Josue 16:10 - Gourmanchéma Bible

¹⁰ Efilayima buolu yaaba ki den deli Kanana yaaba, yaaba n den ye Geseli dogu nni. Bi baa ye likani Efilayima buolu yaaba siiga hali dinla. Ama Efilayima yaaba den teni ke bi tuuni a tuona leni paalu.

U TIENU MAAMA TILI 2013

¹⁰ Efrayimi buolu ki den deli Kanana yaaba, yaaba n den ye Geseeri dogu nni. Bi baa ki ye likani Efrayimi buolu yaaba siiga hali dinla. Ama Efrayimi yaaba den teni ke bi tuuni a tuona leni u paalu.

Josue 16:10 ပူးပေါင်းရင်းမြစ်များ

1 Bi Badiba 9:15

Diidi o bado Salomono n den ñani yaaba u tuonsoanpaalu po ke bi maa Li Miali Diedo diegu leni wani oba yaa diegu, leni Milo leni Jelusalema bilinu, leni Hasoli leni Megido leni Geseli kuli po lan den tie maama.

1 Bi Badiba 9:16

Ejipiti bado *Falono den cua ki paadi Geseli ki juu u, ki ku Kanana yaaba yaaba n den ye lienni, ki yuandi ki puni u o bisalo Salomono pua ke li tie o calinkpenli paabu.

1 Bi Badiba 9:21

Bi yaabila, ban den kpekpe ki ŋa yaaba ke Isalele yaaba ki fidi ki bolini ba, Salomono den cuo bani ti yonbidi ke bi tuuni u tuonpaalu. Bi baa tie yonbi ki tuuni laa tuonli hali dinla.

2 Bi Badiba Jama 8:8

Bi yaabila ban den kpekpe ki ŋa yaaba ke Isalele yaaba ki den bolini yeni, Salomono den cuo bani yo ti yonbidi ke bi tuuni u tuonpaalu. Bi baa tie yonbi ki tuuni laa tuona hali dinla.

Josue 10:33

Geseli bado Holama den gedi ke o baan todi Lakisi dogu. Josue den paadi o, wani leni o toatieba ki kpa bikuli kaa ŋa baa niyendo leni miali.

Josue 15:63

Juda buolu yaaba ki den fidi ki deli Jebusa yaaba yaaba n den ye Jelusalema. Lanwani Jebusa yaaba leni Juda buolu yaaba baa ki taa ye Jelusalema dogu nni hali dinla.

Josue 16:9

Bi go den pugini ba yaa dociami leni yaa dobila n kukuu ba ki ye Manase buolu yaaba diema nni.

Josue 17:12

Ama Manase yaaba yeni ki den fidi ki deli laa dogi niba, lanwani bani Kanana buolu yaaba yeni den suagi ki ye likani.

Josue 17:13

Baa Isalele n den ti baa u paalu ki pugini, baa den deli ba, bi den teni ke bi tuuni a tuona leni u paalu.

Bi Bujiaba 1:29

Efilayima buolu yaaba ki den deli Kanana yaaba yaaba n den ye Geseli dogu nni. Lanwani Kanana yaaba den ye Geseli yeni Efilayima buolu yaaba siiga.