Josue 10:41 - Gourmanchéma Bible

⁴¹ Josue den paadi bi batieba yeni kuli ki ña Kadesa-Balineya ki yaa caa hali Gasa. O den paadi Gosena diema kuli ki yaa caa hali Gabaono.

U TIENU MAAMA TILI 2013

⁴¹ Josue den paadi bi badiba yeni kuli, ki ña Kadesi-Barneya, ki yaa caa hali Gasa. O den paadi Gosen diema kuli, ki yaa caa hali Gabaon.

Josue 10:41 ပူးပေါင်းရင်းမြစ်များ

Mi cilima 10:19

Kanana yaaba yaa diema yaa tinbianu den cili Sidoni, Gelada kalu po ki yaa caa hali Gasa ki go ban taa Tiseboyima, *Gomola, ki pundi Lesa yaa kunu.

1 Bi Badiba 3:5

Gabaono yene, ke Li Miali Diedo den doagidi Salomono kani ti dangidi nni ku ñiagu ki yedi o: «Mia nni ŋan bua min pa ŋa yaala.»

Sakari 9:5

Asikaloni dogu yaaba baa le lani, Gasa yaaba moko baa digibi boncianla, Ekiloni yaaba moko baa soani yene, Kelima ban bi jigini yaala cie bi jigi. Gasa dogu baa luo bado, Asikaloni dogu mo baa luo niba.

Mi Coadima 13:26

Bi den lebidi ki guani Musa, Alono leni Isalele yaaba kuli nitaanli Kadesa dogu kani, Padana fanpienma nni. Bi den togidi bikuli ban ban laa yaala, ki go waani mi diema yeni bonluonkaala.

Mi Coadima 32:8

Yi yaajanba den tieni yene, min den soani ba Kadesa-Balineya ke bi ban goandi mi diema.

Mi Coadima 34:4

Yi tinbianu baa pegidi ganu po ki kandi Akilabima ki tagini Tisini po ki ban tuoni Kadesa balinma. U baa tagini Hatisali-Adali po ki ŋoadi Atisimoni.

Jesu Tondiba Tuona 8:26

O Diedo maleki den maadi leni Filipi ki yedi o: «Fii ki gedi ganu po, ki pundi yaa sanu n ñani Jelusalema ki caa Gasa dogu po, ki ŋoadi yaa sanu n poandi mi fanpienma nni yeni.»

Mi Tiadima 1:19

Ti den ñani Holebi ki poandi yin den laa mi fanpienma yaama n yaba ki go foagi yeni niinni kuli. Ti den taa yaa sanu n caa Amola yaaba juali po nani Li Miali Diedo ti Tienu n den bili tipo maama, ke ti den ban pundi Kadesa-Balineya.

Mi Tiadima 2:23

Kafitodi yaaba, yaaba n den ñani Kafitodi diema n den bolini Afi yaaba, bani yaaba n den ye i tinkundogi ki taa ki ti pundi hali Gasa dogu ki mo kali bi yaa kaanu.

Mi Tiadima 9:23

Li Miali Diedo n den soani ke yi ñani Kadesa-Balineya, o den yedi: ‹Gedi mani ki kua min puni yi yaa diema yeni niinni ki diedi ma.› Yi go den yie Li Miali Diedo yi Tienu ñoabonli. Yii den dugi opo. Yii den cengi o yedima.

Josue 10:12

Li Miali Diedo n den taa Amola yaaba ki teni Isalele yaaba nuu nni yaa daali, Josue den mia o Isalele yaaba kuli nintuali ki yedi: «Fini u yienu, ŋan sedi Gabaono yuli po, Fini o ŋmaalo, amo n sedi Ayalona joaloangu yuli po.»

Josue 10:2

Lane o den jie boncianla kelima Gabaono den tie dociamu ki pia ti kpiagidi nani bi badiba n kaa yaa dogi nni yeni, ki yaba ki cie baa Ayi yaa dogu, u jaba kuli mo den tie jakoanda.

Josue 11:16

Josue den paadi mi diema kuli, lan tie li juali nni yaa diema, niganu po yaa yaama, Gosena yaama, u tialu nni yaama, u kpenciamu Judana balinma, leni jienu po yaa juana leni laa tiali.

Josue 11:22

Anaka buolu yaaba baa yendo ki den sieni Isalele yaaba diema nni. Bi den sieni Gasa leni Gati leni Asidodi yaa dogi nni bebe.

Josue 15:51

Gosena, Holono, leni Gilo. Likuli taani ki tie piiga n doyendu leni i tinkundogi.

Bi Bujiaba 16:1

Samisona den gedi Filisiti yaaba dogu Gasa. O den laa li poconconli likani ki kua o kani.

Bi Bujiaba 16:21

Filisiti yaaba den cuo o ki fiadi o nuni. Bi den gedini o Gasa dogu, ki loli o leni ti kumoandi kuseseli ki teni ke o naani li naali li kpaadidieli nni.

1 Samueli 6:17

Filisiti yaaba n den puni Li Miali Diedo yaa wula sinakpin-nannana ki mia bi tuonbiadi sugili n tie ane: sinakpin-nannanyenli den tie Asidodi dogu yaaba po, yenli Gasa dogu yaaba po, yenli Asikaloni dogu yaaba po, yenli Gati dogu yaaba po, yenli mo Ekiloni yaaba yaa po.