Josue 5:1 - Gourmanchéma Bible

¹ Amola yaaba yaaba n den ye Judana nintuali, leni Kanana yaaba yaaba n den ye mi ñincianma kunu yaa badiba kuli den gbadi ke Li Miali Diedo teni ke Judana kuodi ke Isalele yaaba baa ki duodi. Li den wudi bi gbani boncianla, bi den luo li papaali kelima Isalele yaaba po.

U TIENU MAAMA TILI 2013

¹ Amori yaaba, yaaba n den ye Jurden nintuali leni Kanana yaaba, yaaba n den ye mi ñincianma kunu yaa badiba kuli den gbadi ke o Diedo teni ke Jurden kuodi, ke Isidayeli yaaba baa ki duodi. Li den wudi bi gbani boncianla, ke bi jigi cie kelima Isidayeli yaaba po.

Josue 5:1 ပူးပေါင်းရင်းမြစ်များ

Mi cilima 12:6

Abalama den goandi mi diema hali ki pundi yaa kaanu n yi Sikema, hali sena tiidi yaa kaanu yu n ye Mole yaa dogu nni. Kanana yaaba den ye mi diema nni laa yogunu.

Mi cilima 48:22

N puni fini yaa biinu n cie min puni a kpeliba yaala min den ga yu Amola yaaba kani leni ki jugisiega leni n dabanli.»

2 Samueli 21:2

O bado Dafidi den yini Gabaono yaaba ki baa maadi leni ba. To, Gabaono yaaba yeni ki den tie Isalele yaaba ka. Bi den tie Amola yaaba yaaba n sieni ke Isalele yaaba den niani ba ke bi kan sii ba. Ama Sayula n den pia yaa yankuali Isalele leni Juda yaaba po den teni ke o moandi ke o baa bolini ba.

1 Bi Badiba 10:5

leni yaa jiema n den se o saajekaanu kani, leni o badibaanba yekaanu, leni yaaba n den tendi o o jiema leni o bonñokaala tuona leni bi tiayiekaadi, leni wan den padi yaa*padijuukaana Li Miali Diedo diegu nni. Li den lidi o

Esidirasi 9:1

Lankuli n den tieni ki gbeni, Isalele yaaba yudanba bi tianba den cua n kani ki yedi nni: «Isalele yaaba kopadicianba leni Lefi buolu yaaba leni bi nifanba naa gagidi bi yula ki paadi leni yaa nilanbuoli n ye yaa diema n tie ne niinni. Bi tuuni a cancagintuona ki togidi Kanana yaaba, Heta yaaba, Felesa yaaba, Jebusa yaaba, Amoni yaaba, Moabi yaaba, Ejipiti yaaba leni Amola yaaba tuona.

Pisomi 135:11

Lani n tie Sihoni, Amola yaaba bado, Ogi, Basana yaaba bado Leni Kanana diema badiba kuli.

Mi Ñama 23:28

N baa soani a lonlona n deli Hefa yaaba, Kanana yaaba leni Heta yaaba a nintuali.

Esayi 41:5

Yaaba n ye a kpendega po yen le o, ti jawaandi n cuo ba. Yaaba n ye i tinbiani mo digibi Bi nagidi, bi kpendi.

Esekieli 16:3

Ŋan yedi u daa, ke o Diedo, Li Miali Diedo maadi leni u yaa maama n tie na: A yaajanba den tie Kanana diema yaabe, ke a moko go mali lankani. A baa den tie Amola buolu yua, a naa mo, Heta buolu yua.

Esekieli 21:7

«O ja na, Pegidi a nunga ki teli Jelusalema dogu Maadi ki fu leni bi niba n kpiagidi yaa kaani, Ki pua sawali Isalele diema po!

Danieli 5:6

Lani o nunga den gbidi, o yama mo den yagi, o gbanu den wudi, o duna mo den pua aya.

Amosi 2:9

Ama mini n den bolini bipo Amola yaaba, Bani, yaaba n den kpedi nani yaa tiidi n kpedi ki cie Ki go pia u fidu nani yaa tiidi n pia u paalu ki cie yeni. N den bolini ba cain.

Mi Coadima 13:29

Amaleki buolu yaaba kaa mi diema ganu po, Heta yaaba, Jebusa yaaba, leni Amola yaaba mo kaa a juana n ye yaa kalu po. Kanana yaaba mo kaa ki kuu mi ñincianma leni Judana kpenu boanjaana po.»

Josue 17:12

Ama Manase yaaba yeni ki den fidi ki deli laa dogi niba, lanwani bani Kanana buolu yaaba yeni den suagi ki ye likani.

Josue 17:18

Yaa juali n tie fuajali yeni baa tua yi yaa yaala. Yin pedi li ki diedi likani cain. Yi baa fidi ki deli ki ñani Kanana buolu yaaba likani baa ke bi pia yaa toateliti n tie kudi ki go pia u fidu mo.»

Josue 24:15

Yi yaa bua ki yaa ŋua Li Miali Diedo, yin gandi mani dinla yin bua ki yaa ŋua yua, li yaa tie yi yaajanba n den ŋua yaa buli Yufilata duoli po yo, bi li yaa ko tie Amola yaaba, yin ye yaaba yaa diema nni, n ŋua yaa buli yo. Mini leni n diegu yaaba wani, ti baa yaa ŋua Li Miali Diedo yo.»

Josue 3:16

yaa ñima n ña ganu po ki kpendi den sedi nani li goanli yeni hali foagima ki nagi leni Adama dogu ki ku leni Saditani dogu. Yaa ñima n tiini ki caa jienu po, Alaba yaa ñincianma yaama n caa mi ñincianyaama po, den jia cain. Lani ku niligu den duodi ki tiegi Jeliko.

Josue 3:17

Yaa kopadicianba n den bugi ku ŋantaadikpaku den se u kpenkuomu siiga ke Isalele yaaba kuli do Judana taakuoma. Bi den se lienni hali bi niba kuli n ban do ki gbeni.

Mi Doagidima 18:10

Ti jawaandi baa cuo ba kelima u funfunma po, ban piadi ki sedi foagima ki tiani: ‹Fala, fala, fini u dociamu, Fini Babilona, Yaa dogu n den pia u paaciamu. A buudi baa apo yenma Ki yogunjenjenga nni.›

Bi Bujiaba 1:1

Josue n den kpe, Isalele yaaba den mia Li Miali Diedo ke wan waani ba bi buoli siiga yaa buolu n baa kpa gedi ki tuogi Kanana yaaba bu toabu.

Bi Bujiaba 11:23

Li Miali Diedo, Isalele yaaba Tienu n ga Amola yaaba diema ki teni tinba o niba, amo n yedi ke a baa fie ma ti kani?

Bi Bujiaba 3:3

Wan den ŋa yaaba mi diema nni den tie Filisiti yaaba diemuudima yaaba, Kanana yaaba kuli, Sidoni yaaba leni Hefa yaaba yaaba n den ye Libani juana po, ki cili Baali-Helimoni juali ki yaa caa hali Hamati dogu buliñoabu.

Bi Bujiaba 4:2

Lani Li Miali Diedo den taa ba ki teni Kanana bado Jabini nuu nni, yua n den kaa Hasoli dociamu. O toatieba yudaano den yi Sisela ki kaa Haloseti-Goyima dogu.

1 Samueli 25:37

Ama lan den faa ke Nabali daama kagidi opo, o pua den waani o yaala n den tieni kuli. O pali den pua hali ke o kuodi nani li tanli.