးပေါင်းရင်းမြစ်များ

Mi Ñama 17:9

Musa den yedi Josue: «Gandi bi niba ki gedi ki tuogi leni Amaleki yaaba. Saala n baa se li juali yuli po ki kubi U Tienu gbiamu n nuu nni.»

Matie 24:39

Baa den faami liba kuli po hali ki tabolinkaaga n den ti cua ki koadi bikuli. Li baa go tie yene o Ja Bijua cuama yogunu.

Matie 24:50

laa naacemo canbaa baa kpeni wan ki daani o yaa daali leni wan ki faami yaa yogunu.

Matie 25:6

Ku yagisiigu o nilo den kpaani ki yedi: ‹O pocaancalo kpendi na, gedi mani ki ban tuogi o.›

1 Tesaloniki 5:2

Kelima yi bani bonŋanla ke o Diedo daali yeni baa cua nani li conconli yene ku ñiagu.

Josue 10:7

Lanwani Josue den fii Giligali, wani leni o jakoanda, leni o toatieba kuli.

Josue 8:2

Ŋan tieni laa dogu leni u bado nani ŋan den tieni Jeliko leni u yaa bado maama. Bonyenla bebe, yin taa mani u bonpiakaala leni u yandi yi yula po lan tua ti fagidi. Ŋan teni toatietianba n wuoni u dogu puoli po.»

Josue 8:4

ki teni ba yaa ñoabonli n tie na: «Yin ban wuoni mani u dogu puoli po. Yin da foagidi mani leni u dogu boncianla, ki bogini ki yaa guu.

2 Pieri 3:10

O Diedo daali baa cua ki ludi bi niba nani li conconli yeni. Laa daali tanpoli baa bodi leni ku fuciangu. Yaala n ye lienni kuli baa cuo mi fantama ki nandi. Ki tinga leni yaala n ye lienni kuli mo baa cuo ki buodi.

Bi Bujiaba 9:32

Lanwani ŋan fii ku ñiagu, fini leni yaaba n ye leni a, ki wuoni i kuani nni.