Josue 8:2 - Gourmanchéma Bible

² Ŋan tieni laa dogu leni u bado nani ŋan den tieni Jeliko leni u yaa bado maama. Bonyenla bebe, yin taa mani u bonpiakaala leni u yandi yi yula po lan tua ti fagidi. Ŋan teni toatietianba n wuoni u dogu puoli po.»

U TIENU MAAMA TILI 2013

² Ŋan tieni laa dogu leni u bado, nani ŋan den tieni Jeriko leni u bado maama. Bonyenla bebe, yin taa mani u bonpiakaala leni u yandi yi yula po, lan tua ti fagidi. Ŋan boali toatietianba u dogu puoli po.»

Josue 8:2 ပူးပေါင်းရင်းမြစ်များ

2 Bi Badiba Jama 13:13

Laa yogunu Jeloboami den boagidi o toatieba ki soani ba Juda diema yaa toatieba puoli po ke ban fidi ki taani ki mabini ba Isalele toatieba siiga.

2 Bi Badiba Jama 20:22

Ban den cili i yani leni ti pagidi yaa yogunu, Li Miali Diedo den tieni mi lengidima Moabi yaaba leni Amoni yaaba, leni Edomi yaaba toagola nni, ke bi den fii ki pua biyaba, bani yaaba n den cua ki baa baa Juda yaaba bu toabu yeni.

Pisomi 39:6

Diidi, a teni ke n dana foagimu tie nubadiyaagu N miali dana foagimu mo ki da liba a nintuali. O nisaalo leni o paalu kuli tie fawaama bebe.

Mi Kpanjama 13:22

O niŋamo faajieba n tie o bila yaa bila, Ama ti tuonbiadi daano yaa piama wani tie o niteginka yaa po yo.

Mi Kpanjama 28:20

O papiendaano baa guo leni a sela, Ama yua n bua ki tua ŋalimandaano tontoni kan luo tagili.

Jeremi 17:11

Nani yaa ñuñuuga n wugini wan kaa ŋa yaa jena, Li tie yene leni yua baa piama ke laa tiegi. O baa tuadi ki baa o panma siiga. O miali yema juodima po mo wan tua yanluodaano.

Jeremi 51:12

Fii ki sedi ki yie mani Babilona bilini po. Pugini mani yaaba n guu u paalu. Baa mani yaaba n baa yaa se ki diidi. Dia mani ti diadi! Kelima Li Miali Diedo pia o yanjagili. O tieni wan den bili ke o baa tieni Babilona yaaba yaala.

Mi Tiadima 2:35

Tin den fagi yaala ti yula po bebe den tie ti yandi leni tin den fie yaa dogi yaa fagidi.

Mi Tiadima 20:14

Ama bi puoba, a bila, ti yandi leni yaala n ye u dogu yeni niinni kuli, yaala n tie u fagidi kuli, yin fagi u ki go je Li Miali Diedo yi Tienu n teni ke yi paadi yi yibalinba ki baa bikani yaa fagidi kuli.

Mi Tiadima 3:2

Li Miali Diedo den yedi nni: ‹Ŋan da jie o kelima n teni wani, o niba leni o diema kuli a nuu nni. Ŋan soani o nani ŋan soani Amola yaaba bado Sihoni yua n den ye Hesiboni maama yeni.›

Josue 10:1

Jelusalema bado Adoni-Sedeka den gbadi ke Josue baa Ayi dogu ki bolini u ki tieni wuni leni u bado kuli nani wan den tieni Jeliko yaa dogu leni u yaa bado maama. O go den gbadi ke Gabaono yaaba loli ku danligu leni Isalele yaaba ki ye bi siiga.

Josue 10:28

Landaali liga Josue den paadi Makeda dogu, ki kpa u bado leni u niba kuli. Waa den ŋa baa niyendo leni miali. O den soani likani bado nani wan den soani Jeliko yaa yua maama.

Josue 11:14

Isalele yaaba den taa bi yula po i dogi yeni bonpiakaala leni i yandi ke li tua ti fagidi. Ama bi den kpa bi niba wani kuli, baa den ŋa yaala n pia miali kuli lienni.

Josue 6:21

ki bolini yaala n ye lienni kuli, bi jaba leni bi puoba, a bila leni a nikpela, i ne leni i pe leni i ŋunbi kuli. Bi den ku bikuli leni mu jugisiemu.

Josue 8:12

Josue den taa jaba tudamuu (5 000) ki soani ba ke bi ban wuoni ki kuu Ayi puoli, Ayi leni Betela siiga.

Josue 8:14

Ku tiŋapanpangu, Ayi bado n den laa lani, wani leni u dogu yaaba kuli den jaligi ki ñani ki gedi, ki baan tuogi leni Isalele yaaba bu toabu ban den kpa tuogi leni ba naani, Judana tialu nni. Waa den bani ke bi toatieba wuo u dogu puoli po ki guu.

Josue 8:19

Wan den tandi o nuu yaa yogunu, yaa jaba n den wuo yeni den jaligi ki ñani bi wuonkaanu nni ki kua u dogu nni ki baa u ki juu u.

Josue 8:24

Isalele yaaba den kpa bi yibalinba ban den ŋoadi ki deli ba ki kua yaa fanpienma nni. Li yaa puoli Isalele yaaba den lebidi ki guani Ayi nni ki kpa yaaba n sieni lienni kuli.

Josue 8:3

Josue den fii leni bi toatieba kuli ki baa gedi ki ban baa Ayi. O den gandi jakoanda tudapiitaa (30 000) ki soani ba ku ñiagu

Josue 8:7

Lanyogunu yin fii ki ña yi wuonkaanu ki baa u dogu, kelima Li Miali Diedo yi Tienu baa taa u ki teni yi nuu nni.

Josue 8:8

Yi yaa paadi u dogu yeni yaa yogunu, yin juu u mani ki tieni nani U Tienu n bili maama. Min teni yaa ñoabonli n yeni.»

Josue 8:9

Josue den soani ba ke bi fii ki gedi ki ban wuoni ki guu. Betela leni Ayi siiga, Ayi puoli po. Josue den dua yaa toatieba n sieni siiga laa ñiagu.

Josue 9:3

Gabaono dogu yaaba moko den gbadi Josue n den soani Jeliko leni Ayi yaa tuona.