Josue 22:18 - Gourmanchéma Bible

¹⁸ Ña yi didi go yaadi ki ŋa Li Miali Diedo? Yi yaa fiini Li Miali Diedo po mi yiema dinla, saala o pabienli baa jiidi Isalele yaaba kuli yula poe.

U TIENU MAAMA TILI 2013

¹⁸ Ña yi didi go yaadi ki ŋaa o Diedo yo? Yi yaa fiini o Diedo po mi yiema dinla, saala o pabienli baa jiidi Isidayeli yaaba kuli yula po yo.

Josue 22:18 ပူးပေါင်းရင်းမြစ်များ

2 Samueli 24:1

Li Miali Diedo pali go den beni leni Isalele yaaba ke o den tigini Dafidi ke wan tieni yaala n baa cuani bipo yaala n bia, ki yedi ke wan coadi Isalele leni Juda yaaba.

1 Bi Badiba 9:6

Ama yinba leni yi yaabila yaa lebidi ki ŋa nni, yi yaa kubi n balimaama leni min den bili yipo yaa ñoabonbilikaana, yi yaa gedi ki ŋoadi i *buli ki pugi yi,

2 Bi Badiba 17:21

Li Miali Diedo den teni ke Isalele yaaba paadi leni Dafidi buolu, Juda yaaba yeni, bani Isalele yaaba den dini Nebati bijua Jeloboami ke o tua bi bado. O den teni ke bi ŋa Li Miali Diedo ki tieni yaa *tuonbiadi n yaba.

1 Bi Badiba Jama 21:1

Sutaani den fii ki sedi Isalele yaaba po, ki den fiini Dafidi yama ke wan coadi Isalele yaaba kuli.

1 Bi Badiba Jama 21:14

Li Miali Diedo den teni ke u yianbolinko baa Isalele diema nni, ke Isalele yaaba siiga niba tudapiilele (70 000) den kpe.

2 Bi Badiba Jama 25:27

Laa yogunu Amatisia den ŋa Li Miali Diedo ke bi niba den fii opo Jelusalema nni ki bua ki kpa o. O den sani ki gedi Lakisi. Ama bi den ŋoadi o lipo ki ban ku o.

2 Bi Badiba Jama 34:33

Josiasi den ñani yaa tuonbiada buoli n den ye Isalele diema nni kuli, ki tigini Isalele yaaba ke bi kpiagidi Li Miali Diedo bi Tienu Josiasi miali banlu kuli nni, oba kuli ki jadi ki ŋa Li Miali Diedo bi yaajanba Tienu.

Levi 10:6

Musa den maadi leni Alono, leni o bijaba Eleyasala leni Itamali, ki yedi: «Yin da ŋa yi yudi ki kan ŋanbi ti, yin da padi yi tiadi ki doagidi ke yi ye leni mi kuuma paboanli ke yin da ti kpe, yin go da ti fiini Li Miali Diedo pali li nitaanli kuli po. Cedi mani yi kpiiba, Isalele yaaba kule n mua i kumoe Li Miali Diedo n teni ke mi fantama kpa yaaba yeni po.

Mi Coadima 16:22

Musa leni Alono den baa tiipo bi nunmu po, ki yedi: «Fini U Tienu, U Tienu yua n puuni yaala n fo kuli li miali. Naani a baa fiini a pali li nitaanli kuli po, niyendo yaa *tuonbiadi po?»

Mi Coadima 32:15

Kelima yi yaa buli o yi nunga, o baa suagi liiga ki cedi Isalele yaaba n yaa ye mi fanpienma nni, ki teni yaa niligu n tie na kuli n bodi ki gbeni.»

Mi Tiadima 7:4

Kelima bi baa foagidi yi bijaba leni nni, ki teni ban ban kpiagi i *buli, ki fiini Li Miali Diedo pali yipo, wan bolini yi tontoni.

Josue 22:15

Bi den gedi Lubena buolu yaaba, Gada buolu yaaba leni Manase buolu yaaba boagidima kani Galaadi diema nni ki caa ba Isalele yaaba yaaba n sieni tondu ki yedi:

Josue 22:16

«Yin tieni yaa tudibiadima Isalele yaaba Tienu po ne mo bua ki yedi be? Be yaa po ke moala yi yaadi ki ŋa Li Miali Diedo ki maa yi yaa padibinbinli ki fiini Li Miali Diedo po mi yiema?

Josue 22:20

Sedaka puoliŋuanu Akana n den tudi tudibiadima U Tienu n den kuani ba yaa kuali ki yedi ke ban da taa wan yedi ban bolini yaala yeni niinni, Li Miali Diedo pabienli ki den cuo Isalele yaaba kuli ka te? Wani Akana bebe ka den bodi o tudima yeni po.»

Josue 7:1

Isalele yaaba den tudi tudibiadima U Tienu n den kuani ba yaa kuali ki yedi ke ban da taa wan yedi ban bolini yaala yeni niinni. Juda buolu yua Akana den taa ban den baa bolini yaala siiga bonliba. Akana den tie Selaka puoliŋuanu. Selaka den mali Sabidi, ke Sabidi mo mali wani Akana baa Kalima. Akana n den taa yaala n kua yeni ke Li Miali Diedo pali den fii Isalele yaaba po.

Josue 7:11

Isalele yaaba tieni ti *tuonbiadi. Bi miidi min den bili bipo yaa *ŋantaado. Bi taa li bonla min den yedi ban bolini yaala yeni siiga, ki suni la, ki wuoni bi tiadi nni.

Josue 7:21

N den laa ti fagidi siiga kpaligolikaŋanbu ke bu ñani Mesopotami diema po, leni ŋanjilifa kujapiena kobilie, leni wula bonmunmunli ke li kpiagu pundi kilo boagidima. N den laa lankuli ke n yama kua lienni ke n taa. Likuli wuo tinga nni n gbandieli siiga ke ŋanjilifa ye li tiipo.»

1 Samueli 12:14

Yi yaa fangi Li Miali Diedo ki ŋua o, yi yaa tuo wan yedi yaala ki naa yie o *balimaama, yi yaa taabi o, yinba leni yi bado yua n die yi, li bonla kuli baa yaa cuoni yipo bonŋanla.

1 Samueli 12:20

Samueli den yedi bi niba: «Yin da jie mani. Li tie moamoani ke yi tieni laa biadima kuli. Ama yin da ŋa mani Li Miali Diedo. Yin yaa ŋua o mani leni yi pala kuli.