Josue 17:13 - Gourmanchéma Bible

¹³ Baa Isalele n den ti baa u paalu ki pugini, baa den deli ba, bi den teni ke bi tuuni a tuona leni u paalu.

U TIENU MAAMA TILI 2013

¹³ Ba Isidayeli n den ti baa u paalu ki pugini, baa den deli ba, bi den teni ke bi tuuni a tuona leni u paalu.

Josue 17:13 ပူးပေါင်းရင်းမြစ်များ

Mi cilima 49:15

O nua ke wan duani yaa kaanu mani opo. O nua ke mi diema ŋani boncianla. O tuo ki ga li tugili. O tuo ki baa soani li yonbituonli.

2 Samueli 3:1

Bu toabu den waagi ki ye Sayula niba leni Dafidi yaa niba siiga. Dafidi paalu den pugidi ke Sayula yaa niba mo tadigidi.

1 Bi Badiba 9:21

Bi yaabila, ban den kpekpe ki ŋa yaaba ke Isalele yaaba ki fidi ki bolini ba, Salomono den cuo bani ti yonbidi ke bi tuuni u tuonpaalu. Bi baa tie yonbi ki tuuni laa tuonli hali dinla.

Efesa 6:10

N majuodikaama n tie na: Yin yaa baadi mani yi fidu o Diedo kani leni o paaciamu yu n cie li bonla kuli nni.

Filipi 4:13

N fidi likuli kelima wani yua n puuni nni li paalu yaa po.

Josue 16:10

Efilayima buolu yaaba ki den deli Kanana yaaba, yaaba n den ye Geseli dogu nni. Bi baa ye likani Efilayima buolu yaaba siiga hali dinla. Ama Efilayima yaaba den teni ke bi tuuni a tuona leni paalu.

2 Pieri 3:18

Ama yin yaa suagi liiga ti Diedo leni ti Candaano Jesu Kilisiti yaa *ŋanbili nni leni o yaa bandima nni ki pugidi. Wani n yaa baadi ti kpiagidi moala leni hali yaa yogunu kuli. Amina.

Bi Bujiaba 1:28

Isalele yaaba n den ti baa u paalu ki pugini, bi den teni ke bi tuuni bipo a tuona. Ama baa den deli ba.

Bi Bujiaba 1:30

Sabulono buolu yaaba ki den deli Kanana yaaba yaaba n den ye Kitiloni leni Nahaloli dogi. Lanwani bi den ye Sabulono buolu yaaba siiga, ama bani Sabulono buolu yaaba den teni ke bi tuuni bipo a tuona.

Bi Bujiaba 1:33

Nefitali buolu yaaba ki den deli Kanana yaaba yaaba n den ye Beti-Semesi leni Beti-Anati. Bani Nefitali buolu yaaba den kali bi siiga ki teni ke bi tuuni bipo.

Bi Bujiaba 1:35

Lanwani Amola yaaba den suagi ki ye yaa dogi n tie na: Hadi-Helesi, Ayalona leni Salibimi. Ama Josefi puoliŋuani den yuandi ki diedi ba ki teni ke bi tuuni bipo a tuona.