Josue 11:15 - Gourmanchéma Bible

¹⁵ Musa den teni Josue Li Miali Diedo n den teni o yaa ñoabona. Josue den tieni a kuli kaa ŋa liba.

U TIENU MAAMA TILI 2013

¹⁵ Musa den teni Josue o Diedo n den teni o yaa ñoamabona. Josue den tieni akuli, kaa ŋaa liba.

Josue 11:15 ပူးပေါင်းရင်းမြစ်များ

2 Bi Badiba Jama 30:12

U Tienu nuu den ye leni ba Juda diema nni, ki puni ba yantiayenli ke ban tieni o bado leni o koanbala ñoabonli, nani wani Li Miali Diedo n den yedi maama.

Mi Coadima 33:50

Li Miali Diedo den maadi leni Musa Moabi tiali nni ki kuu leni Judana kpenu yu n tiegi leni Jeliko.

Mi Coadima 33:52

yi baa deli mi diema niba kuli yi nintuali ki bolini bi butana kuli, ki bolini ban duadi bi nannana yaa leni ti kudi kuli, ki go bolini bi juana po padibinbina kuli.

Matie 23:23

Fala baa ye leni yinba li bali maama bangikaaba leni Falisieninba pala lie danba, kelima yi coadi yaa kpinfaadi n yi menti leni aneti leni kumini ki ñandi li *dim, ama yi fali li *bali maama nni yaala n pia mayuli ki cie, lani n tie ki yaa tiendi yaala n tiegi, ki yaa gba mi niñima, ki yaa go tie nidugikaaba mo. Lani n tie yin bi pundi ki yaa tiendi yaala, ki nan da cedi yaala n sieni mo.

Luki 11:42

Fala baa ye leni yi, yinba Falisieninba, kelima yi coadi yaa kpinfaadi n yi menti leni lu, leni kpinfatoadi kuli, ki ñandi *dim. Ama yi ŋa mi *teginma leni U Tienu yaa buama. Li pundi yin yaa bi tiendi lani, ki nan da cedi yin maani ki tiendi yaala yeni mo.

Jesu Tondiba Tuona 20:20

Yi go bani ke min wangi yi o Laabaaliŋamo ki go bangi yi a sala nni leni yi diedi nni kuli, mii den wuoni yi yaala n baa ŋani yipo kuli.

Jesu Tondiba Tuona 20:27

kelima n waani yi U Tienu yanjagili kuli, mii wuoni liba.

Mi Tiadima 31:3

Li Miali Diedo yi Tienu wani oba n baa kua yi liiga ki bolini yaa nibuoli n ye yi nintuali kuli ki teni yin diedi laa nibuoli. Josue n baa kua yi liiga nani Li Miali Diedo n yedi maama.

Mi Tiadima 31:5

Li Miali Diedo baa taa ba ki teni yi, yin soani ba nani min den teni yi yaa *bali maama kuli n yedi yaala.

Mi Tiadima 31:7

Musa den yini Josue ki yedi o Isalele yaaba kuli nintuali: «Ŋan paagi a pali ki paagi a gbanu, kelima fini n baa yegi leni bi naa niba ki kua Li Miali Diedo n den poli leni yi baanba ke o baa pa ba yaa diema nni. Li go tie fini n baa teni ban diedi ma.

Mi Tiadima 4:2

Yin da pugini liba kuli min bili yipo yaa bali maama yeni kani, yin da wadi liba mo likani. Ama yi baa kubi Li Miali Diedo yi Tienu bali maama nani min teni yi ma maama.

Mi Tiadima 4:5

Diidi mani, n den bangi yi mi mabilikaama leni a ñoabona, nani Li Miali Diedo n Tienu n den puogi nni maama, ke yin yaa kubi ki go tiendi likuli bonŋanla, yin baa kua ki diedi yaa diema yeni niinni.

Mi Tiadima 7:2

Li Miali Diedo yi Tienu yaa teni yi laa nibuoli ke yi pua ki paadi yi yaa yogunu, yin da kuani ŋantaadoba leni ba ki nan da gbadi bipo niñima mo.

Josue 1:7

Ŋan paagi aba ki paagi a pali bebe, ki tuo ki yaa ŋua n naacemo Musa n den waani a yaa *balimaama. Ŋan da jadi ki ŋa ma baa waamu. Lanwani ŋan fii ki baa tieni yaala kuli, li baa cuoni apo bonŋanla.

Josue 11:12

Josue den paadi bi batieba yaaba n den taani yeni kuli, ki fie bi dogi. O den kpa ba leni bi dogi niba kuli nani Li Miali Diedo naacemo Musa n den bili maama.

Josue 11:14

Isalele yaaba den taa bi yula po i dogi yeni bonpiakaala leni i yandi ke li tua ti fagidi. Ama bi den kpa bi niba wani kuli, baa den ŋa yaala n pia miali kuli lienni.

Josue 11:16

Josue den paadi mi diema kuli, lan tie li juali nni yaa diema, niganu po yaa yaama, Gosena yaama, u tialu nni yaama, u kpenciamu Judana balinma, leni jienu po yaa juana leni laa tiali.

1 Samueli 15:11

«N lebidi, mii go bua ke n bi dini Sayula li bali, kelima o lebidi kaa go ŋua nni, waa tieni min puogi o yaala.» Samueli pali den fii. O den mua ki miadi Li Miali Diedo laa ñiagu kuli.