Josue 22:22 - Gourmanchéma Bible

²² «U Tienu, U Tienu, Li Miali Diedo, U Tienu, U Tienu wani Li Miali Diedo bani yaala yaa po ke ti tieni yeni. Isalele yaaba kuli moko baa bandi la. Li yaa tie ke ti fiini yieme, bi ke ti tieni tudibiadime Li Miali Diedo po, wan da cedi tin yaa ye.

U TIENU MAAMA TILI 2013

²² «Ŋain! U Tienu, U Tienu, Li Miali Diedo U Tienu, U Tienu, wani Li Miali Diedo wani, bani yaala yaa po ke ti tieni yeni. Isidayeli yaaba kuli moko baa bandi la. Li yaa tie ke ti fiini yieme, bi ke ti tieni tudibiadime o Diedo po, wan da cedi tin yaa ye.

Josue 22:22 ပူးပေါင်းရင်းမြစ်များ

1 Bi Badiba 8:39

fini yua n ye hali tanpoli ŋan pa ba sugili, ki tieni yua kuli po nani o tagu n tie maama, kelima a bani yua kuli pali. Fini bebe n tie yua n bani bi nisaaliba kuli yaa pala.

Jobi 10:7

A bani bonŋanla cain ke mii pia biili Ke oba mo kan fidi ki faabi nni a nuu nni.

Jobi 23:10

Ama o nan bani n sanu n tie yu. O yaa ti biigi nni yaa yogunu n baa ña ki ŋani nani wula yeni.

Jobi 31:22

N boacabili n padi ki baa, N buagu mo n tugidi n nukpandunli kani ki baa ki kua kua.

Pisomi 136:2

Pagi mani U Tienu yua n cie ban ŋua yaala kuli, Kelima o ŋanbili ye hali yaa yogunu kuli!

Pisomi 37:6

O baa teni a moamoani n doagidi nani mi yenma yeni, Ki teni a *teginma mo n yaa tie nani u yienu u yensicocolu yeni.

Pisomi 40:9

N Tienu n bua ki tieni a yanbuama, Ki kubi a bali maama mo hali n pali tugu nni.

Pisomi 44:21

Ti yaa den sundi ti Tienu n tie yua, Ki ŋoadi i nilanbuli,

Pisomi 44:22

Naani U Tienu kan bi bandi la, Wan yua n bani li pali nni ŋasiili?

Pisomi 50:1

Asafi yani siiga yanbu. U Tienu, U Tienu, Li Miali Diedo maadi, Ki yini ki taani ki tinga niba kuli, Ki cili u yienu n pudi naani, hali wun baali naanpo.

Pisomi 82:1

Asafi yanbu. U Tienu se o nitaanli siiga tanpoli, Ki ja ti buudi leni o naacenba ki tua:

Pisomi 95:3

Kelima Li Miali Diedo tie yaa Tienu n yaba O tie Badiciamo, ki cie ban ŋua yaala kuli.

Pisomi 97:7

Yaaba n kpiagidi i *buli Leni yaaba n duondi bi yula laa bonfanla po kuli baa fiagi. I buli mo kuli baa cua Ki labini Li Miali Diedo nintuali ki pugi o.

Mi Ñama 18:11

N bani moala ke Li Miali Diedo pia u paalu ki cie i *buli kuli, kelima o teni ke Ejipiti yaaba biadima goa ki baa bi yula po.»

Jeremi 12:3

Fini Li Miali Diedo, a bani nni A nua nni, a bani yaala n ye n pali nni. Nani ban ñani yaa pe ki baan kodi yeni Piadi ki sieni ba mi kodima daali po.

Jeremi 17:10

Mini Li Miali Diedo n biigidi a pala, Ki bandi yaala n ye o nilo yantugu nni, Ki baa guani yua kuli nani o sanbila n tie maama, Ki pa yua kuli mo o panpaani nani o tuona n tie maama.»

Danieli 11:36

Nijienu po diema bado yeni baa yaa tiendi wan bua yaala kuli. O baa gbengi oba ki kpiagi o yuli ki tama ke o cie U Tienu leni i buli kuli, ki go maadi U Tienu yua n cie ban ŋua yaala kuli po mi biadikandikaama. Wan tieni yaala kuli baa cuoni opo bonŋanla hali U Tienu pabienli n doagidi. Lanwani U Tienu n den bili yaala kuli baa tieni.

