Josue 5:6 - Gourmanchéma Bible

⁶ Kelima Isalele yaaba den cuoni mi fanpienma nni bina piinaa hali ke yaa jaba n den ñani Ejipiti nni ki pundi ki gedi toabu ki naa cengi ki tuo Li Miali Diedo maama kuli den kpe. U Tienu den poli ki yie bipo ki waani ba ke o kan teni ban le wan den poli ki niani ke o baa pa bi yaajanba yaa diema, mi naaŋanma leni ti siadi n dua yaa diema nni yeni.

U TIENU MAAMA TILI 2013

⁶ Isidayeli yaaba den cuoni mi fanpienma nni bina piinaa, hali ke yaa jaba n den ñani Ejipiti nni ki pundi ki gedi toabu, ki naa cengi ki tuo o Diedo maama kuli den kpe. U Tienu den poli ki yie bi po, ki waani ba ke o kan teni ban le wan den poli ki niani ke o baa pa bi yaajanba yaa diema, mi naaŋanma leni ti siadi n dua yaa diema nni yeni.

Josue 5:6 ပူးပေါင်းရင်းမြစ်များ

Pisomi 107:4

Bi den puagi laa fanpienma nni Ki naa bani ban baa tagini yaa sanu Ki pundi yaa dogu n pia bi niba.

Mi Ñama 3:17

ke n yedi ke n baa teni yin ña Ejipiti nni yin laadi fala naankani, ki teni yin kua Kanana yaaba, Heta yaaba, Amola yaaba, Felesa yaaba, Hefa yaaba leni Jebusa yaaba yaa diema nni, mi naaŋanma leni ti siadi n dua naani.›

Mi Ñama 3:8

N jiidi ki baa faabi ba Ejipiti yaaba yaa nuu nni, ki teni ban ña laa diema nni ki kua yaa diema n ŋani ki go yaba yaa niinni. Mi naaŋanma leni ti siadi n dua naani. Li tie Kanana yaaba, Heta yaaba, Amola yaaba, Felesa yaaba, Hefa yaaba leni Jebusa yaaba n ye yaa diema nni.

Jeremi 2:2

«Gedi mani ki ban kpaani ki yedi Jelusalema yaaba: Li Miali Diedo yedi nanda: ‹Fini Jelusalema, n baa tiani ŋan den tie jafaano, Ki pia npo yaa buama, Ŋan den ŋua nni mi fanpienma po, Leni yaa tinga yaa niinni n ki pia bonpudikaaliba yaa yogunu.

Esekieli 20:15

Mi fanpienma nni n den yugidi n nuu poli ke n kan gedini ba min den bili bipo yaa diema nni, mi naaŋanma leni ti siadi n dua naankani, yaa diema n ŋani ki cie diema kuli.

Esekieli 20:6

Laa daali n den yugidi n nuu ki poli ke n baa ñani ba Ejipiti diema nni, ki gedini ba min den bili bipo yaa diema nni, mi naaŋanma leni ti siadi n dua yaa diema nni, yaa diema n ŋani ki cie mi diema kuli nni.

Mi Coadima 14:23

bani kuli kan le min den poli ki niani bi yaajanba ke n baa pa ba yaa diema yeni. Yaaba n fali nni yeni kuli kan le ma.

Mi Coadima 26:63

Bani n den tie Musa leni o kopadiciamo Eleyasala n den coadi yaaba, Moabi diema tiali nni, ki kuu Judana kpenu ki tiegi Jeliko dogu.

Mi Tiadima 1:3

Li binpiinaadili, piiga n cilo dakpiali daali, Musa den maadi leni Isalele yaaba Li Miali Diedo n den puogi o wan yedi ba yaa maama kuli.

Mi Tiadima 2:14

Tin den ñani Kadesa-Balineya ki cuoni hali ki kandi Seledi kpenu kuli den tie piitaa n bina nii. Laa yogunu nne ke yaa jaba n den baa fidi ki gedi toabu ki tie laa nifiima kuli den bodi nani Li Miali Diedo n den poli ki yedi ba maama.

Mi Tiadima 2:7

Kelima Li Miali Diedo yi Tienu seligi yi nii tuona kuli, ki bandi yi cenli laa fanpiencianma nni. Diidi bina piinaa ke Li Miali Diedo yi Tienu ye leni yi. Yi naa luo liba kuli.

Mi Tiadima 8:4

Yin den laa yaa tiadi naa den cadi, yi taana mo naa den moali laa binpiinaadi nni.

Hebilunba 3:11

Li tie lani yaa po ke n den poli N pabienli nni ki yedi: ‹Bi kan kua n fuodima nni.› »

Josue 1:6

Paagi aba, paagi a pali, kelima fini n baa gobidi yaa nibuolu n tie na ban kua ki diedi min den niani bi yaajanba ke n baa pa ba yaa diema.

Josue 24:7

Lanwani yi yaajanba den mua ki mia mini Li Miali Diedo ke n den teni ke li *biigili tieni yi buolu yaaba leni Ejipiti yaaba siiga. N den teni ke mi ñincianma guani ki milini ba. Yi bani bonŋanla min den soani Ejipiti yaaba maama. Li yaa puoli yi buolu yaaba den waagi ki ye mi fanpienma nni.

Josue 5:7

U Tienu den teni ke bi bila n ga bi kaanu ki kua mi diema nni. Josue den kuani bani bi bila yene ku koanciagu kelima baa den kuani ba koanciagu li sancenli nni.