Joeli 3:5 - Gourmanchéma Bible

⁵ Ama yua n jaandi ki mia Li Miali Diedo Yaa yeli nni kuli, baa faabi. Nani Li Miali Diedo n yedi maama: Bi nitianba Jelusalema niinni baa ciadi, Min gandi yaaba baa cia. Kelima Siyono leni Jelusalema po kuli, Ki nitianga baa sieni. Li Miali Diedo n yini yaaba mo Baa ye yaaba n cia siiga.

U TIENU MAAMA TILI 2013

⁵ Ama yua n baa mia o Diedo Yeli nni kuli, baa faabi. Nani o Diedo n yedi maama: Jerusalemi niinni bi nitianba baa ciadi, Min gandi yaaba baa cia. Kelima Siyon leni Jerusalemi po kuli, Ki nitianga baa sieni. O Diedo n yini yaaba mo Baa yaa ye yaaba n cia siiga.

Joeli 3:5 ပူးပေါင်းရင်းမြစ်များ

2 Bi Badiba 12:18

Lanyogunu, Sili yaaba bado Hasayeli den baa Gati dogu bu toabu ki paadi u. O den jagi ke o baa baa Jelusalema.

2 Bi Badiba 16:8

Lanyogunu, Akasi den taa yaa ŋanjilifa leni yaa wula n den ye Li Miali Diedo diegu nni leni o bado ŋalimandieli nni kuli ki teni ke bi ban puni Asili bado.

2 Bi Badiba 24:13

O den fie yaa ŋalimano n den ye Li Miali Diedo diegu nni leni o bado diegu nni kuli, ki pua ki mudi Isalele diema bado Salomono n den duadi yaa tiadi ke ti tie wula Li Miali Diedo tuonli po, nani Li Miali Diedo n den tuodi ki yedi maama.

Esayi 11:11

Laa daali O Diedo baa goa ki tandi o nuu Ki da ki faabi o niba Yaaba n sieni ki ye Asili leni Ejipiti diema nni, Patilosi leni Etiopi, Elami, Sineala, Hamati leni mi ñincianma kpendega nni.

Jeremi 23:7

Li Miali Diedo yedi: Lani n teni ke a dana kpendi Ke bi kan go poli ki yedi: ‹Li Miali Diedo fo, Wani yua teni ke Isalele yaaba ñani Ejipiti diema nni!›

Jeremi 50:28

Li tie yaaba n tiini ki ña Babilona po yaa kuudi yo, Ki wangi Siyono dogu nni Ke Li Miali Diedo tu o panli. O tu li panli o diegu po.

Jeremi 51:11

Li Miali Diedo pia yanjagili. Lani n tie ke o bua ki bolini Babilona. O fiini Medi yaa badiba yo n soani li tuonli. Li tie wan baa pa i panpaani yaa yogunu, Wan baa tu li panli o diegu po yaa yogunu. Luani mani yi piemi bonŋanla. Gbieni mani yi luona!

Esekieli 37:12

Lanwani pua sawali ki yedi ba: O Diedo, Li Miali Diedo yedi mi ne: ‹Yinba n niba, n baa luodi yi kula, ki ñani yi a kula yeni niinni ki teni yin guani Isalele tinga nni.

Danieli 11:38

O baa cedi bani ki yaa kpiagidi yaa bulo n die i kaanpaali, o baanba n ki den bani yi. O baa kpiagi o bulo yeni leni yaa paabu n tie wula leni ŋanjilifa leni yaa tanmoana n pia mi jawaama ke a dunga pa boncianla leni tiamoantoadi.

Abidiasi 1:17

Ama yaaba n cia baa ye Siyono juali po. Min go baa goa ki diedi yaali cain N niba Jakobo puoliŋuani baa goa Ki diedi mi diema.