Josue 1:9 - Gourmanchéma Bible

⁹ Ŋan da sundi ke n teni a yaa ñoabonli n tie na: Ŋan paagi aba ki paagi a pali. Ŋan da jie liba kuli, ŋan da cedi liba n wudi a gbanu, kelima mini Li Miali Diedo a Tienu ye leni a ŋan fii ki baa tieni yaala kuli nni.»

U TIENU MAAMA TILI 2013

⁹ Mini ka li teni a yaa ñoamabonli n tie ne te: ‹Cuo ki sieni a gbanu, ki paagi a pali. Da cedi liba n wudi a gbanu, ki da jie liba kuli mo! Mini o Diedo a Tienu ye leni a ŋan fii ki baa tieni yaala kuli nni.› »

Josue 1:9 ပူးပေါင်းရင်းမြစ်များ

Mi cilima 28:15

Diidi n ye leni a, n baa ŋua ŋa ŋan caa naani kuli ki guani a mi naa diema nni kelima n kan ŋa ŋa baa waamu hali min baa tieni apo min yedi a yaala kuli ki gbeni yaa yogunu.»

Mi cilima 39:2

Li Miali Diedo den ye leni Josefi ke li bonla kuli den cuoni opo bonŋanla o canbaa Ejipiti yua diegu nni.

Mi cilima 39:3

O canbaa den laa ke Li Miali Diedo den ye leni o ke Li Miali Diedo den teni ke Josefi n moandi ki tiendi yaala kuli cuoni bonŋanla.

2 Samueli 13:28

Abisalomi den teni o naacenba li ñoabonli ki yedi: «Yin yaa kpaagi Aminoni. Mi daama yaa cuo o ke n yedi: ‹Pua mani Aminoni›, yin kpa o. Yin da jie, mini n puogi yi. Yin paagi yi pala ki koani mi jama.»

1 Bi Badiba Jama 28:20

Dafidi go den yedi o bijua Salomono: «Paagi aba ki cuo ki sieni a gbanu ki soani! Ŋan da jie, ŋan da digibi, kelima Li Miali Diedo n Tienu baa ye leni a. O kan foagidi leni a, o kan ŋa ŋa hali Li Miali Diedo diegu tuonli kuli n soani ki gbeni.

2 Bi Badiba Jama 15:7

Ama yinba, yin paagi mani yiba, ki da cedi yi gbani n wudi kelima yi baa baa i panpaani yi tuonli po.»

Pisomi 46:7

I nibuoli fu, mi diema boncianla paalu ñuani, O kpedi o nialu, ki tinga wudi ki baa.

Esayi 41:10

Ŋan da jie Kelima n ye leni a. Ŋan da nua leni yanbani Kelima n tie a Tienu. N baa pugidi a fidu N baa cua ki todi a N kubi a leni n nijienu yu paani li bonla kuli.

Esayi 43:1

Li Miali Diedo yua n tagi Isalele yaaba, wani yua n tieni bani Jakobo puoliŋuani yeni yedi yaa maama n tie na: «Da jie mani liba Kelima n da ki faabi yi. N den taa yi yela ki yini yi. Yi tie min die yaaba.

Esayi 43:5

Da jie mani liba N ye leni yi. N baa ñani puoli po yi puoliŋuani ki guani yi, N baa yini nintuali po ki taani yi.

Esayi 8:12

Bi naa niba yaa yini yaala janbi kuli Yin da yini la janbi. Yin da jie ban jie yaala, Yin da jie la baa waamu.

Danieli 10:19

O den yedi nni: «N Tienu buado, da jie liba, duani a yama. Goa ki paagi a pali ki paagi aba.» Wan den maadi leni nni yeni, n go den goa ki baa u fidu ki yedi o: «N daano, maadi, kelima a goa ki paagi nni.»

