Josue 22:20 - Gourmanchéma Bible

²⁰ Sedaka puoliŋuanu Akana n den tudi tudibiadima U Tienu n den kuani ba yaa kuali ki yedi ke ban da taa wan yedi ban bolini yaala yeni niinni, Li Miali Diedo pabienli ki den cuo Isalele yaaba kuli ka te? Wani Akana bebe ka den bodi o tudima yeni po.»

U TIENU MAAMA TILI 2013

²⁰ Sela puoliŋuanu Akan n den tudi tudibiadima U Tienu n den kuani ba yaa kuali, ki yedi ke ban da taa wan yedi ban bolini yaala yeni niinni, o Diedo pabienli ki den cuo Isidayeli yaaba kuli ka te? Wani Akan bebe ka den bodi o tudima yeni po.»

Josue 22:20 ပူးပေါင်းရင်းမြစ်များ

2 Bi Badiba Jama 24:18

Bi den ŋa Li Miali Diedo bi yaajanba Tienu ki ban kpiagidi i *buli. Li Miali Diedo pali den fii Juda diema yaaba leni Jelusalema yaaba po kelima bi den tudi opo.

Jobi 35:8

A biadima li baa fidi ki biidi a nisaalilielo po bebe, A teginma mo li baa fidi ki todi a nisaalilielo bebe.

Levi 10:6

Musa den maadi leni Alono, leni o bijaba Eleyasala leni Itamali, ki yedi: «Yin da ŋa yi yudi ki kan ŋanbi ti, yin da padi yi tiadi ki doagidi ke yi ye leni mi kuuma paboanli ke yin da ti kpe, yin go da ti fiini Li Miali Diedo pali li nitaanli kuli po. Cedi mani yi kpiiba, Isalele yaaba kule n mua i kumoe Li Miali Diedo n teni ke mi fantama kpa yaaba yeni po.

1 Korenti 10:6

Lankuli tie tipo li bonbangikaala, ki bua ki tuodi ki bangi ti ke tin da bua yaala n bia nani bani yeni.

Josue 22:21

Lubena buolu yaaba, Gada buolu yaaba leni Manase buolu yaaba boagidima den goa ki yedi Isalele buolu yaaba yaaba n sieni yudanba yeni line:

Josue 7:1

Isalele yaaba den tudi tudibiadima U Tienu n den kuani ba yaa kuali ki yedi ke ban da taa wan yedi ban bolini yaala yeni niinni. Juda buolu yua Akana den taa ban den baa bolini yaala siiga bonliba. Akana den tie Selaka puoliŋuanu. Selaka den mali Sabidi, ke Sabidi mo mali wani Akana baa Kalima. Akana n den taa yaala n kua yeni ke Li Miali Diedo pali den fii Isalele yaaba po.

Josue 7:18

O den teni ke Sabidi dansanu yaaba nagini niyendi yendo ke li den cuo Akana, yua n tie Sabidi bijua Kalima yaa biga. Sabidi mo den tie Juda buolu yua Selaka yaa bijua.

Josue 7:24

Josue leni Isalele yaaba kuli den taani ki taa Selaka bijua Akana, leni ŋanjilifa leni bu kpaligolikaabu leni wula bonmunmunli yeni kuli, leni Akana bijaba leni o bisiaba kuli, leni o ne, leni o ŋunbi, leni o pe, leni o gbandieli, leni wan pia yaala kuli, ki gedini Akoli joaloangu po.

Josue 7:5

Bi den ku Isalele yaaba siiga nani piitaa n niba luoba, ki deli yaaba n sieni ki ñani u dogu bilinciamu buliñoabu kani ki yaa caa hali Sebalima dogu. Ayi yaaba den pua ki yadi ba li juali jiidima. Li den wudi Isalele yaaba gbani ke baa go pia papaali.

2 Pieri 2:6

Wani U Tienu go den buni ki cuo Sodoma leni *Gomola ki buoni yi ke yi tua fantanpienma. O den teni ke i dogi yeni tua nannanli, U Tienu yiekaaba yaaba n baa yuandi ki cua po.