Josue 18:16 - Gourmanchéma Bible

¹⁶ U den ñani lankani ki jiidi ki ban pundi yaa juali n kaagi Hinomi joaloangu ki ye Kefayima yaaba yaa joaloangu jienu po. U den bali Hinomi joaloangu, Jebusa yaaba juaga ganu po, ki jiidi ki ban pundi hali Eni-Logeli ñinbunli kani.

U TIENU MAAMA TILI 2013

¹⁶ U den ñani lankani, ki jiidi ki ban pundi yaa juali n kaagi Hinomi joaloangu, ki ye Refayimi yaaba yaa joaloangu jienu po. U den bali Hinomi joaloangu, Jebusi yaaba juaga ganu po, ki jiidi ki ban pundi hali Eni-Rogeli ñinbunli kani.

Josue 18:16 ပူးပေါင်းရင်းမြစ်များ

2 Samueli 17:17

Jonatan leni Ahimaatisi den se Eni-Logeli dobiga po kelima bi kan den tuo ki kua Jelusalema nni ke ban da ti le ba. Jafaano n den yen cua bikani ki caa i tondi, bani mo n ban waani Dafidi yaala n tieni.

2 Samueli 5:18

Filisiti yaaba den pundi ki yadi ki gbie Lefayima yaaba joaloangu nni.

1 Bi Badiba 1:9

Adonija den kodi i pe leni a naatona leni a naatonbiwubida yaa tangu n ŋaligi, yaagu n kuu leni Eni-Logeli ñinbunli. O den yini o waamu, bani o bado bila kuli, leni Juda diema koanbala kuli.

2 Bi Badiba 23:10

O bado Josiasi den biidi o bulo *Moloko yaa kaanu, yu n den ye Hinomi bijaba joaloangu nni ki yi Tofeti. O den tieni yeni ke niloba n da go taa o bijua bi o bisalo ki sia mi fantama nni o bulo Moloko po.

1 Bi Badiba Jama 14:9

Filisiti yaaba den cua ki jiidi Lefayima yaaba joaloangu nni.

2 Bi Badiba Jama 28:3

O den juu tulale Beni-Hinomi bijaba joaloangu nni. O den juu o bijaba mi fantama nni, ki ŋoadi nani i nilanbuoli cagindi, Li Miali Diedo n den deli yaaba Isalele yaaba nintuali.

2 Bi Badiba Jama 33:6

O den taa baa o bijaba ki padi ba li padili po, ki buoni ba mi fantama nni, Beni-Hinomi Joaloangu nni. O den bu ku baagu ki go tiendi ti buligbandi leni u ñoagu. O den baa yaa ñoagidanba n maadi leni bi tinkpiba, leni a lingida. O go den suagi liiga ki tiendi yaala n bia Li Miali Diedo po, ki biendi o pali.

Esayi 30:33

Bi tuodi ki bogini u juukaanu hali yogu, Li kaanu tie o bado moko yaa po yo. Li tie buogu yaagu n ñua ki go pia. Bi dogini likani yaa daadi n yaba boncianla mi juuma po. Li Miali Diedo ñoabu fawaama n baa cuoni ti nani li cidibili yeni.

Jeremi 19:11

«Li Miali Diedo U Paaciamu Kuli Daano yedi: N baa mudi bi naa niba leni u naa dogu yeni Nani o maado n mudi li cuali maama Ke li naa go pia ŋanbima yeni. Bi baa yaa piindi bi tinkpiba Tofeti Kelima piinkaanu kan go yaa ye potogu.

Jeremi 19:2

Ŋan yuandi ki ñani a tancacala buliñoabu po, yaabu n goa Beni-Hinomi joaloangu po. Lankani a baa waani ba min baa puogi a ŋan waani ba yaa maama.»

Jeremi 19:6

Li tie lani yaa po ke Li Miali Diedo yedi ke a dana kpendi, Ke u naa kaanu kan go ti yaa yi “Tofeti” bi “Beni-Hinomi joaloangu”. Bi baa yaa yi likani “li kukpali joaloangu”.

Jeremi 32:35

Bi maa bi *buli padikaani Baali po Beni-Hinomi joaloangu nni Ki baa padi bi bijaba leni bi bisiaba o bulo *Moloko po. Mii den puogi ba ban tieni laa bonla. Mii den baa li yantiali ki baa tieni laa cagindi bole Ki teni Juda n tieni ti *tuonbiadi.»

Josue 15:63

Juda buolu yaaba ki den fidi ki deli Jebusa yaaba yaaba n den ye Jelusalema. Lanwani Jebusa yaaba leni Juda buolu yaaba baa ki taa ye Jelusalema dogu nni hali dinla.

Josue 18:28

Tisela, Elefi, Jebusa, lani n tie Jelusalema, Gibeyati leni Kilijati, piiga n dogi naa leni i tinkundogi. Likuli den tie Benjamina buolu yaaba yaa biinu.

Bi Bujiaba 1:21

Benjamina buolu yaaba ki den deli Jebusa yaaba yaaba n ye Jelusalema. Bi baa taa ki ye leni Benjamina buolu yaaba laa dogu nni hali dinla.

Bi Bujiaba 1:8

Juda buolu yaaba den baa Jelusalema dogu ki paadi u. Bi den kpa u niba, ki juu u dogu mo.

Bi Bujiaba 19:10

Mani wani, Lefi yua yeni di den yie ke bi kan duani likani. O den fii ki taa u sanu, wani o pua, o naacemo leni i ŋunliedi ke a gaana paa bipo. Bi den cuoni ki ban nagini Jebusa dogu, lani n tie Jelusalema.