Josue 5:14 - Gourmanchéma Bible

¹⁴ O den goa ki yedi o: «Mii tie bi siiga oba. N tie Li Miali Diedo toagoli yudaano yo. N pundi moala nne.» Lani Josue den labini ki pugi o ki yedi: «N daano, a bua ki puogi mini a naacemo be?»

U TIENU MAAMA TILI 2013

¹⁴ O joa yeni den guani ki yedi o: «Mii tie bi siiga oba kuli. N tie Li Miali Diedo toagoli yudaano yo. N cua n yeni.» Lani, Josue den labini ki pugi o ki yedi: «N daano, a bua ki puogi mini a naacemo be?»

Josue 5:14 ပူးပေါင်းရင်းမြစ်များ

Mi cilima 17:17

Abalahama den gbaani ki pugi. O den laa ki yedi o pali nni: «Yaa ja n pia bina kobiga baa fidi ki maa ki biga lede? Sala wani n nan pia bina piiyia yeni o go baa fidii maa?»

Mi cilima 17:3

Abalama den gbaani ki pugi. U Tienu den maadi leni o ki yedi o:

2 Samueli 7:19

Lani kuli daa tie apo liba kuli, Li Miali Diedo n Tienu. A go maadi mini a naacemo diegu n baa ti tua maama mo yaa maama, ki da go ban waani mini yua tie nisaalo laa bonla!

2 Samueli 7:20

Mini Dafidi go baa fidi ki yedi be? Kelima Li Miali Diedo n Tienu, a bani mini a naacemo.

Pisomi 110:1

Dafidi Pisoma. Li Miali Diedo den yedi n Diedo: «Kali n jienu po, Hali min baa guli a yibalinba ŋan ŋmaa ba.»

Pisomi 24:10

Ŋme n tie laa kpiagidi bado? Li Miali Diedo de, wani U Paaciamu Kuli Daano, Wani n tie ti kpiagidi bado! Joma

Mi Ñama 4:10

Musa den yedi Li Miali Diedo: «O n Diedo mii tie mi maama n dingi yua yaa po. Laa cili wonli bi wonlitunma bi ŋan cili ki maadi leni a naacemo ka, kelima mi maama pa n ñoabu leni n lanbu po.»

Mi Ñama 4:13

Musa den yedi: «O n Diedo, ŋan soani ŋan bua ki soani yua.»

Esayi 55:4

Diidi n teni ke o tua siedi i nibuoli po, Nani o yudaano, ki gobidi i nibuoli.

Esayi 6:8

N den gbadi Li Miali Diedo nialu ke o tua: «N baa soani ŋme? Ŋme n baa tua ti tondo?» N den goa ki yedi: «Mini nne, soani nni.»

Esekieli 3:23

N den fii ki tagini u sanu ki gedi ku joaloangu nni. Li Miali Diedo kpiagidi go den ye likani nani min den laa ti maama Kebali kpenu balinma yeni. N den baa ki labini tinga po.

Danieli 10:13

Yaa maleki n tie Pelisa diema yudaano den yiedi npo hali piilie n dayenli, ama malekinba yudancianba siiga yendo, *Miseli, den cua ki todi nni. Lanwani bi den sieni nni Pelisa diema badiba kani.

Danieli 12:1

Maleki go den yedi nni: «Li yogunu malekinba yudanciamo *Miseli, yua n guu fini Danieli nibuolu, baa fii. Li baa yaa tie fala yogunu. Laa fala baa yabidi hali maama ke o buolu daa tieni ki cili ŋanduna cilima ki yaa caa hali laa yogunu. Lanyogunu a nibuolu yaaba siiga nni lan baa sua ke yaaba yaa yela n diani li tili nni n baa ciadi.

Danieli 8:11

Li den tuogi leni tanpoli gola Yudaano ki teni ke baa go padi daali kuli pada opo. Li go den biidi o *kaangagidiŋamu.

Levi 9:24

Mi fantama den ñani Li Miali Diedo nintuali ki sia a padijuukaana leni yaa pada n sieni kpama kuli li padibinbinli po. Bi niba kuli n den laa lani, bi den kpaani li pamanli kpaani ki baa ki labinilabini.

Mi Coadima 16:22

Musa leni Alono den baa tiipo bi nunmu po, ki yedi: «Fini U Tienu, U Tienu yua n puuni yaala n fo kuli li miali. Naani a baa fiini a pali li nitaanli kuli po, niyendo yaa *tuonbiadi po?»

Mi Coadima 22:31

Li Miali Diedo den ŋubidi Balaama nuni ke o la Li Miali Diedo maleki ke o se u sanu nni ki muubi o jugisiega. Lani o den gbaani ki labini tiipo.

Matie 22:44

O Diedo den yedi n Diedo: ‹Kali n jienu po Hali min baa guli a yibalinba Ŋan ŋmaa ba.›

Matie 8:2

O gbaado den cua ki gbaani o nintuali ki yedi: «N Daano, a yaa bua, a baa fidi ki ŋanbi nni.»

Luki 1:43

Be n teni ke n baa ke fini n Diedo naa cua n kani?

Luki 20:42

Dafidi wani oba maadi Pisoma tili nni ki yedi: ‹O Diedo den yedi n Diedo: Kali n jienu po,

Luki 5:12

Jesu n den ye doyendu nni, o ja den ye likani ke o gbanandi kuli tie *gbaadima. Wan den laa Jesu, o den labini o kani ki mia o ki yedi o: «N Daano, a yaa bua a baa fidi ki ŋanbi nni.»

Jan n diani U Tienu Laabaaliŋamo maama 20:28

Toma den goa ki yedi o: «N Diedo leni n Tienu.»

Jesu Tondiba Tuona 9:6

«Fii ki kua u dogu nni, bi baa waani a ŋan baa tieni yaala tiladi.»

Filipi 3:8

Moko, n nua li bonla kuli ke li tie nani li bonbodikaala yeni. Yaala n tie npo li bonmoanla tie: Ki bandi Jesu Kilisiti n Diedo. Kelima wani yaa po ke n tuo ki luni min pia yaala kuli, ki nua la nani ti baadi yeni, ke min fidi ki baa Kilisiti.

Hebilunba 2:10

U Tienu, yua n den tagi li bonla kuli o yuli po ki go kubi likuli, den bua bila boncianla n taani leni o o kpiagidi nni. Lanwani o den sua ke li den pundi wan teni Jesu n dagidi ki yaa ŋani cain kelima wan laa yaa fala po, ke wan fidi ki tindi ba.

Josue 20:1

Li Miali Diedo den yedi Josue:

Mi Doagidima 12:7

Bu toabu den tieni tanpoli po. *Miseli leni o malekinba den tuogi bu toabu leni o bonfuodibiado yeni. Wani moko leni o yaa malekinba den tuogi leni ba.