Josue 14:3 - Gourmanchéma Bible

³ Musa den boagidi ki teni i buoliedi leni boagidima bi yaa biinu Judana duoli po no. Ama waa den teni Lefi buolu yaaba wani biinu.

U TIENU MAAMA TILI 2013

³ Musa den boagidi ki teni i buoliedi leni buolu boagidima bi yaa biinu Jurden duoli po. Ama waa den teni Levi buolu yaaba wani biinu yaa buoli n sieni siiga.

Josue 14:3 ပူးပေါင်းရင်းမြစ်များ

Esekieli 45:1

Yi yaa baa boagidi mi diema, yi baa bili Li Miali Diedo po o yaa biinu. Yi baa gandi mi diema nni yaa kaanu n gagidi ke u foagimu tie piilie n nukpanduna tudamuu (25 000), u pianu mo nukpanduna tudapiiga (10 000). U baa yaa tie yaa kaanu yaa gaanilindima n gagidi.

Josue 12:6

Li Miali Diedo naacemo Musa leni Isalele yaaba den paadi laa bateliediba, ke Musa den taa bi diema ki teni Lubena buolu yaaba leni Gada buolu yaaba leni Manase buolu yu n tie buolu boagidima.

Josue 13:14

Lefi buolu yaaba bebe n den tie yaaba n ki baa biinu. Bi yaa biinu den ña Isalele yaaba n den kpendinni yaa padijuukaana Li Miali Diedo bi Tienu po yaa niinni, nani wani U Tienu n den niani ba maama.

Josue 13:16

Bi diema banlu niganu po den tie Aloyeli dogu ki ye Alinoni jaali kani leni yaa dogu n ye laa joaloangu siiga. Bi den die yaa tialu n lindi Medeba.

Josue 13:17

Bi go den die Hesiboni leni u tialu nni yaa dogi kuli, lan tie Diboni, Bamoti-Baali, Beti-Baali-Meoni,

Josue 13:8

Lubena buolu leni Gada buolu leni Manase yaa buolu boagidima den ga bi yaa tinmu Judana boanduoli po. Musa n den boagidi ki teni ba nani Li Miali Diedo n den waani o maama.