Josue 10:20 - Gourmanchéma Bible

²⁰ Josue leni Isalele yaaba den paadi Amola yaaba cain. Nitianba bebe den sani ki cia ki ban kua i bilinciami n lindi ki cebini yaa dogi nni.

U TIENU MAAMA TILI 2013

²⁰ Josue leni Isidayeli yaaba den paadi Amori yaaba cain. Nitianba bebe n den sani ki cia ki ban kua i bilinciami n lindi ki cebini yaa dogi nni.

Josue 10:20 ပူးပေါင်းရင်းမြစ်များ

2 Samueli 20:6

Lanwani Dafidi den yedi Abisayi: «Moala Bikili bijua Seba baa biagi tipo ki cie Abisalomi. Ŋan taa n yaa minteela ki ŋoadi o ke wan da ti ban baa wan kua ki wuoni yaa dopaali nni ki bodi ti.»

1 Bi Badiba 20:21

Isalele diema bado den ñani ki pua ki ku i taami, ki biidibiidi ti toateliti ki paadi Sili toatieba cain.

2 Bi Badiba Jama 13:17

Abiya leni o toagoli den paadi ba ki den ku jakoanda tudakobimuu (500 000) Isalele diema yaaba siiga.

Jeremi 4:5

Pa mani o naa laabaalo Juda diema nni Ki waani Jelusalema mo ki yedi: ‹Piebi mani li naatuntunli mi diema nni.› Kpaani mani boncianla ki yedi: ‹Taani mani tin gedi ti dopaali po!›

Jeremi 8:14

Bi tua: «Be yaa po yo ke ti nan baa ki kaa? Taani taani mani Tin gedi mani i dopaali nni, Ki ban kpe, Kelima Li Miali Diedo ti Tienu teni ke ti baa kpe, O teni ke ti ñuni yaa ñima n pia ti loabidi, Kelima ti tieni opo ti *tuonbiadi.

Mi Tiadima 20:16

Ama Li Miali Diedo yi Tienu n puni yin diedi yaa nibuoli yaa diema yeni, yi kan ŋa yaala n fo kuli leni miali.

Josue 10:10

Li Miali Diedo den teni ke Amola yaaba jie ki lebidi ki sani ke Isalele yaaba ŋoadi ki deli ba. Isalele yaaba den paadi ba cain ki kuu Gabaono kani. Bi den ŋoadi ki deli ba ke bi tagi yaa sanu n cuubi Beti-Holoni, ki kpaani ba ki ban pundi hali Aseka leni Makeda dogi nni.

Josue 10:19

Yin da sedi ki waagi likani, yin sani ki ŋoadi yi yibalinba ki kpedi ki jia ba ki da tuo ban kua bi dogi nni, kelima Li Miali Diedo yi Tienu taa ba ki teni yi nuu nni.»

Josue 10:21

Li yaa puoli Isalele yaaba kuli den guani Makeda bi nagili nni Josue kani leni laafia. Mi diema nni oba kuli ki go den tuo ki maadi bipo yaala n bia.

Josue 11:12

Josue den paadi bi batieba yaaba n den taani yeni kuli, ki fie bi dogi. O den kpa ba leni bi dogi niba kuli nani Li Miali Diedo naacemo Musa n den bili maama.

Josue 11:8

Li Miali Diedo den taa ba ki teni Isalele yaaba nuu nni. Bi den paadi ba ki ŋoadi ki deli ba ki gedi hali u dociamu Sidoni leni Misidefoti-Mayima, nijienu po. Puoli po mo bi den ŋoadi ki deli ba ki pundi hali Mitisipa joaloangu nni. Bi den kpa bikuli baa ŋa baa niyendo leni miali.

Josue 8:24

Isalele yaaba den kpa bi yibalinba ban den ŋoadi ki deli ba ki kua yaa fanpienma nni. Li yaa puoli Isalele yaaba den lebidi ki guani Ayi nni ki kpa yaaba n sieni lienni kuli.