Josue 12:5 - Gourmanchéma Bible

⁵ Wan den die yaa diema den tie Helimoni juali, leni Salika dogu, ki taani leni Basana diema kuli, ki ban dagini hali Gesuli yaaba leni Maakati yaaba diema u banlu. O go den die Galaadi diema boagidima ki ban dagini hali Hesiboni bado Sihoni banlu.

U TIENU MAAMA TILI 2013

⁵ Wan den die yaa diema den tie Hermon juali leni Salika dogu, ki taani leni Basan diema kuli, ki ban dagini hali Gesuri yaaba leni Maakati yaaba diema u banlu. O go den die Galaadi diema boagidima, ki ban dagini hali Hesibon bado Sihoni banlu.

Josue 12:5 ပူးပေါင်းရင်းမြစ်များ

2 Samueli 13:37

Abisalomi den sani ki gedi Amihudi bijua Talimayi, Gesuli diema bado po. O den tieni lipo bina taa. Dafidi den buudi o bijua po daali kuli.

2 Samueli 15:8

Kelima min den ye Sili diema Gesuli dogu nni, n den niani Li Miali Diedo li nianli ki yedi ke o yaa guani nni Jelusalema, n baa padi opo a pada.»

2 Samueli 23:34

leni Maaka yua yaa yaabili Elifeleti, Ahasibayi bijua, leni Gilo yua Ahitofeli bijua Eliami,

2 Samueli 3:3

O lielo mo den yi Kileyabi, Nabali kpepuoli Abigayili, yua n den ñani Kalimeli dogu, n den mali yua. O taalo mo den yi Abisalomi. O naa den tie Gesuli bado Talimayi bisalo Maaka.

2 Bi Badiba 25:23

Juda yaaba toagola yudanba, Netania bijua Isimayeli, leni Kalea bijua Yohanana, leni Tanehumeti bijua Selaya, yua n ñani Netofa leni Makala dogu yua yaa bijua Jasania leni bi toatieba kuli den gbadi ke Gedalia baa yaa tie Juda diema gufeneeli. Bi den gedi o kani Mitisipa dogu nni.

1 Bi Badiba Jama 5:11

Gada yaa puoliŋuani den kaa Lubena puoliŋuani nijienu po, ki cili Basana diema nni ki yaa caa hali Salika.

Jeremi 40:8

Laa toatieba yudanba leni bi niba den gedi ki ban laa Gedalia Mitisipa po. Bani n den tie bine: Netania bijua Isimayeli, Yohanana leni Jonatan, bani bonba lie kuli tie Kalea yaa bijaba, Tanehumeti bijua Selaya, Efayi bijaba Netofa yaaba leni Yaasania Maaka yua.

Mi Tiadima 3:14

Manase bijua Yayili n den taa Adigobi tinkundogi kuli, ki yaa caa hali Gesuli leni Maakati yaaba tinbianu. O go den teni o yeli Basana, ke bi di yi likani Yayili tinkundogi.

Josue 11:3

O go den soani yaa niba n tie na moko yaa kani: Kanana yaaba yaaba n ye Judana kpenu puoli leni u nintuali, leni Amola yaaba, Heta yaaba, Felesa yaaba leni Jebusa yaaba yaaba n ye a juana nni, leni Hefa yaaba yaaba n ye Helimoni juali balinma, Mitisipa diema nni.

Josue 12:1

Isalele yaaba den kpa cili ki paadi batieba lie Judana boanduoli, ki diedi bi diema yaama n den cili Alinoni kpenu, ki yaa caa hali Helimoni juali, ki taani leni yaa tialu n ye Judana puoli.

Josue 13:11

Bani Lubena buolu leni Gada buolu, leni Manase yaa buolu boagidima yeni go den die Galaadi yaaba diema, leni Gesuli leni Maaka yaa diema, leni Helimoni juali, ki taani leni Basana diema kuli ki ban dagini hali Salika dogu.

1 Samueli 27:8

Dafidi leni o toatieba den caa Gesuli yaaba leni Gisili yaaba leni Amaleki yaaba po ki baali ba bu toabu. Hali yogu laa niba den ye laa fuuli ki goa Suli dogu po, ki caa hali Ejipiti tinbianu.