Josue 14:15 - Gourmanchéma Bible

¹⁵ Ebiloni den kpa yi Kilijati-Aliba lani n tie Aliba dogu. Aliba den tie Anaka buolu yaaba siiga, yaa ja yaa yeli n den ñani ki cie. Lani bu toabu den gbeni mi diema nni ke yua kuli fuodi.

U TIENU MAAMA TILI 2013

¹⁵ Hebiron den kpa yi Kiriyati-Arba, lani n tie Arba dogu. Arba den tie Anaki buolu yaaba siiga, yaa joa yaa yeli n ñani ki cie. Lani, bu toabu den gbeni mi diema nni, ke yuakuli fuodi.

Josue 14:15 ပူးပေါင်းရင်းမြစ်များ

Mi cilima 23:2

Sala den kpe Kilijati-Aliba dogu nni, yu n go yi Ebiloni, Kanana diema nni. Abalahama den gedi ki ban ŋanbi Sala kuuma ki mua opo.

Mi cilima 35:27

Jakobo den pundi o baa Isaaka kani, Mamile dogu, Kilijati-Aliba yeni, yu n go yi Ebiloni, Abalahama leni Isaaka n den kali naankani.

Mi cilima 37:14

Isalele den yedi o: «N mia ŋa, gedi ki le a kpeliba yaa ye leni laafia ke li yangoli mo ye leni laafia ki guani ki pa nni bi laabaali.» Wan den soani o yeni Josefi den fii Ebiloni yaa joaloangu nni ki gedi Sikema po.

1 Bi Badiba Jama 6:4

Melali mo yaa bijaba n den tie: Maali leni Musi.

Nehemi 11:25

Juda buolu yaaba bi tianba den kali a dobila leni a koajaana nni. Bi den kali Kilijati-Aliba leni u tinkundogi nni, Diboni leni u tinkundogi nni Jekabitiseeli leni u tinkundogi nni,

Josue 11:23

Yeni Josue den paadi mi diema kuli nani Li Miali Diedo n den waani Musa maama. O den boagidi ma Isalele yaaba. Li yaa puoli Isalele yaaba den fuodi leni bu toabu.

Josue 14:14

Li tie yeni ke hali dinla Jefune bijua Kalebi, Kenisa buolu yua yaabila baa die Ebiloni, kelima o den dugi Isalele yaaba Tienu po cain.

Josue 15:13

Jefune bijua Kalebi den baa o biinu Juda buolu yaaba siiga, nani Li Miali Diedo n den yedi Josue maama. Bi den teni o Kilijati-Aliba dogu yu n go tie Ebiloni. Aliba yeni tie Anaka baa.

Josue 21:11

Bi den teni ba Kilijati-Aliba dogu lani n tie Aliba dogu. Aliba yeni n den tie Anaka baa. Bi go yi laa dogu Ebiloni. U den ye Juda buolu yaaba juali nni. Bi den teni ba laa dogu leni u gaanma.

Josue 21:12

Ama li den sua ke bi teni Jefune bijua Kalebi u dogu yeni n den die yaa kuani leni yaa tinkundogi wani yo.

Bi Bujiaba 1:20

Bi den teni Kalebi yaa dogu n yi Ebiloni dogu nani Musa n den yedi maama. O den deli ki ñani Anaka botaadi lienni.

Bi Bujiaba 3:11

Mi yanduanma den tieni mi diema nni hali bina piinaa. Li yaa puoli Kenasa bijua Otinieli den kpe.

Bi Bujiaba 3:30

Hali laa daali Isalele yaaba den paadi Moabi yaaba ki diedi ba. Lani mi yanduanma den tieni mi diema nni hali bina piinii.

Bi Bujiaba 5:31

Li Miali Diedo, a yibalinba n bodi yeni, Ama yaaba n bua ŋa, ban yaa tie nani u yienu yeni, Wun kpadi yaa yogunu.» Mi yanduanma den tieni mi diema nni hali bina piinaa.

Bi Bujiaba 8:28

Isalele yaaba den paadi Madiana yaaba ki diedi ba ke baa go fiini bi yula. Mi yanduanma den tieni mi diema nni hali bina piinaa, Jedeyono miali banlu kuli.

1 Samueli 30:31

leni Ebiloni yaaba po leni wani Dafidi leni o niba n den gedi naani kuli yaaba po.