Josue 1:6 - Gourmanchéma Bible

⁶ Paagi aba, paagi a pali, kelima fini n baa gobidi yaa nibuolu n tie na ban kua ki diedi min den niani bi yaajanba ke n baa pa ba yaa diema.

U TIENU MAAMA TILI 2013

⁶ Paagi a baa, paagi a pali, kelima fini n baa gobidi yaa nibuolu n tie ne, ban kua ki diedi min den poli ki niani bi yaajanba ke n baa pa ba yaa diema.

Josue 1:6 ပူးပေါင်းရင်းမြစ်များ

Mi cilima 12:7

Li Miali Diedo den doagidi Abalama kani ki yedi o: «N baa pa a yaa yaabila mi naa diema.» Lane Abalama den maa li *padibinbinli Li Miali Diedo po, wani yua n den doagidi opo yeni.

Mi cilima 26:3

Ŋan yaa ka mi naa diema nni n baa ye leni a, ki seligi a kelima n baa pa ŋa yaa diema n tie na kuli fini leni a yaa yaabila po. N baa kubi min den poli yaa poli a baa Abalahama po.

2 Samueli 10:12

Ŋan paagi aba. Tin moa leni mi jama ti niba po, leni ti Tienu dogi po. Li Miali Diedo mo n tieni yaala n dagidi opo.»

1 Bi Badiba 2:2

«N baa guani bi dankpeliba po. Ŋan paagi aba ki tua ja.

1 Bi Badiba Jama 22:13

Lanwani ŋan tieni yaala kuli baa cuoni apo bonŋanla li yaa tie ke a kubi ki go tiendi Li Miali Diedo n den puogi Musa wan teni Isalele yaaba yaa balimaama leni yaa ñoabonbilikaana kuli. Paagi aba, ki cuo ki sieni a gbanu, ki da jie ki da digibi mo.

1 Bi Badiba Jama 28:10

Ŋan faami ke moala Li Miali Diedo gandi a ŋan maa yaa diegu n baa tie o *kaangagidiŋamu. Lanwani paagi aba ki soani!»

1 Bi Badiba Jama 28:20

Dafidi go den yedi o bijua Salomono: «Paagi aba ki cuo ki sieni a gbanu ki soani! Ŋan da jie, ŋan da digibi, kelima Li Miali Diedo n Tienu baa ye leni a. O kan foagidi leni a, o kan ŋa ŋa hali Li Miali Diedo diegu tuonli kuli n soani ki gbeni.

2 Bi Badiba Jama 15:7

Ama yinba, yin paagi mani yiba, ki da cedi yi gbani n wudi kelima yi baa baa i panpaani yi tuonli po.»

2 Bi Badiba Jama 20:11

Moala bi pani ti ti ŋanma ki cua ki baa deli ki ñani ti ŋan den puni ti yaa tinga nni.

2 Bi Badiba Jama 20:7

Ti Tienu, fini ka den deli yaa diema n tie ne niba, a niba Isalele yaaba nintuali? Lani a den taa laa diema ki den puni ma a danli Abalahama puoliŋuani.

Pisomi 27:14

Dugi Li Miali Diedo po! Paagi aba, ki paagi a pali! Dugi Li Miali Diedo po!

Danieli 10:19

O den yedi nni: «N Tienu buado, da jie liba, duani a yama. Goa ki paagi a pali ki paagi aba.» Wan den maadi leni nni yeni, n go den goa ki baa u fidu ki yedi o: «N daano, maadi, kelima a goa ki paagi nni.»

Age Tili 2:4

Li tie lani yaa po ke mini, U Tienu yedi Solobabeli leni Yehotisadaka bijua bi kopadicianba bado Josue leni yaa niba n sieni kuli ke ban paagi bi pala. Li Miali Diedo n yedi: ‹Fii mani ki cili ki yaa tuuni, Kelima n baa yaa ye leni yi, Li Miali Diedo U Paaciamu Kuli Daano n yedi yeni.

Sakari 8:9

Li Miali Diedo, U Paaciamu Kuli Daano yedi yaa maama n tie na: «Paagi mani yi pala, Yinba, yaaba n gba u naa yogunu, N sawalipuaba n den waani yaa ñoaniani, Yaa yogunu ke bi den pu li tanpuuli, Ki baa goa ki maa n diegu.

Mi Coadima 26:53

«Ŋan boagidi mi diema ki teni buolu kuli u yaa biinu, nani u niba n de maama.

