Jonasi 4:8 - Gourmanchéma Bible

⁸ U yienu n den pudi ki doagidi, U Tienu go den teni ke mi fawatonma ñani puoli ki figi. U yienu den puli Jonasa yuli hali ke o bua ki pabi. O den mia mi kuuma ki yedi: «N kuuma n cie npo n yema.»

U TIENU MAAMA TILI 2013

⁸ U yienu n den pudi ki doagidi, U Tienu go den teni ke mi fawaatonma ñani puoli ki figi. U yienu den puli Jonasi yuli hali ke o bua ki pabi. O den mia mi kuuma, ki yedi: «N kuuma n cie n po n yema.»

Jonasi 4:8 ပူးပေါင်းရင်းမြစ်များ

Mi cilima 41:6

O den laa disiandi lele ke ti gbengi ki go ŋani ki se kankagiyenli po. Li yaa puoli po o go den laa disianmu lele ke mu jugi ke puoli faalu fifigi ke mu kuodi.

1 Bi Badiba 19:4

Ama wani oba den kua mi fanpienma nni ki go ban cuoni damunli cenli, ki ban kali gene tinga ki mia mi kuuma ki yedi: «Li dagidi, Li Miali Diedo. Ŋan taa n miali moala kelima mii cie n baanba.»

1 Bi Badiba 21:4

Lani Akabi den goa ki kua o diegu nni ke o pali biidi ki go fii mo leni Jisileeli yua Naboti n den yedi o: «N kan teni a n baanba n ŋa nni leni yaa faali.» Akabi den duani o duanu po ki buli o nunga ki yie ke o kan je.

Jobi 2:10

Ama Joba den goa ki yedi o: «A maadi nani yaa pua n ki pia mi yama yene! Be! Ti baa yaa gaani U Tienu kani yaala n ŋani, Ki nan kan ga yaala n bia wani?» Baa laa bonla kuli yaa niinni, Joba naa den tieni ti*tuonbiadi o maama nni.

Jobi 7:15

A yaa bi soadi nni, li baa tu npo ki cie. N yaa kpe li tunni npo min dondi ki tie kpaba maama nne.

Pisomi 121:6

U yienu kan nandi a u yensiinu Ki buali o ŋmaalo ku ñiagu.

Pisomi 39:9

Faabi nni leni n biadima kuli. Da tuo o yanluodaano n yaa fiagidi nni.

O Yanfuodaano 7:9

Ŋan da jaligi ki fiini a pali, kelima bi yanluodanba n fiindi bi pala tontoni.

I Yani 1:6

Yin da diidi nni kelima n boanu po ka Li tie u yienu n boandi nni. N naataanje pala den fii npo Ke bi den teni ke n guu duven tiidi kuani. Ama mini nba yaa duven tikuanu, mii den guudi u.

Esayi 49:10

Koma kan go cuo ba, Ñunñuunu kan go cuo ba mo. Mi dandanñima leni u yienu kan go duoli ba Kelima yua n gba bipo mi niñima n baa gobidi ba. O baa yaa cangi ba a ñinbuna kani.

Esekieli 19:12

Ama bi den ŋabi bu leni li pabienli Ki luni bu tiipo. Yaa faalu n ña puoli den teni ke bu bonluonkaala kuodi. Bu beni yi n den pia u fidu yeni den padi ki baa ki kuodi. Mi fantama mo den buoni i.

Ose Tili 13:15

Efilayima buolu yaaba n loni ki pugini Bi piama bi kpiiba siiga maama kuli, Bi yibalinba baa cua nani puoli faalu yeni, Li Miali Diedo n fiini yaa faalu ke u ñani mi fanpienma po. U baa teni bi ñinsani n tabi, Bi ñinbuna mo n kuodi. Bi baa fie yaala n tie bonmoanla kuli bi ŋalimano nni.

Levi 10:3

Musa den yedi Alono: «U Tienu Li Miali Diedo den tuodi ki kadi ki waani yi lane wan den yedi: ‹N bua ke yaa niba n nagidi nni n yaa fangi n gagidiŋanma, ki kpiagi nni bi niba kuli nintuali.› » Alono den ŋmini suo.

Jonasi 1:4

Ama Li Miali Diedo den teni ke ku fabiadigu fii mi ñincianma nni. Ku tafaaciangu den lengidi mi ñincianma hali ke ku ñinbiaciangu yeni den bua ki mudi.

Jonasi 4:3

Moala Li Miali Diedo, taa n miali kelima n kuuma cie npo n yema.»

Jonasi 4:9

U Tienu den yedi Jonasa: «Ŋan bieni a pali ku tungu po yeni a sua ke li ŋani bi?» Jonasa den goa ki yedi: «N pia moamoani ki bieni n pali hali ki mia mi kuuma.»

Matie 20:12

ki tua: ‹Yaaba n yuandi ki kua, soani u yogunu waamu bebe, ke a nan taani ki pani bani leni tinba kuli yenma, tinba yaaba n tundi ki tuuni ki yenbiadiga nni ki laadi fala.›

Mi Doagidima 3:19

Mini, n fu ki go tundi min bua yaaba leni tundifala. Lanwani ŋan go baa li yankuali ki pugini, ki lebidi a yama.

Mi Doagidima 7:16

Mi koma leni u ñunñuunu kan go cuo ba hali abada, u yienu kan go pua ba, ku tontongu mo kan go yaa ye bipo.

1 Samueli 3:18

Lanwani Samueli den togidi o likuli kaa wuoni baa liba kuli. Eli den yedi: «O tie Li Miali Diedo wan tieni yaala n dagidi opo.»