Josue 24:19 - Gourmanchéma Bible

¹⁹ Ama Josue den yedi Isalele yaaba: «Yi kan fidi ki yaa ŋua Li Miali Diedo, kelima o tie U Tienu ki gagidi ki ŋani cain, ki go pia li *nunponli mo. O kan tieni yipo sugili yi yiema leni yi *tuonbiadi kuli po.

U TIENU MAAMA TILI 2013

¹⁹ Ama Josue den yedi Isidayeli yaaba: «Yi kan fidi ki yaa ŋua Li Miali Diedo, kelima o tie U Tienu, ki gagidi ki ŋani cain, ki go pia li nunponli mo. O kan tieni yi po sugili yi yiema leni yi tuonbiadi kuli po.

Josue 24:19 ပူးပေါင်းရင်းမြစ်များ

2 Bi Badiba Jama 36:16

Ama bi den ñuadi U Tienu tonda, ki fali bi maama, ki sugi o sawalipuaba, hali ke Li Miali Diedo pali den fii o niba po ke laa go pia sugili.

Pisomi 99:3

Ban pagi a kelima a yeli yaba ki go pia i jeje, A gagidi ki ŋani mo.

Pisomi 99:5

Pagi mani Li Miali Diedo ti Tienu Gbaani mani o taaŋmaakaanu kani ki pugi o Kelima o gagidi ki ŋani!

Pisomi 99:9

Pagi mani Li Miali Diedo ti Tienu! Gbaani mani o joagagidikaali po Kelima Li Miali Diedo ti Tienu gagidi ki ŋani.

Mi Ñama 20:5

Yin da gbaani ki pugi la, yin da kpiagi la mo, kelima mini Li Miali Diedo yi Tienu n tie yaa Tienu n pia li *nunponli. N guandi baanba yaa biadima panpaani bi bila kani hali nifiima taa bi nifiima naa yaaba n nani nni po.

Mi Ñama 23:21

Cengi o maama, tieni wan yedi a yaala, ŋan da fiini opo yiema, kelima mini n soani o. O kan pa ŋa sugili a yaa fiini opo yiema.

Mi Ñama 34:14

Yin da gbaani ki pugi buloba kuli kelima Li Miali Diedo tie li *nunponli daano. O tie yaa Tienu n pia li nunponli.

Mi Ñama 34:7

Yua n kubi yaa buama n kan lebidi hali nifiima tudili danba po ki tiendi sugili i tagili po leni mi yiema leni ti *tuonbiadi kuli po, ama o kan saa i tagili danba po i moamoani. Yua n teni ke ti tuonbiadi danba bila leni bi yaabila n tugi bi yaa tuonbiadi panpaani hali ki pundi nifiima taa leni nifiima naa kuli.»

Esayi 2:9

Li tie lani yaa po ke bi nisaaliba godi ki buani. Bi baa le i fe Ŋan da tieni bipo sugili.

Esayi 27:11

I beni yaa kuodi bi yen kua i Bi puoba n cua ki taa i ki ban kuuni bi fantama. Li den tie yaa niba n ki pia yanfuoma, Yua n den tagi ba ki den gbadi bi niñima, Yua n den tagi ba ki den juogi ba.

Esayi 30:11

Ŋa mani u sanu, Jadi mani ki ŋa u sanu Ñani mani ti nintuali Isalele Tienu Yua n Gagidi ki ŋani yeni.»

Esayi 30:15

Kelima o Diedo Li Miali Diedo Isalele Tienu Yua n Gagidi ki ŋani maadi yaa maama n tie na: Yi yaa guani U Tienu kani leni mi yanduanma yi baa mi*faabima. Mi yanduanma leni ti dugidi n baa cuani yi fidu. Ama yi naa bua la!

Esayi 5:16

Li Miali Diedo U Paaciamu Kuli Daano baa baa ti pagidi o bujiali nni. U Tienu, Yua n Gagidi ki ŋani mo baa doagidi Ke o gagidi ki ŋani o teginma nni.

