Josue 6:24 - Gourmanchéma Bible

²⁴ Lani bi den juu u dogu yeni leni yaala n ye lienni kuli. Bi den taa ŋanjilifa leni wula leni yaa tiadi n tie kumoandi leni kuboandi bebe ki kuani U Tienu kaangadiko ŋalimankaanu nni.

U TIENU MAAMA TILI 2013

²⁴ Lani, bi den juu u dogu yeni leni yaala n ye lienni kuli. Bi den taa ŋanjilifa, wula, yaa tiadi n tie kumoandi leni kuboandi bebe, ki kuani U Tienu kaangadiko ŋalimankaanu nni.

Josue 6:24 ပူးပေါင်းရင်းမြစ်များ

2 Samueli 10:5

Dafidi den ga laabaali ki soani a tonda ke bi tuogi ba kelima bi den ye leni i fe hali boncianla. Dafidi den teni ke bi waani ba ke ban sedi Jeliko hali bi langbiadi n goa ki pudi no, ban nan yuandi ki kpeni.

2 Bi Badiba 25:9

Nebusaladani den juu Li Miali Diedo diegu leni o bado diegu leni Jelusalema diedi yaadi n den ŋani kuli.

1 Bi Badiba Jama 18:11

O bado Dafidi den gagidi ti Li Miali Diedo po leni wan den ga Edomi yaaba, Moabi yaaba, Amoni yaaba, Filisiti yaaba leni Amaleki yaaba kani yaa ŋanjilifa leni yaa wula.

Mi Coadima 31:10

Bi den juu bani Madiana yaaba n den kaa yaa dogi nni kuli leni bi gbandiena kuli.

Mi Tiadima 13:16

Lanwani yi baa kpa laa dogu yaaba leni ki jugisiega ki bolini u dogu yeni kuli leni yaala n ye u niinni. Yi baa kpa ti yandi mo kuli leni ki jugisiega.

Mi Tiadima 13:17

Yi baa dogini ti fagidi kuli ki daaga siiga ki juu u dogu leni ti fagidi mi fantama nni Li Miali Diedo yi Tienu nintuali. Laa kaanu baa tua diegbengu hali yaa yogunu kuli po, ki kan goa ki maa u dogu yeni mo hali abada.

Mi Tiadima 20:16

Ama Li Miali Diedo yi Tienu n puni yin diedi yaa nibuoli yaa diema yeni, yi kan ŋa yaala n fo kuli leni miali.

Josue 11:11

ki teni ke bi kpa u niba kuli leni yaala n pia miali ki fo kuli ki den sieni lienni. Bi den juu u dogu.

Josue 6:19

Ŋanjilifa leni wula kuli leni yaa tiadi n tie kumoandi leni yaadi n tie kuboandi kuli baa tua Li Miali Diedo yaala, ki kua o ŋalimankaanu nni.»

Josue 6:25

Josue den cedi Lahaba leni o baadiegu yaaba leni o kpiiba kuli ke bi fo. Wani Lahaba baa ye Isalele yaaba siiga hali dinla, kelima o den wuoni Josue n den soani yaa tonda ke bi goandi Jeliko.

Josue 8:28

Josue den juu Ayi ki teni ke u tua diegbena yaa baa ye hali dinla.

Mi Doagidima 17:16

Ŋan laa yina piiga leni ki fuayanga yaaga yeni baa nani li poconconli, ki koadi o piama kuli, ki ŋa o mubili. Bi go baa je o gbanandi, ki buoni o.

Mi Doagidima 18:8

Kelima lankuli yaa po yaa falabiadi n tie na baa baa upo dayenli: Mi kuuma, li paboanli leni mi konbiadima. Bi baa buoni u leni mi fantama, kelima U Tienu, yua n jia leni u ti buudi ki cuo u, pia u paalu.