Age Tili 2:4

Li tie lani yaa po ke mini, U Tienu yedi Solobabeli leni Yehotisadaka bijua bi kopadicianba bado Josue leni yaa niba n sieni kuli ke ban paagi bi pala. Li Miali Diedo n yedi: ‹Fii mani ki cili ki yaa tuuni, Kelima n baa yaa ye leni yi, Li Miali Diedo U Paaciamu Kuli Daano n yedi yeni.

Age Tili 2:5

Yin den ñani Ejipiti, N den niani yi ke n baa yaa ye leni yi yogunu kuli. Lanwani, n ye yi siiga, yin da jie liba kuli.

Jesu Tondiba Tuona 4:19

Pieli leni Jan den goa ki yedi ba: «Biigi mani ki le li yaa tiegi U Tienu po ke tin tuo yi yaa maama ki cedi wani U Tienu yaama.

Mi Tiadima 1:21

Diidi mani, Li Miali Diedo yi Tienu bili mi diema yeni yi nintuali. Gedi mani ki ban diedi ma nani Li Miali Diedo yi yaajanba Tienu n den yedi maama. Yin da jie mani, yi gbani mo n da jeli mani.›

Mi Tiadima 20:1

Yi yaa ñani ki baa tuogi yi yibalinba bu toabu, ke yi laa ke bi pia ti toateliti, i taami leni yaa niba n yaba ki cie yi, yin da jie ba mani, kelima Li Miali Diedo yi Tienu yua n den ñani yi Ejipiti diema nni yeni ye leni yi.

Mi Tiadima 31:23

Li Miali Diedo den teni o ñoabona Nuni bijua Josue ki yedi o: «Paagi a gbanu ki paagi a pali, kelima fini n baa teni Isalele yaaba n kua min poli ke n baa pa ba yaa diema yaa niinni. Mini nba n baa yaa ye leni a.»

Mi Tiadima 31:28

Taani mani n nintuali yi buoli nikpela kuli, leni yi toatieba yudanba kuli. N baa maadi laa maama ban gbadi ma, ke tanpoli leni ki tinga n tua siedinba mini leni bani siiga.

Josue 1:10

Josue den puogi Isalele yaaba yudanba

Josue 1:17

Ti baa tuo ki yaa ŋua a maama kuli nani tin den tuo ki ŋua Musa yaa maama maama. Li Miali Diedo a Tienu n yaa ye leni a nani wan den ye leni Musa maama be.

Josue 1:18

Yua n yie a ñoabonbilikaali kaa tuo ki tieni ŋan yedi o yaala kuli, bi baa kpa o. Ŋan paagi aba ki paagi a pali bebe.»

Josue 10:25

Josue den yedi ba: «Yin da jie mani, yin da teni lan wudi yi. Yin paagi yiba ki paagi yi pala. Li Miali Diedo baa soani yi yibalinba yaaba n baa tuogi leni yi kuli yene.»

Josue 10:8

Li Miali Diedo den yedi Josue: «Ŋan da jie ba, kelima n teni ba a nuu nni, bi siiga nni baa niyendo kan fidi ki sedi ki pani a.»

Josue 3:7

Li Miali Diedo den yedi Josue: «Dinla n baa cili ki kpiagi a Isalele yaaba kuli n le ki bandi ke n ye leni a nani min den ye leni Musa maama.

Josue 6:27

U Tienu den ye leni Josue. O yeli den kpedi ki ñani mi diema nni kuli.

Josue 8:1

Li Miali Diedo den yedi Josue: «Ŋan da jie, da teni lan wudi a gbanu. Ŋan taa bi toatieba kuli yin gedi ki ban baa Ayi dogu. Diidi, n baa teni a Ayi bado leni o diema kuli a nuu nni.

Bi Bujiaba 6:14

Li Miali Diedo den gbegi ki diidi o ki yedi o: «Ŋan fii ki gedi leni ŋan pia yaa fidu ki ban faabi Isalele yaaba Madiana yaaba nuu nni. Mini ka soani a?»

1 Samueli 10:7

Laa sinankeeninba kuli yaa tieni ki gbeni, ŋan tieni ŋan sua ke li pundi ŋan tieni yaala kelima U Tienu ye leni a.