Levi 10:3

Musa den yedi Alono: «U Tienu Li Miali Diedo den tuodi ki kadi ki waani yi lane wan den yedi: ‹N bua ke yaa niba n nagidi nni n yaa fangi n gagidiŋanma, ki kpiagi nni bi niba kuli nintuali.› » Alono den ŋmini suo.

Levi 11:44

Kelima n tie Li Miali Diedo yi Tienu, yi baa gagidi ki ŋanbidi yi yula, ke yin yaa ŋani cain, kelima n gagidi ki ŋani cain. Yin da joagini yiba leni laa bonfuoda yaaba n balini tiipo yeni.

Levi 11:45

N tie Li Miali Diedo yua n den teni ke yi ñani Ejipiti diema nni, ke min yaa tie yi Tienu. Yi baa gagidi ki ŋanbidi yi yula kelima n gagidi ki ŋani.»

Levi 19:2

«Maadi leni Isalele yaaba nitaanli kuli ki yedi ba: Yi baa gagidi ki yaa ŋani kelima n gagidi ki ŋani, mini Li Miali Diedo yi Tienu.

Levi 20:26

Yi baa yaa tie npo bi nigagidiŋanba, kelima mini Li Miali Diedo gagidi ki ŋani. N den gagidi ki ñani yi i nibuoli nni ke yin yaa tie n yaa yaaba.

Levi 20:7

Yin gagidi ki yaa ŋani npo, kelima n tie Li Miali Diedo yi Tienu.

Nahumi 1:2

Li Miali Diedo tie yaa Tienu N pia li *nunponli ki tuugi li panli. Li Miali Diedo tuugi li panli, O pabienli bia boncianla. Li Miali Diedo tuugi o koanginkaaba li panli Ki kan tieni o yibalinba po sugili mo.

Habakuki 1:13

Ama a gagidi ki ŋani hali boncianla, A kan fidi ki yaa nua yaa bonla n bia. A kan fidi ki yaa nua fala ki ŋmini. Lanwani be yaa po ke a baa yaa ŋmini Ki nua yaaba n janbidi bi lieba? Be yaa po ke bi nibiadiba yaa bolindi yaaba n tiegi ki cie ba, A yen ŋmini kaa tua liba?

Matie 6:24

Oba kuli kan fidi ki yaa tuuni canbaanba lie po, kelima o yaa baa nani o canbaakpialo ki bua o canbaalielo, o nan baa taabi o bonkpialo ki fali o bonlielo wani. Yi kan fidi ki yaa taa ki tuuni U Tienu po leni ŋalimani po.

Josue 24:18

O den deli tipo i nibuoli kuli leni Amola yaaba yaaba n den kpa ye mi naa diema nni. Lani yaa po ti moko baa yaa ŋua wani Li Miali Diedo yo, kelima wani n tie ti Tienu.»

Josue 24:23

O go den yedi ba: «Lanwani yin ñani mani bi nilanba buli yi n ye yi siiga, ki ŋanbi ki tabini Li Miali Diedo, Isalele yaaba Tienu, leni yi pala kuli.»

Ruti 1:15

Naomi den yedi Luta: «Diidi, a polielo lebidi ki guani o buolu yaaba leni o *buli po. Am n lebidi ki guani nani a polielo n tieni maama.»

1 Samueli 3:14

Li tie lani yaa po ke n poli Eli diegu po ki yedi ke Eli diegu tuonbiaciandi kan baa sugili hali abada, baa a pada bi wan baa pa nni yaa paabu kan teni ban baa sugili.»

1 Samueli 6:20

Lane Beti-Semesi yaaba den yedi: «Ŋme baa fidi ki yaa ye ki fo Li Miali Diedo, U Tienu Yua n Gagidi ki ŋani nintuali? Ku ŋantaadikpaku baa gedi le ki foagidi ti kani?»