Josue 22:27 - Gourmanchéma Bible

²⁷ Tin bua yaala bebe tie ke li naa padibinbinli n tua siedi tinba leni yinba leni ti yaabila leni yi yaa yaabila kuli po ke ti pia u sanu ki kpiagi Li Miali Diedo leni ti padijuukaana, sugili pada leni i jaandi yaa pada. Yeni yi yaabila kan fidi ki yedi ti yaa yaabila ke baa pia ŋantaadoba leni Li Miali Diedo.

U TIENU MAAMA TILI 2013

²⁷ Tin bua yaala bebe n tie ke li naa padibinbinli n tua siedi tinba leni yinba, ti yaabila leni yi yaabila kuli, tin yaa pia u sanu ki kpiagi o Diedo leni ti padijuukaana, sugili pada leni i jaandi yaa pada. Yeni, yi yaabila kan fidi ki yedi ti yaabila ke baa pia ŋantaadoba leni o Diedo.

Josue 22:27 ပူးပေါင်းရင်းမြစ်များ

Mi cilima 31:48

Labana den yedi: «Dinla li naa binbinli n yaa ye ki tie siedi mini leni fini yaa siiga.» Li tie lani yaa po yo ke bi den yini laa kaanu Galeda lan tie «Siedi tanjuaga.»

Mi cilima 31:52

Li naa binbinli n tua siedi, li naa bontiadikaala mo n tua siedi ke n kan kandi li naa binbinli ki cua a kani, ke a mo kan kandi li naa binbinli leni li naa bontiadikaala ki cua n kani ki tieni yaala n bia.

Pisomi 16:5

Li Miali Diedo tie n biinu leni n tadiñokaaga, Min baa faa ki tua yaala kuli ye a nuu nni.

Esayi 19:19

Laa yogunu li *padibinbinli baa yaa ye Li Miali Diedo po Ejipiti diema siiga. Li bunbunli baa yaa ye Li Miali Diedo po u tinbianu kani.

Mi Tiadima 12:11

Lankani n baa yaa tie Li Miali Diedo yi Tienu n gandi yaa kaanu ki baa teni o yeli n yaa ye. Lankane yi baa kpendinni min bili yipo yaala kuli lan tie: yi padijuukaana, yi pada, yi dim, yin ñandi yaala opo yi kpaandi nni leni yin baa niani Li Miali Diedo yaa paabu kuli.

Josue 22:10

Lubena buolu yaaba, Gada buolu yaaba leni Manase buolu yaaba boagidima n den pundi Judana kpenu kani ki da ye Kanana diema nni, bi den maa yaa *padibinbinli n yaba boncianla ki kuu u kpenu.

Josue 22:26

Lani yaa po yo ke ti jagi ki maa li naa padibinbinli. Ama laa tie ke ti baa yaa padi lipo a padijuukaana bi paditoana ka.

Josue 22:28

Ti yedi ti yama nni ke bi yaa ti faa ki maadi tinba, bi ti yaabila laa maama, ti baa fidi ki goa ki yedi ba: ‹Diidi mani ti yaajanba den maa yaa padibinbinli n tie na ki nandi li leni Li Miali Diedo padibinbinli. Die baa den maa li ki baa yaa padi lipo padijuukaana, bi paditoana ka, ama ke lin yaa tie siedi tinba leni yinba siiga.›

Josue 22:34

Lubena buolu yaaba leni Gada buolu yaaba den yedi: «Li naa padibinbinli tie tipo siedi ke Li Miali Diedo tie U Tienu.» Lanwani bi den yini li “Siedi.”

Josue 24:27

Lani Josue den yedi ku niligu kuli: «Diidi ki le mani, ku tanciangu ne baa yaa tie tipo siedi, kelima gu gbadi Li Miali Diedo n maadi ti yaa maama kuli. Lani yaa po gu baa yaa tie yaa siedi n se ki yie yipo ke yin da yie yi Tienu ki ŋa o ki ŋoadi bontoala.»

1 Samueli 7:12

Samueli den taa li tancianli ki bili li Mitisipa leni Sena siiga ki yini li Ebeni-Eseli, lani n tie: “Mi todima Tanli”, ki yedi: «Li Miali Diedo todi ti ki pundi hali ne.»