Josue 13:13 - Gourmanchéma Bible

¹³ Ama Isalele yaaba ki den deli Gesuli yaaba leni Maaka yaaba. Bi baa ye Isalele yaaba siiga hali dinla.

U TIENU MAAMA TILI 2013

¹³ Ama Isidayeli yaaba ki den deli Gesuri leni Maaka yaaba. Bi baa ki ye Isidayeli yaaba siiga hali dinla.

Josue 13:13 ပူးပေါင်းရင်းမြစ်များ

Mi cilima 35:22

Hali ke Isalele n da den ka laa diema nni, Lubena den gedi ki duani leni Biliha o baa potuado. Isalele den gbadi laa laabaali. Jakobo bijaba den pundi piiga n bonba lie.

2 Samueli 10:6

Amoni buolu yaaba den laa bi yama nni ke bi fiini Dafidi pali, ki teni ke o nandi ba. Lani yaa po bi den taa Sili yaaba yaaba n ye Beti-Lehobi leni yaaba n ye Tisoba siiga taacenda tudapiilie (20 000), Maaka bado yaa kani minteela tudili, Tobi yaa niba yaa kani mo piiga n tudalie (12 000) ki baa pa ba i ligi.

2 Samueli 3:3

O lielo mo den yi Kileyabi, Nabali kpepuoli Abigayili, yua n den ñani Kalimeli dogu, n den mali yua. O taalo mo den yi Abisalomi. O naa den tie Gesuli bado Talimayi bisalo Maaka.

Mi Coadima 33:55

Ama yi yaa deli mi diema niba yi nintuali, yin baa ŋa bi siiga yaaba yeni baa yaa tie nani i konkoni yeni yi nuni nni, ki tie bonmuukaala yi loga nni. Bi baa yaa tie yi koanginkaaba yin baa kua ki kali yaa diema yeni niinni.

Mi Tiadima 3:14

Manase bijua Yayili n den taa Adigobi tinkundogi kuli, ki yaa caa hali Gesuli leni Maakati yaaba tinbianu. O go den teni o yeli Basana, ke bi di yi likani Yayili tinkundogi.

Josue 12:5

Wan den die yaa diema den tie Helimoni juali, leni Salika dogu, ki taani leni Basana diema kuli, ki ban dagini hali Gesuli yaaba leni Maakati yaaba diema u banlu. O go den die Galaadi diema boagidima ki ban dagini hali Hesiboni bado Sihoni banlu.

Josue 13:11

Bani Lubena buolu leni Gada buolu, leni Manase yaa buolu boagidima yeni go den die Galaadi yaaba diema, leni Gesuli leni Maaka yaa diema, leni Helimoni juali, ki taani leni Basana diema kuli ki ban dagini hali Salika dogu.

Josue 13:12

O bado Ogi den tie Lefayima buolu kuli siiga yua bebe n sieni. O den kali Asitaloti leni Edileyi yi n ye Basana diema nni ki diedi. O moko yaa diema den taa bi biinu nni. Musa den paadi laa diema batieba kuli ki deli ba.

Josue 13:14

Lefi buolu yaaba bebe n den tie yaaba n ki baa biinu. Bi yaa biinu den ña Isalele yaaba n den kpendinni yaa padijuukaana Li Miali Diedo bi Tienu po yaa niinni, nani wani U Tienu n den niani ba maama.

1 Samueli 27:8

Dafidi leni o toatieba den caa Gesuli yaaba leni Gisili yaaba leni Amaleki yaaba po ki baali ba bu toabu. Hali yogu laa niba den ye laa fuuli ki goa Suli dogu po, ki caa hali Ejipiti tinbianu.