Danieli 2:47

O bado den yedi Danieli: «I moamoani, a Tienu tie U Tienu ki cie bi niba n ŋua yaala kuli, ki go tie bi badicianba kuli Diedo. Wani bebe n doagidi li bondoaginkaala kelima a fidi ki doagidi npo li bondoaginkaala yeni.»

Mise 7:9

Ti tieni ti *tuonbiadi Li Miali Diedo po, Lanwani ti baa juuni o pabienli tundifala po, Hali wan baa ti ga ti buudi yaa yogunu, Ki faligi yaaba n faligidi ti ki saa tipo moamoani. O baa ñani ti li biigili nni ki gedini ti naankani n yieni, Ki baa ŋanbi tipo.

Malaki 3:18

Lani, yi go baa le yaa paadima n ye Bi niteginkaaba leni bi nibiadiba siiga. Yi baa le yaa paadima n ye yaaba n tuuni U Tienu po Leni yaaba n ki tuuni opo yaa siiga.»

Jan n diani U Tienu Laabaaliŋamo maama 21:17

Jesu go den buali o mi tataama: «Jan bijua Simono, a sua ke a bua nni bi?» Li den biidi Pieli pali ke Jesu buali o taalima taa: «A sua ke a bua nni bi?» Lane o den yedi o: «N Diedo, a bani li bonla kuli, a bani ke n bua ŋa.» Jesu den yedi o: «Ŋan yaa kubi n pe.

Jesu Tondiba Tuona 1:24

Lani bi den jaandi ki mia U Tienu ki yedi: «Ti Diedo, fini yua n bani bi niba kuli pala, waani ti bi naa niliediba siiga ŋan gandi yua

Jesu Tondiba Tuona 25:11

Li yaa tie ke n tieni yaala n bia ke li pundi kuuma, n kan yie ki kpe. Ama ban maadi npo yaa maama yaa tie faama, laa pundi oba kuli n teni nni bi nuu nni. N soagini n *buudi Sesa po.»

2 Korenti 11:11

Be yaa po ke n yedi yeni? Kelima mii bua yi bi? U Tienu bani ke n bua yi.

2 Korenti 11:31

U Tienu yua n tie o Diedo Jesu Baa, wani yua n pia ti pagidi hali yaa yogunu kuli, bani ke mii pua faama.

2 Korenti 5:11

Lanwani, kelima ti bani li fangili o Diedo po n tie yaala, ti moandi ki maadi ki guli bi niba. U Tienu bani ti cain, n sugini ke hali yi pala tugidi nni yi moko bani ti.

Mi Tiadima 10:17

Kelima Li Miali Diedo yi Tienu tie ban pugi yaala kuli yaa Tienu, bi diediba kuli yaa Diedo, U Tienu yua yaa yeli n yaba ki pia u paalu leni i jeje. Waa tiendi gagidima bi niba siiga, waa gaani suuli mo.

1 Timote 6:16

Wani bebe n ki pia kuuma, Ki ye miali kuli n kan nagini yaa yenma nni. Miali kuli n daa laa yua Ki kan fidi ki le o mo. Wani n pia yaa jigidi leni yaa paaciamu N ki pia gbenma hali yaa yogunu kuli. Amina!

Hebilunba 4:13

Tagimaba kuli ki wuo U Tienu nuni po, likuli ye mubima ki doagidi cain o nuni po, tin baa togidi wani yua ti tuona kuli.

Josue 22:21

Lubena buolu yaaba, Gada buolu yaaba leni Manase buolu yaaba boagidima den goa ki yedi Isalele buolu yaaba yaaba n sieni yudanba yeni line:

Mi Doagidima 19:16

O yeli yaali n tie na diani ki taabi o kpalibu leni o panli kuli po: Bi badiba Bado Leni bi diediba Diedo.

Mi Doagidima 2:23

N go baa kpa o bila. Lanwani Kilisiti n yini yaaba nitaana kuli baa bandi ke n tie yua n nua bi niba yantiana leni bi pala kuli, ki go baa pa yi siiga yua kuli o panpaani nani wan tieni maama.

1 Samueli 15:23

Kelima mi yiema bia nani u bayuadiidu n bia maama, U tupaalu mo bia nani i *buli ŋoadima n bia maama. Ŋan yie Li Miali Diedo yedima yeni, o moko yie ŋa. A kan go yaa tie o niba bado.»

1 Samueli 2:3

N yibalinba, da go maadi mani leni japaadi. Mi japaamaama n da go ña yi ñoana nni, Kelima Li Miali Diedo tie U Tienu ki bani li bonla kuli, Wani n bigidi li bontienkaala kuli,