Jonasi 4:9 - Gourmanchéma Bible

⁹ U Tienu den yedi Jonasa: «Ŋan bieni a pali ku tungu po yeni a sua ke li ŋani bi?» Jonasa den goa ki yedi: «N pia moamoani ki bieni n pali hali ki mia mi kuuma.»

U TIENU MAAMA TILI 2013

⁹ U Tienu den yedi Jonasi: «Ŋan bieni a pali ku tungu po yeni, a sua ke li ŋani bi?» Jonasi den guani ki yedi: «N pia moamoani ki bieni n pali, hali ki mia mi kuuma.»

Jonasi 4:9 ပူးပေါင်းရင်းမြစ်များ

1 Bi Badiba 21:4

Lani Akabi den goa ki kua o diegu nni ke o pali biidi ki go fii mo leni Jisileeli yua Naboti n den yedi o: «N kan teni a n baanba n ŋa nni leni yaa faali.» Akabi den duani o duanu po ki buli o nunga ki yie ke o kan je.

Jobi 18:4

Fini yua n coagini a yuli a pabienli nni, Naani li dagidi ki tinga n da go pia niba kelima fini yaa po? Naani li dagidi fini yaa po ke a juana n ŋmiagi a kaanu?

Jobi 36:18

Li pabienli n da teni ŋan tudi. Li suuli yabinu n da teni ŋan jadi.

Jobi 5:2

Li mutuoli n baa kpa o yanpiidaano, Li nunponli mo n baa je o yanluodaano.

Jonasi 4:1

Laa bonla den biidi Jonasa pali hali boncianla. O pali den beni,

Jonasi 4:10

Li Miali Diedo den yedi o: «Ŋaa soani tuonliba kuli ku tungu yeni po. Fini ka teni ke ku pudi. Ku pudi ki kpedi ñayengu, ki go bodi ñayengu. Ama baa yeni mi niñima cuo ŋa ku po.

Jonasi 4:8

U yienu n den pudi ki doagidi, U Tienu go den teni ke mi fawatonma ñani puoli ki figi. U yienu den puli Jonasa yuli hali ke o bua ki pabi. O den mia mi kuuma ki yedi: «N kuuma n cie npo n yema.»

Matie 26:38

O den yedi ba: «Li paboanli cuo nni hali ke li naani ke n baa kpe yeni. Sedi mani ne ki yaa ji leni nni.»

2 Korenti 7:10

Yeni de, U Tienu n bua yaa pabiidili buolu yeni baa cuani yaa yanlebidima n kpendinni mi *tindima, ki kan teni wan di fa ki mua lipo. Ama ŋanduna yaa pabiidili baa cuani mi kuuma.

Mi Doagidima 9:6

A dana yeni niinni bi niba baa lingi mi kuuma ki nan kan le ma, bi baa bua ki kpe, ama mi kuuma baa sani ki foagidi leni ba.

Bi Bujiaba 16:16

O den tigini o ki buali o daali kuli, ki miabi o boncianla hali ke o ban coagi ki gbali li juunli.