Josue 13:3 - Gourmanchéma Bible

³ ki cili Sikoli kpenu yu n ye Ejipiti banlu, ki yaa caa hali nijienu po Ekiloni dogu bianu kani. Laa diema kuli tie Kanana yaame. Filisiti yaaba batemuudiba yaaba n die likani tie Gasa bado, Asidodi yua, Asikaloni yua, Gati yua, leni Ekiloni yaa yua, bani batiebimuu leni Afita

U TIENU MAAMA TILI 2013

³ ki cili Sikoli kpenu yuu n ye Ejipiti banlu, ki yaa caa hali nujienu po, Ekiron dogu bianu kani. Laa diema kuli tie Kanana yaame. Filisiti yaaba badimuudiba yaaba n die likani tie Gasa, Asidodi, Asikalon, Gati leni Ekiron badiba. Bani leni Aviti

Josue 13:3 ပူးပေါင်းရင်းမြစ်များ

Mi cilima 10:6

Kama mo yaa bijaba n den tie bine: Kusa, Mitisilayima, Puti leni Kanana.

Mi cilima 15:18

Laa daali denge ke Li Miali Diedo den kuani o *ŋantaado leni Abalama ki yedi o: «N puni a yaa yaabila mi naa diema ki cili Ejipiti yaa kpenu ki gedi hali u kpenciamu, lani n tie Yufilata.

1 Bi Badiba 8:65

Laa yogunu Salomono leni Isalele yaaba kuli den tieni mi jaanma. Laa niŋandungu den ñani Isalele diema nni kuli, ki cili hali jienu po Hamati dogu tinkundogi nni, ki pundi hali ganu po kpenu yu n ye Ejipiti yaaba leni Isalele yaaba siiga, ki taani Li Miali Diedo bi Tienu nintuali dana lele taalima lie, lani n tie piiga n dana naa.

1 Bi Badiba Jama 13:5

Dafidi den taani Isalele yaaba kuli, ki cili Ejipiti kpenu kani, ki ban tuoni hali Hamati dogu kuama, ki baa teni ban ñani Kilijati-Jealima dogu nni, U Tienu ŋantaadikpaku ki cuani gu.

Esayi 23:3

U kpenciamu Nili balinma bonluonkaala kuli, Den tagi mi ñincianma nne ki kpendi Sidoni. Sidoni n den tie i nilanbuoli kuli daaga.

Jeremi 2:18

Moala mo a tiendi be yo Ejipiti sanu nni? Naani a baan ño u kpenciamu Nili ñima yo? A go tuuni be Asili sanu nni? Naani a baa n ño u kpenciamu Yufilata ñima yo?

Mi Tiadima 2:23

Kafitodi yaaba, yaaba n den ñani Kafitodi diema n den bolini Afi yaaba, bani yaaba n den ye i tinkundogi ki taa ki ti pundi hali Gasa dogu ki mo kali bi yaa kaanu.

Josue 13:13

Ama Isalele yaaba ki den deli Gesuli yaaba leni Maaka yaaba. Bi baa ye Isalele yaaba siiga hali dinla.

Bi Bujiaba 16:5

Filisiti yaaba yudanba den gedi o pua yeni kani ki yedi o: «Ŋan moandi ki bandi o gbanmanciamu yeni n ñani naani, leni lan baa ga maama tin fidi ki paadi o. Yeni ti baa loli o ki paadi o. Ti siiga yua kuli baa teni a tudili n kujapiena kobiga.»

Bi Bujiaba 3:3

Wan den ŋa yaaba mi diema nni den tie Filisiti yaaba diemuudima yaaba, Kanana yaaba kuli, Sidoni yaaba leni Hefa yaaba yaaba n den ye Libani juana po, ki cili Baali-Helimoni juali ki yaa caa hali Hamati dogu buliñoabu.

1 Samueli 5:1

Filisiti yaaba den fie U Tienu *ŋantaadikpaku ki ñani gu Ebeni-Eseli dogu ki gedini gu Asidodi dogu.

1 Samueli 5:10

Lane bi den gedini U Tienu ŋantaadikpaku yeni Ekiloni dogu. Gun den kua laa dogu nni yaa yogunu, u dogu yaaba den buudi ki yedi: «Bi cuani U Tienu ŋantaadikpaku ti kani ki baa kpa ti, tinba leni ti niba kuli.»

1 Samueli 5:8

Lane bi den soani ke bi yini Filisiti yaaba koanbala kuli ke bi taani bi kani ke bi yedi ba: «Ti baa tieni mani Isalele yaaba Tienu ŋantaadikpaku lede?» A koanbala den goa ki yedi ba ke ban gedini gu Gada dogu nni. Lanwani bi den gedini gu lipo.

1 Samueli 6:4

Filisiti yaaba den goa ki yedi: «Tin pa U Tienu be yaa paabu buolu?» Bi den goa ki yedi ba: «Yin duadi a sinakpina nannana bona muu ŋan yaa tie wula, leni a dapola yaa nannana bona muu ŋan moko n yaa tie wula, nani Filisiti yaaba koanbala n de maama, kelima falabuoliyendo cuo yikuli, taliginba leni a koanbala kuli.