Joeli 2:3 - Gourmanchéma Bible

³ U nibuolu yeni liiga tie nani yaa fantama n buondi yeni, U puoli mo nani yaa mupienu n buondi, Hali ke u daa tagini Mi diema den tie nani Edena koaŋamu yeni. U yaa tagini ki ban pendi, U yen ŋa u puoli po Fanpienma yaama yaa noalima n gundi. Liba ki cia u kani.

U TIENU MAAMA TILI 2013

³ U nibuolu yeni liiga tie nani yaa mu n buondi, U puoli mo nani yaa mupienu n juugi yeni. Hali ke u daa tagini, Mi diema den tie nani Edeni koaŋamu yene. U yaa tagini ki ban pendi, U yen ŋaa u puoli po, Fanpienma yaama yaa noanlima n gundi. Liba ki cia u kani.

Joeli 2:3 ပူးပေါင်းရင်းမြစ်များ

Mi cilima 13:10

Loto den yaadi ki diidi Judana yaa boanjaali yaa fanma kuli ke mi kaani kuli soangi boncianla. Hali yaa yogunu ke Li Miali Diedo daa den bolini Sodoma leni *Gomola, laa tinga kuli hali Tisoala den naani leni Li Miali Diedo yaa koaŋamu ki go tie nani Ejipiti yaa diema yeni.

Mi cilima 2:8

Lanwani Li Miali Diedo U Tienu den buli u koaŋamu Edena kani ki tiegi puoli po. O den taa wan den tagi yaa nilo ki kuani o lienni.

Pisomi 50:3

Ti Tienu kpendi, o kan yaa ŋmini! Mi fantama ye o liiga ki buondi, Ku tafaabiadigu mo gaani ki lindi o.

Pisomi 97:3

Mi fantama n ye o liiga ki cuoni Ki buondi o yibalinba yaaba n gaani ki lindi o.

Mi Ñama 10:15

Bi den pini u tingbanu kuli, ki tinga den biigi kelima bi yaa po. Bi den ŋmani ki tinga bonpudikaala kuli leni i tiidi bonluonkaala kuli, a tatana n den ŋa yaala kuli. I tiidi leni i kuani naa den sieni leni bonsoangiliba kuli Ejipiti diema nni kuli.

Mi Ñama 10:5

Bi baa piini u tingbanu kuli hali ke o nilo kan go le tinga. Bi baa ŋmani yaala n sieni kuli, a tatana n den ŋa yipo yaala. Bi baa ŋmani yaa tiidi n pudi yi kuani nni kuli.

Esayi 14:17

Wani n den li yen teni li ŋandunli n kpandi fanpienma Ki den pua i dogi nafanu, Ki den kubi a kpaada kaa ŋaani ba yeni.›

Esayi 15:6

Nimilima ñima ñuudi, Ti muadi kuodi, Li moabunli bodi cain. Bonsoangila mo naa go ye.

Esayi 33:4

Bi wodi ti fagidi nani a dondoba n yen jiidi ki ŋmani maama yeni, Bi jiidi nani i naaci n yen jiidi maama yeni.

Esayi 51:3

Yeni, Li Miali Diedo gba Siyono po mi niñima. O gba yaaba n ye ti diegbendi nni po mi niñima. O baa teni o fanpienma mo n tua nani Edena yeni, O tialu mo n tua nani Li Miali Diedo sadingo yeni. Li pamanli leni li pamancianli baa ye o niinni, Leni ti pagidi yani leni i kogidimuani.

Esayi 9:18

Li Miali Diedo U Paaciamu Kuli Daano pabienli Teni ke mi diema cuo mi fantama, Mi fantama dini bi niba. Oba kuli mo kan ŋa o kpiilo.

Esayi 9:19

Bi jobidi ganu leni jienu, Baa leni lankuli mi koma mo naa gbeni. Yua kuli mo koani leni o lielo.

Jeremi 5:17

Bi baa je yi kpaandi leni yi jiema Bi baa je yi bijaba leni yi bisiaba Yi yangbenga leni yi yanbidi kuli Yi duven tiidi kuani leni yi kankandi Bu toabu baa bolini yi dopaali Yin tama naani ke puu kan nandi yi yeni.

Esekieli 36:35

Bi baa yedi: ‹Ban den ŋa yaa diema li paboanli nni yeni, goa ki tua nani Edena kuanu yeni. Laa dogi yi n den wudi ki ye li paboanli nni yeni, go baa u fidu ki go gbie leni bi niba.›

Amosi 7:4

O Diedo, Li Miali Diedo, den doagidi npo yaa bonlekaala n tie na: N den laa wani o Diedo, Li Miali Diedo kpaani ki tua Ke o baa jia o niba ti buudi leni mi fantama, Mi fantama yeni den teni Ke yaa ñincianma n ye ki tinga tiipo ñuudi, Mi den cili ki buondi mi diema.

Habakuki 1:6

N baa teni Kalide yaaba n baa u paalu, Bani yaa nibuolu n bia kaa gba niñima. Bi baa goadi mi tinfanma nni Ki fie ban kaa die yaa tinmu.

Sakari 7:14

N den teni ke bi yadi ba ban kaa den bani yaa nilanbuoli siiga. Ban den gedi ki ŋa mi diema, mi den tua diegbena, nilo n kaa go den tagi naani. Laa diemanma den tua fanpienma ke nilo ki go ye mi niinni.› »