Josue 7:21 - Gourmanchéma Bible

²¹ N den laa ti fagidi siiga kpaligolikaŋanbu ke bu ñani Mesopotami diema po, leni ŋanjilifa kujapiena kobilie, leni wula bonmunmunli ke li kpiagu pundi kilo boagidima. N den laa lankuli ke n yama kua lienni ke n taa. Likuli wuo tinga nni n gbandieli siiga ke ŋanjilifa ye li tiipo.»

U TIENU MAAMA TILI 2013

²¹ N den laa ti fagidi siiga kpaligolikaŋanbu, ke bu ñani Mesopotami diema po leni ŋanjilifa kujapiena kobilie leni wula bonmunmunli, ke li kpiagu pundi kilo boagidima. N den laa lani kuli, ke n yama kua lienni, ke n taa. Likuli wuo tinga nni n gbandieli siiga, ke ŋanjilifa ye li tiipo.»

Josue 7:21 ပူးပေါင်းရင်းမြစ်များ

Mi cilima 10:10

O den cili ki diedi Babela leni Eleki leni Akada leni Kaline, yaa dogi n ye Sineala yaa diema nni.

Mi cilima 3:6

O pua den laa ke bu tibu bonluonkaala ŋani li bonjekaala po, ki go ŋani bu nunbu po ki tie yaa bonbuadila n baa teni ke o nilo n baa mi yanfuoma. O den cie bu bonluonkaala ki ŋmani ki puni o calo, yua n den ye o kani, ke omo ŋmani.

Mi cilima 34:27

Jakobo bijaba den gedi ki landi bi tinkpiba, ki fagi u dogu kuli kelima bi den biidi bi waalo.

Mi cilima 6:2

U Tienu yaa bijaba den laa ke bi niba bisiaba den ŋani hali bonŋanla, lane bi den taa bi yaa siiga ban den bua yaaba ke bi tua bi puoba.

2 Samueli 11:2

Yenjoyengu Dafidi n den fii o duanu po ki goadi wani o bado diegu yuli po, o den laa o pua ke o wuu. O den ŋani boncianla.

2 Bi Badiba 7:8

A gbaada n den pundi li toanagili bianu yeni, bi den kua ki dini ki go ñuni. Bi den tugi ŋanjilifa leni wula leni ti tiayiekaadi ki ban wuoni.

Jobi 31:1

N den kuani n nuni yaa kuali n tie Ke n kan diidi jafaano n yama n kua o niinni.

Pisomi 119:37

Pegidi n nuni, yin da diidi fanma bonla, Ama teni min yaa ye a sanu nni.

Mi Ñama 20:17

Yin da pia li nunponbiadili yi nisaalilielo diegu po, o pua po, baa o naacemo po, baa o potuado po, baa o nua po, baa o ŋunbo po, baa yi nisaalilielo n die yaa bonla kuli po.»

Mi Kpanjama 1:19

Yeni de, yua n bua i janbi baali, li baa juodi opo yene: Yua n baa laa baali li baa ñani o miali.

Mi Kpanjama 23:31

Ŋan da ñuadi mi daama kelima mi moani ki ŋani po, Ki pudi, ki tiini ki lindi ki yebuoga nni,

Mi Kpanjama 28:22

Yua n tiini ki lingi ŋalimani nuni ki ŋani, O naa bani ke mi luoma baa ludi o.

Mi Kpanjama 4:23

Ŋan fangi a yuli leni ŋan kpaagi yaala a pali tugu nni. Kelima a miali ñiali n yeni.

Esayi 28:15

Yi tua: «Ti kuani o *ŋantaado leni mi kuuma, Ti bili mi mabilikaama leni bi tinkpiba diema. Yaa yebiadima n kpendi yaa cua mi kan nandi ti, Kelima mi faama n tie ti wuonkaanu, I boandi mo n tie tin yen sani ki deni naani.»

Esayi 29:15

Mi yebiadima baa ŋma yaaba n wuondi Li Miali Diedo bi yanjaga. Ki tiendi li *biigili nni bi tuona kuli Ki maadi ki tua: «Ŋme n nua ti, ŋme n bani ti?»

Habakuki 2:9

Fala n baa yi! Yi fenli nitoaba piama Ki tendi yi diedi yaaba ke bi tua piada. Yi maa a dieŋama yi yibali n kan fidi ki nandi yi naani Ki bua ki kubi yi diedi yaaba fala n da nandi ba.

Luki 12:15

O go den yedi bi niba kuli: «Fangi mani yi yula bonŋanla leni mi ŋalimanbuama, kelima o nilo miali ki ŋua o ŋalimano n yaba maama.»

Luki 12:2

Liba kuli ki ye ki wuo ki kan wuodi. Liba kuli ki ye ki duagi ke bi kan bandi la.

Efesa 5:3

Yin da tuo mi *conconma maama leni majoagindi buoluba kuli, bi mi ŋaliŋabuama maama n ña yi siiga baa waamu, kelima laa dagidi yinba bi *nigagidiŋanba po.

Efesa 5:5

Yin bandi mani ke baa niyendo yua n tie mi conconma daano leni yua n tiendi ti *joagindi, leni o ŋaliŋabualo yaala n tie opo nani i *buli ŋoadima, kan baa U Tienu leni Kilisiti diema ŋalimani.

Mi Tiadima 7:25

Yi baa juu bi buli leni bi nannana kuli mi fantama nni. Yi yama n da kua bi ŋanjilifa bi bi wula yua n maa bipo, ki da taa la yi yula po, ke lan da ti tua diagu yipo, kelima li gundi Li Miali Diedo yi Tienu po.

Kolosi 3:5

Lanwani yin kpa mani ŋanduna bonbuaka-biadila yaala n die yi gbananbuoli nni, mi conconma leni ti cagindi buoli kuli, leni ti gbanandi bonbuaka-biadila, leni yaala n *joagini yaa buama kuli, leni mi ŋalimanbuama, yaala n tie nani i *buli ŋoadima yeni.

Hebilunba 13:5

Yin da pa mani yi yula i ligi buama po. Ama yin yaa mangidi yi pala leni yin pia yaala moala kelima U Tienu yedi: «N kan ŋa ŋa, N kan lu ŋa hali abada.»

Jaki 1:15

Lanwani, o bonbuaka-biadila yaa punbi, li baa maa ti*tuonbiadi. Ti tuonbiadi mo yaa kpedi ki dagidi, tini mo baa maa mi kuuma.

Josue 7:20

Akana den goa ki yedi Josue: «Li tie moamoani ke n tudi Li Miali Diedo Isalele yaaba Tienu po. Min tieni yaala nne:

Josue 7:22

Josue den soani bi niba ke bi sani ki gedi li gbandieli po. Ti tiadi yeni kuli den wuo Akana gbandieli nni, ke ŋanjilifa ye tiipo.

2 Pieri 2:15

Bi ŋa yaa sanu n tiegi, ki yaadi ki ŋoadi Beola bijua *Balaama n den tagi yaa sanu, wani yua n den bua ki baa yaa panpaani n ki tiegi.