Josue 3:10 - Gourmanchéma Bible

¹⁰ Yaala n baa teni yin bandi ke U Tienu yua n fo ye yi siiga, ke o baa deli yipo Kanana yaaba, Heta yaaba, Hefa yaaba, Felesa yaaba, Giligasa yaaba, Amola yaaba leni Jebusa yaaba tie line:

U TIENU MAAMA TILI 2013

¹⁰ Yaala n baa teni yin bandi ke U Tienu yua n fo ye yi siiga, ke o baa deli yi po Kanana yaaba, Hititi, Hiviti, Perisiti, Giligasi, Amori leni Jebusi yaaba tie line:

Josue 3:10 ပူးပေါင်းရင်းမြစ်များ

Mi cilima 15:21

leni Amola yaaba leni Kanana yaaba leni Giligasa yaaba leni Jebusa yaaba yaa diema kuli.»

1 Bi Badiba 22:28

Mise den yedi o: «A yaa goa ki kpeni leni laafia, Li Miali Diedo wani ka soani nni.» Mise go den yedi: «I nibuoli kuli, yi naa gbadi mani!»

2 Bi Badiba 19:4

Daalinba Li Miali Diedo a Tienu gbadi Asili bado n soani o guudikaaba yudaano ke o sugi U Tienu yua n fo maama. Laa yie a Tienu n jia ti buudi ki waani ba fala kelima wan gbadi yaa maama yaa po. Jaandi yaaba n da go ye yaa po.› »

1 Bi Badiba Jama 1:14

leni Jebusa yaaba, Amola yaaba, Giligasa yaaba,

Pisomi 42:2

Nani ki boaliga n fuo ki dogi mi ñima po maama, Mini moko fuo ki dogi apo yene, n Tienu.

Pisomi 9:16

I nilanbuoli jiidi ban gbini yaa buogu nni, Bi taana mo ŋma ban wuoni ki dia yaa diagu nni.

Mi Ñama 17:7

O den yini laa kaanu Masa leni Meliba kelima Isalele yaaba den koani li koanli lankani. Bi den biigi Li Miali Diedo ki yedi: «Li Miali Diedo ye ti siiga bi waa ye yo?»

Mi Ñama 3:8

N jiidi ki baa faabi ba Ejipiti yaaba yaa nuu nni, ki teni ban ña laa diema nni ki kua yaa diema n ŋani ki go yaba yaa niinni. Mi naaŋanma leni ti siadi n dua naani. Li tie Kanana yaaba, Heta yaaba, Amola yaaba, Felesa yaaba, Hefa yaaba leni Jebusa yaaba n ye yaa diema nni.

Mi Ñama 33:2

N baa soani n maleki wan yaa ye liiga ki ciagi yi. N baa deli Kanana yaaba, Amola yaaba, Heta yaaba, Felesa yaaba, Hefa yaaba leni Jebusa yaaba.

Esayi 7:14

Lani yaa po O Diedo wani oba baa pa yi mi maalima. Diidi ki le, li *powandiali baa punbi. O baa maa bonjaga ki yini o Emanuweli.

Jeremi 10:10

Ama Li Miali Diedo tie U Tienu i moamoani, Wani yaa Tienu n fo tie yaa bado n ki pia juodima. O pabienli nni ki tinga digibi I nibuoli kan fidi ki sedi o pabiencianli nintuali.

Mi Coadima 13:29

Amaleki buolu yaaba kaa mi diema ganu po, Heta yaaba, Jebusa yaaba, leni Amola yaaba mo kaa a juana n ye yaa kalu po. Kanana yaaba mo kaa ki kuu mi ñincianma leni Judana kpenu boanjaana po.»

Matie 16:16

Simono Pieli den goa ki yedi o: «A tie *U Tienu n Gandi Yua, U Tienu yua n fo yaa Bijua.»

Jan n diani U Tienu Laabaaliŋamo maama 6:69

Tinba wani daani ki bani cain ke fini n tie U Tienu Nigagidika.»

Mi Tiadima 31:17

Lan daale ke n pali baa fii ki be bipo. N baa ŋa ba, ki buli ba n nunga. Bi baa je ba, falaciamo leni paboancianli baa baa ba, ke bi baa yedi: ‹Naani laa tie kelima ti Tienu naa go ye ti siiga kaa ke yaa fala buoli n tie ne kuli nandi ti?›

Mi Tiadima 5:26

O laa nisaalo n kpa gbadi nani tinba yeni, ke U Tienu maadi mi fantama nni ki go baa ye leni li miali?

