Josue 4:12 - Gourmanchéma Bible

¹² Lubena buolu yaaba leni Gada buolu yaaba leni Manase buolu yu n tie boagidima den taa bi toatiadi ki ga Isalele yaaba yaaba n sieni liiga, ki duodi nani Musa n den yedi ba maama.

U TIENU MAAMA TILI 2013

¹² Rubeni buolu, Gadi buolu leni Manase buolu yuu n tie boagidima den taa bi toatiadi, ki gaa Isidayeli yaaba, yaaba n sieni liiga, ki duodi nani Musa n den yedi ba maama.

Josue 4:12 ပူးပေါင်းရင်းမြစ်များ

Mi Ñama 13:18

Ama U Tienu den teni ke ku niligu gaani ki lindi ki tagi mi fanpienma po ki tagini mi ñincianmoanma po. Isalele yaaba den ñani Ejipiti diema nni ki bogini bu toabu po.

Mi Coadima 1:24

Gada bijaba, ki ŋoadi bi buolu, bi cubuliñoana leni bi diedi, ja kuli ja, ki cili yaaba n den pia bina piilie leni yaaba n den cie yeni, yaaba n den baa fidi ki taa ti jatiadi,

Mi Coadima 32:17

Li yaa puoli, ti baa jaligi ki taa ti jatiadi ki kua Isalele yaaba liiga ki ciani ba Li Miali Diedo n bili bipo yaa kaanu yeni po. Laa yogunu ti diedi yaaba baa yaa ye i dopaali nni, naankani ke mi diema niba kan fidi ki nandi ba.

Mi Tiadima 3:18

Laa yogunu yo ke n den teni yi li naa ñoabonli: ‹Li Miali Diedo yi Tienu taa laa diema ki teni yi ke yin diedi ma. Yinba a jakoanda kuli, yin bobi yi jatiadi ki cua ki tagini yi kpiiba Isalele yaaba nintuali.

Mi Tiadima 33:21

Bi den kpa gandi li bonkpiala Kelima o bado biinu ye lankane. Bi den gaani ku niligu liiga bu toabu po Ki den tiendi Li Miali Diedo teginma Ki den ja o buudi Isalele yaaba siiga.

Josue 1:14

Yi puoba leni yi bila leni yi yandi baa fidi ki yaa ye ne, Musa n boagidi ki teni yi yaa diema na niinni. Ama yinba bi jaba yaaba n pundi ki gedi bu toabu kuli, yin taa yi toatiadi ki kua yi kpiiba liiga ki duodi u kpenu ki ban todi ba,

Josue 4:11

Bi niba kuli n den duodi ki gbeni, bi kopadicianba den duodi leni ku ŋantaadikpaku ki ga ku niligu liiga.

Josue 4:13

Yaa jaba n den taa bi toatiadi ki bogini bu toabu po den bua ki pundi niba tudapiinaa (40 000). Bi den duodi Judana, Li Miali Diedo nintuali ki pundi Jeliko tialu nni.