Josue 21:44 - Gourmanchéma Bible

⁴⁴ Li Miali Diedo den puni ba mi yanduanma bi diema gaanma kuli nani wan den niani bi yaajanba moko maama. O den teni ke bi paadi bi yibalinba kuli, ke bi siiga oba kuli ki den fidi ki tuogi leni ba ke li gedi kaanu.

U TIENU MAAMA TILI 2013

⁴⁴ O Diedo den puni ba mi yanduanma bi diema gaanma kuli nni, nani wan den niani bi yaajanba maama. O den teni ke bi paadi bi yibalinba kuli, bi siiga oba kuli ki den fidi ki tuogi leni ba ke li gedi kaanu.

Josue 21:44 ပူးပေါင်းရင်းမြစ်များ

2 Bi Badiba Jama 13:16

Isalele yaaba den sani Juda yaaba nintuali ke U Tienu mo den taa ba ki teni ba Juda yaaba nuu nni.

Mi Ñama 23:31

A diema baa cili mi ñincianmoanma kani ki yaa caa hali Filisiti yaaba ñincianma, ki go taa mi fanpienma kani ki ban pundi u kpenciamu kani kelima n baa teni ŋan paadi mi diema yaaba. A baa deli ba a nintuali.

Mi Ñama 33:14

Li Miali Diedo den goa ki yedi o: «Mini nba, n baa yegi leni a, n baa pa ŋa mi fuodima moko.»

Esayi 63:14

Li Miali Diedo Fuoma den gedini ba mi fuodima kaanu Nani yaa yandi n jii ku joaloangu nni yeni. Lani n tie ŋan den gobidi a niba maama Ke a yeli n ña ki pia ti jigidi.

Mi Tiadima 2:36

Ki cili Aloyeli, Alinoni kpenu boanjaali po leni yaa dogu n ye ku joaloangu nni kani, ki yaa caa hali Galaadi, laa den baa tin ki den fidi ki paadi yaa dogu. Li Miali Diedo ti Tienu den taa li kuli ki teni ti.

Mi Tiadima 21:10

Li yaa tie ke yi ñani ki baa koani leni yi yibalinba yaa yogunu, ke Li Miali Diedo yi Tienu teni ba yi nuu nni ban tua yi kpaada,

Hebilunba 4:9

Lanwani *U Tienu fuodima daali yaa fuodima baa bili U Tienu niba po.

Josue 1:13

«Yin tiadi mani Li Miali Diedo naacemo Musa n den teni yi yaa ñoabonli wan den yedi yi: ‹Li Miali Diedo yi Tienu puni yi yaa diema n tie na, ki puni yi mi fuodima.

Josue 1:15

hali U Tienu n baa pa bani mo n diedi wan puni ba yaa diema nani wan puni yi ke yimo diedi maama. Li yaa puoli yin goa ki diedi Musa n boagidi ki teni yi yaa diema, yaama n ye Judana puoli na.› »

Josue 1:5

Hali ŋan baa yaa ye, oba kuli kan fidi ki sedi ki pani a, kelima n baa yaa ye leni a nani min den ye leni Musa maama. N baa kubi a, n kan ŋa ŋa abada.

Josue 11:12

Josue den paadi bi batieba yaaba n den taani yeni kuli, ki fie bi dogi. O den kpa ba leni bi dogi niba kuli nani Li Miali Diedo naacemo Musa n den bili maama.

Josue 11:23

Yeni Josue den paadi mi diema kuli nani Li Miali Diedo n den waani Musa maama. O den boagidi ma Isalele yaaba. Li yaa puoli Isalele yaaba den fuodi leni bu toabu.

Josue 11:8

Li Miali Diedo den taa ba ki teni Isalele yaaba nuu nni. Bi den paadi ba ki ŋoadi ki deli ba ki gedi hali u dociamu Sidoni leni Misidefoti-Mayima, nijienu po. Puoli po mo bi den ŋoadi ki deli ba ki pundi hali Mitisipa joaloangu nni. Bi den kpa bikuli baa ŋa baa niyendo leni miali.

Josue 2:24

Bi den yedi Josue: «Laa pia kuli tama, Li Miali Diedo puni ti mi diema kuli. Mi diema yaaba kuli tugusoama sani ke bi gbani wudi kelima tipo.»

Josue 22:4

Moala Li Miali Diedo yi Tienu puni yi lieba ke bi baa ki kali bi diema nni nani wan den niani ba maama. Lanwani yi di baa fidi ki lebidi ki guani yi denpo. Yin guani ki ban kali Li Miali Diedo naacemo Musa n den boagidi ki teni yi yaa diema nni, Judana puoli po.

Josue 22:9

Lubena buolu yaaba, Gada buolu yaaba leni Manase buolu yaaba den lebidi ki kuni bi denpo. Bi den ŋa Isalele yaaba yaaba n sieni Silo, Kanana diema nni. Bi den guani Galaadi yaa diema nni, ban den baa yaama nani Li Miali Diedo n den wani Musa maama.

Josue 23:1

Li Miali Diedo den ga Isalele yaaba yaa yibalinba n den lindi ba kuli kani, ki teni ke bi fuodi ke li waagi. Josue den podi boncianla.