Mi Tiadima 7:1

Li Miali Diedo yi Tienu yaa gobidi ki kuani yi yin baa diedi yaa diema yeni niinni, o yaa deli yi nintuali yaa nibuoli n yaba ki cie yi, Heta yaaba, Giligasa yaaba, Amola yaaba, Kanana yaaba, Hefa yaaba, Felesa yaaba leni Jebusa yaaba, laa nibuoleleedi yii n yaba ki go pia u paalu ki cie yi yeni yaa yogunu,

Mi Tiadima 7:21

Yi gbani n da digibi kelima bipo, kelima Li Miali Diedo yi Tienu ye yi siiga nni. O tie yaa Tienu n yaba ki go pia i jeje.

1 Tesaloniki 1:9

Kelima i kaani kuli bi togidi yin den ga ti cangu maama, leni yin den ŋa i *buli ŋoadima ki tuo ki ŋoadi U Tienu yua n fo ki tie i moamoani maama.

Hebilunba 10:31

Li tie yaa bonla n pia i jeje hali boncianla ki baa U Tienu yua n fo nuu nni.

Josue 11:3

O go den soani yaa niba n tie na moko yaa kani: Kanana yaaba yaaba n ye Judana kpenu puoli leni u nintuali, leni Amola yaaba, Heta yaaba, Felesa yaaba leni Jebusa yaaba yaaba n ye a juana nni, leni Hefa yaaba yaaba n ye Helimoni juali balinma, Mitisipa diema nni.

Josue 12:8

Li den tie li juali nni yaa diema, leni ku joaloangu nni yaama, leni Judana balinma yaama, leni a juana jiidima yaama, leni mi fanpienma nni yaama, leni niganu yaa diema. Yaaba n den ye laa diema nni den tie Heta yaaba, Amola yaaba, Kanana yaaba, Felesa yaaba, Hefa yaaba leni Jebusa yaaba.

Josue 21:45

Yeni Li Miali Diedo n den niani Isalele yaaba yaa ñoaniani kuli den kua. Baa yendu ki den tua mafanma.

Josue 22:31

O kopadiciamo Eleyasala bijua Finea den yedi ba: «Moala ti bandi ke Li Miali Diedo ye leni ti, kelima yii tudi opo nani tin bi tama ke yi tudi yaa tudibiadima. Lanwani yi kan kuani Isalele yaaba Li Miali Diedo cuonbiadu nni.»

Josue 24:11

Yi den duodi Judana ki ban pundi Jeliko, Jeliko yaaba den tuogi leni yi bu toabu. Amola yaaba, Felesa yaaba, Kanana yaaba, Heta yaaba, Giligasa yaaba, Hefa yaaba leni Jebusa yaaba moko den tuogi leni yi bu toabu. N den teni ke yi paadi bikuli.

Josue 3:9

Josue den yedi Isalele yaaba: «Nagini mani ne ki cengi Li Miali Diedo yi Tienu ñoabona.

Josue 9:1

Yaa diema n ye Judana nintuali, lani n tie yaa diema n ye a juana nni, leni yaama n ye ku joaloangu nni, leni yaama n baali mi ñincianma ki tandi ki gedi hali Libani diema, yaa badiba kuli den gbadi Ayi dogu bolinma laabaali. Lanwani bani Heta yaaba, Amola yaaba, Kanana yaaba, Felesa yaaba, Hefa yaaba, leni Jebusa yaaba yaa batieba yeni

1 Samueli 17:26

Dafidi den buali yaa jaba n nagi leni o: «Yua n ku o ja na ki ñani Isalele yaaba po i fe, bi baa tieni opo be? Laa jifolo, Filisiti yua yeni, o tie ŋme ki baa fali U Tienu yua n fo toagoli?»

1 Samueli 26:6

Dafidi den yedi Heta yua Ahimeleki leni Seliya bijua Joabi waalo Abisayi: «Ŋme baa yegi leni nni tin gedi Sayula toanagili po?» Abisayi den goa ki yedi: «N baa yegi leni a.»