Josue 22:9 - Gourmanchéma Bible

⁹ Lubena buolu yaaba, Gada buolu yaaba leni Manase buolu yaaba den lebidi ki kuni bi denpo. Bi den ŋa Isalele yaaba yaaba n sieni Silo, Kanana diema nni. Bi den guani Galaadi yaa diema nni, ban den baa yaama nani Li Miali Diedo n den wani Musa maama.

U TIENU MAAMA TILI 2013

⁹ Rubeni buolu, Gadi buolu leni Manase buolu yaaba den lebidi ki kuni bi denpo. Bi den ŋaa Isidayeli yaaba, yaaba n sieni Silo, Kanana diema nni. Bi den guani Galaadi diema nni, ban den baa yaama nani o Diedo n den puogi Musa maama.

Josue 22:9 ပူးပေါင်းရင်းမြစ်များ

2 Samueli 2:9

O den dini o li bali ke o diedi Galaadi leni Asula, leni Jisileeli, leni Efilayima, leni Benjamina, muni Isalele tinmu kuli.

1 Bi Badiba Jama 5:9

Puoli po mo, bi den kali yaa fanpienma n ye ban den kaa yaa tinga nni leni Yufilata kpenciamu siiga yaa balinme, kelima bi yandi den yaba Galaadi diema nni.

Pisomi 60:7

Cua ki todi ti, guani tipo ti miabu! Yeni, a buakaaba baa faabi.

Mi Coadima 32:1

Lubena buolu yaaba leni Gada buolu yaaba den pia yaa yandi n yaba hali boncianla. Bi den diidi ki sua ke Yayeseli diema leni Galaadi diema tie yaa kaani n ŋani ti yandi po.

Mi Coadima 32:20

Musa den yedi ba: «Yi yaa tieni yin yedi yaala ki taa yi jatiadi ki ban tieni bu toabu Li Miali Diedo nintuali,

Mi Coadima 32:22

li yaa tie ke yi guudi ke Li Miali Diedo paadi mi diema ke yi nan lebidi ki guani ne, lani yii pia panli Li Miali Diedo nintuali leni Isalele yaaba kani. Lanwani yi baa diedi yaa diema n tie na Li Miali Diedo nintuali.

Mi Coadima 32:26

Ti bila, ti puoba ti yankuli leni ti yandi kuli baa yaa ye nekanba Galaadi dogi nni.

Mi Coadima 32:29

Musa den yedi ba: «Gada buolu yaaba leni Lubena buolu yaaba yaa yegi leni yi ki duodi Judana ki kubi bi jatiadi ki ban koani Li Miali Diedo nintuali ke yi paadi mi diema, yin teni ba Galaadi diema n tua bi tinbiini.

Mi Tiadima 3:18

Laa yogunu yo ke n den teni yi li naa ñoabonli: ‹Li Miali Diedo yi Tienu taa laa diema ki teni yi ke yin diedi ma. Yinba a jakoanda kuli, yin bobi yi jatiadi ki cua ki tagini yi kpiiba Isalele yaaba nintuali.

Mi Tiadima 3:20

Yin todi mani yi kpiiba hali Li Miali Diedo n pa ba ban kali bonŋanla nani yinba yeni, ke bani moko n diedi Li Miali Diedo yi Tienu n puni ba yaa diema Judana kandima yeni. Lani yaa pendi, yi siiga yendi yendo kuli baa fidi ki lebidi ki guani min puni o yaa tinga yeni niinni.›

Mi Tiadima 34:1

Musa den tagini Moabi tiali nni ki doni Nebo juali po, ki sedi Pisiga joataali yuli po yaali n tiegi leni Jeliko. Li Miali Diedo den teni ke o laa mi diema kuli, ki cili Gada diema hali Dana diema,

Josue 13:11

Bani Lubena buolu leni Gada buolu, leni Manase yaa buolu boagidima yeni go den die Galaadi yaaba diema, leni Gesuli leni Maaka yaa diema, leni Helimoni juali, ki taani leni Basana diema kuli ki ban dagini hali Salika dogu.

Josue 13:25

Bi diema den tie Jayesedi, Galaadi dogi kuli, Amoni buolu yaaba diema boagidima ki ban dagini hali Aloyeli ki kuu Laba.

Josue 13:31

Bani Manase bijua Makili buolu yaaba boagidima go den die Galaadi diema boagidima leni Basana bado Ogi dociankpeliedi Asitaloti leni Edileyi.

Josue 22:10

Lubena buolu yaaba, Gada buolu yaaba leni Manase buolu yaaba boagidima n den pundi Judana kpenu kani ki da ye Kanana diema nni, bi den maa yaa *padibinbinli n yaba boncianla ki kuu u kpenu.

Bi Bujiaba 20:1

Isalele yaaba kuli den taani ñoabu ki gedi ki taani Mitisipa dogu, Li Miali Diedo nintuali. Bi den ñani i kaani kuli, ki cili nijienu po, Dana dogu, ki yaa caa hali niganu, Beti-Seba dogu, leni Galaadi, puoli po yaa diema.

Bi Bujiaba 5:17

Judana duoli po Galaadi yaaba naa den fii ki ñani bi deni. Be n teni ke Dana yaaba den kaa bi ñinbiadi nni? Asela yaaba moko den kaa mi ñincianma kunkunu, Ti ñinbiadi n se naankani.