Josue 13:16 - Gourmanchéma Bible

¹⁶ Bi diema banlu niganu po den tie Aloyeli dogu ki ye Alinoni jaali kani leni yaa dogu n ye laa joaloangu siiga. Bi den die yaa tialu n lindi Medeba.

U TIENU MAAMA TILI 2013

¹⁶ Bi diema banlu nuganu po den tie Aroyeeri dogu, ki ye Arinoni jaali kani leni yaa dogu n ye laa joaloangu siiga. Bi den die yaa tialu n lindi Medeba.

Josue 13:16 ပူးပေါင်းရင်းမြစ်များ

2 Samueli 24:5

Bi den duodi Judana ki gedi ki cili Aloyeli, Gada dogu joaloangu jienu ki nagi leni Jasela.

1 Bi Badiba Jama 19:7

Bi den da leni laa ŋanjilifa piitaa n toateliti tudalie (32 000), ki taani leni Maaka bado leni o niba yaaba n den cua ki kali Medeba nintuali. Amoni yaaba den ñani bi dogi nni ki taani ki bogini bu toabu po.

Esayi 15:4

Hesiboni niba leni Eleale niba kuudi ki mua Hali Yahatisi bi gba bi niali. Lani n teni ke Moabi toatieba kuudi boncianla Kelima bi jie ki luodi.

Mi Coadima 21:26

Kelima Hesiboni yeni n den tie Amola yaaba bado Sihoni docianmoanu. O den tieni bu toabu leni Moabi badikpialo ki den fie o diema kuli hali ki ban tuoni u kpenu Alinoni.

Mi Tiadima 3:12

Laa yogunu nne ke ti den diedi laa diema. N den puni Lubena buolu leni Gada buolu yo mi diema yeni ki cili Aloyeli, Alinoni kpenu leni Galaadi juali boagidima leni li dogi.

Josue 12:2

O badikpialo den tie Amola yaaba bado Sihoni, yua n den ye Hesiboni. O den die Alinoni tialu boagidima, ki cili Aloyeli dogu kani, leni Galaadi yaa diema boagidima, ki yaa caa hali Jaboki kpenu n den tie u banlu wani leni Amoni buolu yaaba siiga.

Josue 13:15

Musa den boagidi ki teni Lubena buolu yaaba bi yaa tinmu ki ŋoadi nani bi diedi n da maama.

Josue 13:17

Bi go den die Hesiboni leni u tialu nni yaa dogi kuli, lan tie Diboni, Bamoti-Baali, Beti-Baali-Meoni,

Josue 13:9

Niganu po bi diema biani den tie Aloyeli dogu yu n ye Alinoni jaali kani leni yaa dogu n ye laa joaloangu siiga. Bi den die Medeba tialu kuli ki yaa caa hali Diboni dogu,

Josue 14:3

Musa den boagidi ki teni i buoliedi leni boagidima bi yaa biinu Judana duoli po no. Ama waa den teni Lefi buolu yaaba wani biinu.

Josue 18:7

Lefi buolu yaaba kan baa yi siiga biinu, kelima bi yaa biinu tie ban yaa tuuni Li Miali Diedo po ki padi a pada. Gada buolu yaaba, Lubena buolu yaaba leni Manase buolu yaaba boagidima mo baa bi yaa biini Judana boanduoli no. Li Miali Diedo naacemo Musa wani oba n den boagidi ki teni ba.»

Bi Bujiaba 11:26

Dunla n tie bina kobitaa ke Isalele yaaba kaa Hesiboni leni Aloyeli leni yi gaanma leni yaa dogi n ye Alinoni balinma kuli. Be yaa po ke yii fie bikani laa diema laa bina kuli?

1 Samueli 30:28

leni Aloyeli yaaba po, leni Sifimota yaaba po,