Mi Coadima 33:53

Yi baa diedi mi diema ki kali mi niinni, kelima n puni yi mi diema yeni ke yin diedi ma.

1 Korenti 16:13

Yin yaa gu mani, ki yaa se ke li pa li *dandanli nni, tua mani jaba, paagi mani yiba.

Efesa 6:10

N majuodikaama n tie na: Yin yaa baadi mani yi fidu o Diedo kani leni o paaciamu yu n cie li bonla kuli nni.

Mi Tiadima 1:21

Diidi mani, Li Miali Diedo yi Tienu bili mi diema yeni yi nintuali. Gedi mani ki ban diedi ma nani Li Miali Diedo yi yaajanba Tienu n den yedi maama. Yin da jie mani, yi gbani mo n da jeli mani.›

Mi Tiadima 1:8

Diidi mani, n bili mi diema yi nintuali. Gedi mani ki taa Li Miali Diedo n den poli ke o baa pa yi yaajanba Abalahama, Isaaka Jakobo leni bi yaa puoliŋuani bi puoli po yaa diema yeni.›

Mi Tiadima 11:8

Lanwani yi baa yaa kubi min teni yi yaa bali maama kuli dinla, ke yin yaa pia u fidu ki diedi yin baa kua yaa diema nni ki diedi ma yeni.

Mi Tiadima 31:23

Li Miali Diedo den teni o ñoabona Nuni bijua Josue ki yedi o: «Paagi a gbanu ki paagi a pali, kelima fini n baa teni Isalele yaaba n kua min poli ke n baa pa ba yaa diema yaa niinni. Mini nba n baa yaa ye leni a.»

2 Timote 2:1

Lanwani fini n biga, yaa paagidi a pali yaa *ŋanbili n ye Jesu Kilisiti nni niinni.

Josue 1:18

Yua n yie a ñoabonbilikaali kaa tuo ki tieni ŋan yedi o yaala kuli, bi baa kpa o. Ŋan paagi aba ki paagi a pali bebe.»

Josue 1:7

Ŋan paagi aba ki paagi a pali bebe, ki tuo ki yaa ŋua n naacemo Musa n den waani a yaa *balimaama. Ŋan da jadi ki ŋa ma baa waamu. Lanwani ŋan fii ki baa tieni yaala kuli, li baa cuoni apo bonŋanla.

Josue 1:9

Ŋan da sundi ke n teni a yaa ñoabonli n tie na: Ŋan paagi aba ki paagi a pali. Ŋan da jie liba kuli, ŋan da cedi liba n wudi a gbanu, kelima mini Li Miali Diedo a Tienu ye leni a ŋan fii ki baa tieni yaala kuli nni.»

Josue 10:25

Josue den yedi ba: «Yin da jie mani, yin da teni lan wudi yi. Yin paagi yiba ki paagi yi pala. Li Miali Diedo baa soani yi yibalinba yaaba n baa tuogi leni yi kuli yene.»

Josue 13:6

A go baa paadi li juali nni niba kuli bani Sidoni yaaba, ki cili Libani, ki yaa caa hali Misidefoti-Mayima. N baa deli ba Isalele yaaba po. Ŋan toa tiatia ki boagidiboagidi Isalele yaaba laa diema kuli, nani min waani a maama.

Josue 18:3

Lanwani Josue den yedi ba: «Yi baa guudi hali u laa yogunu ki diedi Li Miali Diedo yi baanba Tienu n puni yi yaa diema?

Josue 21:43

Li Miali Diedo den teni Isalele yaaba wan den niani ke o baa pa bi yaajanba yaa diema kukuli. Bi den diedi ma ki kali mi niinni.

Josue 5:6

Kelima Isalele yaaba den cuoni mi fanpienma nni bina piinaa hali ke yaa jaba n den ñani Ejipiti nni ki pundi ki gedi toabu ki naa cengi ki tuo Li Miali Diedo maama kuli den kpe. U Tienu den poli ki yie bipo ki waani ba ke o kan teni ban le wan den poli ki niani ke o baa pa bi yaajanba yaa diema, mi naaŋanma leni ti siadi n dua yaa diema nni yeni.

1 Samueli 4:9

Tin paagi mani ti pala, Filisiti yaaba, tin koani mani mi jama, ke tin da ti tua Ebilu yaaba yonbi nani ban den tua ti yaa yonbi maama. Tin paagi mani ti pala ki koani mi jama.»