Josue 21:7 - Gourmanchéma Bible

⁷ Melali yaa puoliŋuani den baa piiga n dogi lie ke yi ye Lubena buolu yaaba diema nni leni Gada buolu yaaba diema nni leni Sabulono buolu yaaba yaa diema nni.

U TIENU MAAMA TILI 2013

⁷ Merari puoliŋuani den baa piiga n dogilie ke yi ye Rubeni buolu diema nni, Gadi buolu diema nni leni Sabuloni buolu diema nni.

Josue 21:7 ပူးပေါင်းရင်းမြစ်များ

1 Bi Badiba Jama 6:62

Bi den puni Melali yaa bijabe yaala n sieni. Bi den baa Sabulono yaa buolu yaaba kani Limono, Taboli leni li yaa yankpaakaani,

1 Bi Badiba Jama 6:63

leni Judana duoli ki tiegi leni Jeliko, Judana puoli. Lubena mo yaa buolu yaaba kani bi den baa Betiso dogu yu n ye mi fanpienma nni leni Yatisa leni li yaa yankpaakaani,

Mi Ñama 6:19

Melali mo yaa bijaba den tie Makili leni Musi. Bani mo n tie Lefi yaa buoli leni bi yaa bila.

Mi Coadima 3:20

Melali mo yaa bijaba nani bi cubuliñoana n den tie maama. Lan den tie: Mali leni Musi. Lan den tie Lefi buolu yaaba diedi ki ŋoadi cubuliñoabu cubuliñoabu.

Josue 21:6

Bi go den toani tiatia ke Gelisoni yaa puoliŋuani mo baa piiga n dogi taa Isakala buolu yaaba diema nni leni Asela buolu yaaba diema nni leni Nefitali buolu yaaba diema nni leni Manase buolu yaaba boagidima yaaba n kaa Basana nni yaa diema nni.

Josue 21:8

Isalele yaaba den toani tiatia ki tenteni Lefi buolu yaaba laa dogi leni i gaanma, nani Li Miali Diedo n den yedi Musa maama.