Josue 7:1 - Gourmanchéma Bible

¹ Isalele yaaba den tudi tudibiadima U Tienu n den kuani ba yaa kuali ki yedi ke ban da taa wan yedi ban bolini yaala yeni niinni. Juda buolu yua Akana den taa ban den baa bolini yaala siiga bonliba. Akana den tie Selaka puoliŋuanu. Selaka den mali Sabidi, ke Sabidi mo mali wani Akana baa Kalima. Akana n den taa yaala n kua yeni ke Li Miali Diedo pali den fii Isalele yaaba po.

U TIENU MAAMA TILI 2013

¹ Isidayeli yaaba den tudi tudicianma. Bi den miidi U Tienu n den kuani ba yaa kuali ki yedi, ke ban da taa wan yedi ban bolini yaala yeni niinni bonla. Juda buolu yua Akan den taa ban den baa bolini yaala siiga bonliba. Akan den tie Sela puoliŋuanu. Sela den mali Sabidi, ke Sabidi mo mali wani Akan baa Karmi. Akan n den taa yaala n kua yeni, o Diedo pali den fii Isidayeli yaaba po.

Josue 7:1 ပူးပေါင်းရင်းမြစ်များ

Mi cilima 34:27

Jakobo bijaba den gedi ki landi bi tinkpiba, ki fagi u dogu kuli kelima bi den biidi bi waalo.

2 Samueli 24:1

Li Miali Diedo pali go den beni leni Isalele yaaba ke o den tigini Dafidi ke wan tieni yaala n baa cuani bipo yaala n bia, ki yedi ke wan coadi Isalele leni Juda yaaba.

2 Bi Badiba 5:24

Ban den pundi ki juaga kani, Gehasi den ga bikani a tuga yeni ki kuani o dieli nni, ki cabi ba ke bi lebidi ki guani bi canbaa po.

1 Bi Badiba Jama 21:7

Laa bonla den biidi U Tienu pali ke o waani Isalele yaaba fala.

2 Bi Badiba Jama 24:18

Bi den ŋa Li Miali Diedo bi yaajanba Tienu ki ban kpiagidi i *buli. Li Miali Diedo pali den fii Juda diema yaaba leni Jelusalema yaaba po kelima bi den tudi opo.

Esidirasi 9:6

ki yedi o: «N Tienu, i fe pia nni ke n yuli tiibi. N Tienu, n kan fidi ki yaadi n yuli ki diidi a. Kelima ti tagili yabidi hali ki milini ti, ti tuonbiadi dogini ki pundi tanpoli.

Jobi 35:8

A biadima li baa fidi ki biidi a nisaalilielo po bebe, A teginma mo li baa fidi ki todi a nisaalilielo bebe.

O Yanfuodaano 9:18

Mi yanfuoma cie ti toatiadi, ama ti tuonbiadi daano yendo bolindi li bonŋanla boncianla.

Danieli 9:7

Fini o Diedo, a tiegi, tinba ti ye leni i fe dinla, tinba Juda yaaba leni Jelusalema dotieba leni Isalele yaaba kuli, yaaba n ye koanma koanma nni leni yaaba n ye foagima, ŋan den deli ki yadi yaaba mi diema nni kuli kelima tin den ŋa ŋa maama yaa po.

Levi 10:6

Musa den maadi leni Alono, leni o bijaba Eleyasala leni Itamali, ki yedi: «Yin da ŋa yi yudi ki kan ŋanbi ti, yin da padi yi tiadi ki doagidi ke yi ye leni mi kuuma paboanli ke yin da ti kpe, yin go da ti fiini Li Miali Diedo pali li nitaanli kuli po. Cedi mani yi kpiiba, Isalele yaaba kule n mua i kumoe Li Miali Diedo n teni ke mi fantama kpa yaaba yeni po.

Jonasi 1:7

Bi ñinbiagobidiba den yedi biyaba: «Cua mani tin bu ku baagu ki bandi yua n cuani tipo yaa fala n tie na.» Bi den buni ku baagu ke li cuo Jonasa.

Josue 22:16

«Yin tieni yaa tudibiadima Isalele yaaba Tienu po ne mo bua ki yedi be? Be yaa po ke moala yi yaadi ki ŋa Li Miali Diedo ki maa yi yaa padibinbinli ki fiini Li Miali Diedo po mi yiema?

Josue 22:18

Ña yi didi go yaadi ki ŋa Li Miali Diedo? Yi yaa fiini Li Miali Diedo po mi yiema dinla, saala o pabienli baa jiidi Isalele yaaba kuli yula poe.

Josue 22:20

Sedaka puoliŋuanu Akana n den tudi tudibiadima U Tienu n den kuani ba yaa kuali ki yedi ke ban da taa wan yedi ban bolini yaala yeni niinni, Li Miali Diedo pabienli ki den cuo Isalele yaaba kuli ka te? Wani Akana bebe ka den bodi o tudima yeni po.»