Josue 7:19 - Gourmanchéma Bible

¹⁹ Josue den yedi Akana: «N bijua ŋan kpiagi Isalele yaaba Tienu, Li Miali Diedo ki pagi o, ki waani nni ŋan tieni yaala ki da wuoni nni liba.»

U TIENU MAAMA TILI 2013

¹⁹ Josue den yedi Akan: «N bijua, ŋan kpiagi o Diedo Isidayeli Tienu ki pagi o, ki waani nni ŋan tieni yaala, ki da wuoni nni liba.»

Josue 7:19 ပူးပေါင်းရင်းမြစ်များ

2 Bi Badiba 20:15

Esayi go den buali o: «Bi laa be leni be a diegu nni?» Esekiasi den goa ki yedi o: «Bi laa yaala n ye n diegu nni kuli. Mii pia n ŋalimano siiga min kaa teni ke bi laa yaala.»

2 Bi Badiba Jama 30:22

Esekiasi den maadi ki paagi Lefi yaaba pala kelima bi yankuali Li Miali Diedo tuonli po den yaba boncianla. Bi den dini mi jaanjiema, ki padi taanyenma pada ki kpiagidi Li Miali Diedo bi yaajanba Tienu.

Pisomi 32:5

N waani a n tuonbiadi, Mii wuoni a n tagili, N yedi: «N baa waani Li Miali Diedo n tagili.» Am ñani n tuonbiadi tagili. Joma.

Pisomi 51:3

Ŋain U Tienu, gbadi npo mi niñima a *ŋanbili nni. A niñingbadicianma po, duuni ki ñani npo n tagili.

Mi Kpanjama 28:13

Yua n wuondi o tagili kan suagi liiga. Ama yua n tuo o tagili ki ŋa i, Bi baa gbadi opo mi niñima.

Esayi 13:12

N baa teni bi niba lema n moandi bi nuni ki cie Ofili wula yeni.»

Jeremi 13:16

Kpiagi mani Li Miali Diedo yi Tienu Hali ke o daa teni ke li *biigili cua, Hali ke yi taana daa tuudi li biigili juali, Yi baa guudi mi yenma, Wan go lebidi man tua biigicianli. O baa teni man tua tawaligu yaagu n biigi boncianla.

Danieli 9:4

N den mia Li Miali Diedo n Tienu ki tuo ti *tuonbiadi ki yedi o: «O Diedo, fini U Tienu yua n yaba ki pia li fangili, fini yua n kubi ŋan den kuani yaa *ŋantaado, ki tiendi o yaaba n kubi a ñoabonbilikaana po, ki ŋanbidi yaaba n bua ŋa po.

Luki 17:18

Naani oba ki lebidi ki cua ki baa pagi U Tienu kali o *nilamo na bebe?»

Jan n diani U Tienu Laabaaliŋamo maama 9:24

Falisieninba go den yini yua n den kpa joa yeni mi liema, ki yedi o: «Kpiagi U Tienu lipo. Tinba wani bani ke laa nilo tie tuonbiadi daano yo.»

LOMA YAABA 10:10

Kelima li tie li dandanli a pali nni n baa teni ŋan baa li moamoansaali. A ñoabu tuoma bi niba nintuali mo n baa teni ŋan baa mi *tindima.

2 Timote 2:25

Wan go yaa tie yua n tundi yaaba n yiedi opo leni mi dingima, ki yaa sugini U Tienu n pa ba ban lebidi bi yama, ki fidi ki bandi i moamoani,

Titi 2:2

Ŋan yaa wangi a jakpela ke ban yaa kubi bi yula, ki yaa tie bi niba n jigindi yaaba, ki pia li yantiaŋanli, ki se ke li ŋani li*dandanli nni leni mi buama leni li juunli nni.

Jaki 1:20

Kelima o nisaalo pabienli kan cuani U Tienu *teginma.

Josue 7:20

Akana den goa ki yedi Josue: «Li tie moamoani ke n tudi Li Miali Diedo Isalele yaaba Tienu po. Min tieni yaala nne:

Mi Doagidima 16:9

Ku tontonbiadigu den fulini ba ke bi sugidi U Tienu yeli, wani yua n die laa falabiadi yeni. Baa den lebidi bi yama ki kpiagi U Tienu.

1 Samueli 14:43

Sayula den yedi Jonatan: «Waani nni ŋan tieni yaala.» Jonatan den yedi o: «N bi tu ti siadi leni min kubi yaa gbiamu ki leni waamu. Mini nna, n baa kpe.»

1 Samueli 6:5

Yin duadi mani a sinakpina nannana leni a dapola yaa nannana, yaa dapola n bolindi yi diema. Yin go kpiagi Isalele yaaba Tienu. Daalinba o baa faabi yi leni o nuu n miabi yi maama, yinba leni yi *buli leni yi diema kuli.